gandhi

Arsh Malsiyani

gandhi

Arsh Malsiyani

MORE BY Arsh Malsiyani

    shahīdoñ sartāj jannat-maqām

    mohabbat me.arāj zī-ehtirām

    ġhulāmān-e-ālam pusht-o-panāh

    ahinsā ke bandoñ ummīd-gāh

    vo ġham bhī vatan thā ġham-ḳhvār bhī

    razākār bhī aur sālār bhī

    ahinsā pairav magar sher-e-mard

    mohabbat meñ yaktā sadāqat meñ fard

    huā jis ke dam se ba-sad ehtishām

    siyāsat se ūñchā sadāqat naam

    vo aadam azmat ā.īna-dār

    vo zarra ki chamkā thā ḳhurshīd-dār

    vo jis ne diyā ādamiyat ko auj

    vo jis ne laḌā.ī ahinsā fauj

    qafas hai koī ab na sayyād hai

    vatan jis hikmat se āzād hai

    vo nūr-e-ziyā-bār sīmā-e-ḳhair

    vo jūyā-e-ḳhair-o-shanāsā-e-ḳhair

    farishta-ḳhisāl-o-farishta-siyar

    malak dar-haqīqat ba-zāhir bashar

    mohabbat vo ik shabīh-e-hasīñ

    uḳhuvvat vo ek māh-e-mubīñ

    vo haq āgahī kachhāroñ sher

    sadāqat ke maidāñ mard-e-diler

    falak-āfrīñ aur gardūñ-tarāz

    marīzān-e-pastī vo chārasāz

    vo kotāh-bīnoñ sham-e-shu.ūr

    vo gumrāhiyoñ meñ hidāyat nuur

    vo jis ne uThāyā zamāne baar

    kiyā jis ne jābir ko be-iḳhtiyār

    vo be-misl qaa.id muassar ḳhatīb

    vo lashkar meñ jis ke amīr-o-ġharīb

    vo jis ne karoḌoñ ke kaaTe haiñ band

    vo arfa.a vo a.alā vo sab se buland

    vo jis atā hai nirālī atā

    vo jis ne diyā ik nayā falsafa

    zamīñ par bahā us jarī lahū

    tafūbar ai charḳh-e-gardāñ tafū

    shahidon ka sartaj jannat-maqam

    mohabbat ki mearaj zi-ehtiram

    ghulaman-e-alam ki pusht-o-panah

    ahinsa ke bandon ki ummid-gah

    wo gham bhi watan ka tha gham-KHwar bhi

    razakar bhi aur salar bhi

    ahinsa ka pairaw magar sher-e-mard

    mohabbat mein yakta sadaqat mein fard

    hua jis ke dam se ba-sad ehtisham

    siyasat se uncha sadaqat ka nam

    wo aadam ki azmat ka aaina-dar

    wo zarra ki chamka tha KHurshid-dar

    wo jis ne diya aadamiyat ko auj

    wo jis ne laDai ahinsa ki fauj

    qafas hai koi ab na sayyaad hai

    watan jis ki hikmat se aazad hai

    wo nur-e-ziya-bar sima-e-KHair

    wo juya-e-KHair-o-shanasa-e-KHair

    farishta-KHisal-o-farishta-siyar

    malak dar-haqiqat ba-zahir bashar

    mohabbat ki wo ek shabih-e-hasin

    uKHuwwat ka wo ek mah-e-mubin

    wo haq aagahi ki kachhaaron ka sher

    sadaqat ke maidan ka mard-e-diler

    falak-afrin aur gardun-taraaz

    marizan-e-pasti ka wo chaarasaz

    wo kotah-binon ki sham-e-shuur

    wo gumrahiyon mein hidayat ka nur

    wo jis ne uThaya zamane ka bar

    kiya jis ne jabir ko be-iKHtiyar

    wo be-misl qaid muassar KHatib

    wo lashkar mein jis ke amir-o-gharib

    wo jis ne karoDon ke kaTe hain band

    wo arfa wo aala wo sab se buland

    wo jis ki ata hai nirali ata

    wo jis ne diya ek naya falsafa

    zamin par baha us jari ka lahu

    tafubar tu ai charKH-e-gardan tafu

    Source:

    • Book: Kulliyat-e-Arsh (Pg. 296)
    • Author: Arsh Malsiyani
    • Publication: Ali Imran Chaudhary

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY