ikkiswin sadi mein dam toDti hui ek nazm

mujhe mā'lūm thā baabā

baḌe bāzār jāoge

to mere vāste koī

khilaunā le ke aaoge

are baabā jo laa.e ho

khilaunā ho nahīñ saktā

maiñ is ke ḳhauf se ghar meñ bhī tanhā so nahīñ saktā

ye ik bandūq hai jo aag ke sho'le ugaltī hai

isī se zindagānī kī hamesha shaam Dhaltī hai

isī bandūq ke Dar se yahāñ hañstā nahīñ koī

ye bastī kaisī bastī hai jahāñ bastā nahīñ koī

jahāñ bastā nahīñ koī

parinde ḳhauf ke maare nahīñ parvāz kar paate

galī meñ khelne bachche palaT kar ab nahīñ aate

mujhe bāzār se baabā badal kar aur shai lā do

khilaunā jis meñ chāhat ho

mohabbat kā tarāna ho

magar baabā

tirī chup se ye maiñ ne raaz jaanā hai

mujhe aisā khilaunā apne hāthoñ se banānā hai

mujhe ma'lum tha baba

baDe bazar jaoge

to mere waste koi

khilauna le ke aaoge

are baba jo lae ho

khilauna ho nahin sakta

main is ke KHauf se ghar mein bhi tanha so nahin sakta

ye ek banduq hai jo aag ke sho'le ugalti hai

isi se zindagani ki hamesha sham Dhalti hai

isi banduq ke Dar se yahan hansta nahin koi

ye basti kaisi basti hai jahan basta nahin koi

jahan basta nahin koi

parinde KHauf ke mare nahin parwaz kar pate

gali mein khelne bachche palaT kar ab nahin aate

mujhe bazar se baba badal kar aur shai la do

khilauna jis mein chahat ho

mohabbat ka tarana ho

magar baba

teri chup se ye main ne raaz jaana hai

mujhe aisa khilauna apne hathon se banana hai