ghazal kya hai

hai ġhazal meñ zindagī se guftugū

kahte haiñ urdu kī hai ye aabrū

haañ ġhazal meñ āshiqī kā aks hai

mai-kade kī raushnī kā aks hai

sher is ke yaad rakkhe jaate haiñ

bachcho ye har ik ke dil ko bhāte haiñ

'mīr'-o-'ġhālib' kī ġhazal mash.hūr hai

is meñ ishq-o-falsafa kā nuur hai

hai ġhazal hindī meñ īrānī meñ hai

ik nasha sā is ke sheroñ hī meñ hai

sher ġhazloñ kā har ik āzād hai

husn aur hikmat se jo ābād hai

nazm par bachcho ġhazal bhārī huī

is kī shohrat baḌh rahī hai aaj bhī

ban ke kyoñ bachchoñ kā shā.ir hī rahūñ

ab ġhazal 'hāfiz' koī achchhī kahūñ

hai ghazal mein zindagi se guftugu

kahte hain urdu ki hai ye aabru

han ghazal mein aashiqi ka aks hai

mai-kade ki raushni ka aks hai

sher is ke yaad rakkhe jate hain

bachcho ye har ek ke dil ko bhate hain

'mir'-o-'ghaalib' ki ghazal mashhur hai

is mein ishq-o-falsafa ka nur hai

hai ghazal hindi mein irani mein hai

ek nasha sa is ke sheron hi mein hai

sher ghazlon ka har ek aazad hai

husn aur hikmat se jo aabaad hai

nazm par bachcho ghazal bhaari hui

is ki shohrat baDh rahi hai aaj bhi

ban ke kyon bachchon ka shair hi rahun

ab ghazal 'hafiz' koi achchhi kahun