jo har surat se Khaali hai

abhī tak mere takiye par

tirī ḳhushbū mahaktī hai

abhī bhī merī āñkhoñ meñ

umīdeñ ārzūeñ haiñ

magar in meñ kahīñ par bhī

tire aane kī halkī sī

koī sūrat nahīñ dikhtī

mirī āñkhoñ meñ ab bhī haiñ

vo guzre saal ke lamhe

ki jin lamhoñ meñ tum mujh se

vafā kā 'ahd karte the

mujhe khone se Darte the

mirī tasvīr āñkhoñ meñ

chhupāte phir rahe the tum

vo chehra lā'l-e-ahmar hai

vo āñkheñ bhī ġhazālī haiñ

vo ruḳhsāroñ pe gul afshāñ

vo hoñToñ par jo laalī hai

use qudrat ne baḳhshā hai

hasīñ āvāz kā paikar

vo ḳhush-lahja vo ḳhush-naġhma

jahāñ bhar se nirālī hai

ye gā gā kar zamāne ko

batāte phir rahe the tum

vo guzre saal ke lamhe

kahīñ to kho chuke haiñ ab

na lahjoñ meñ namī hai aur

na āñkheñ hī ġhazālī haiñ

na rangat phuul jaisī hai

na hoñToñ par vo laalī hai

udāsī ne mire ghar meñ

jagah apnī banā lī hai

faqat ik jism baaqī hai

jo har sūrat se ḳhālī hai

abhi tak mere takiye par

teri KHushbu mahakti hai

abhi bhi meri aankhon mein

umiden aarzuen hain

magar in mein kahin par bhi

tere aane ki halki si

koi surat nahin dikhti

meri aankhon mein ab bhi hain

wo guzre sal ke lamhe

ki jin lamhon mein tum mujh se

wafa ka 'ahd karte the

mujhe khone se Darte the

meri taswir aankhon mein

chhupate phir rahe the tum

wo chehra la'l-e-ahmar hai

wo aankhen bhi ghazali hain

wo ruKHsaron pe gul afshan

wo honTon par jo lali hai

use qudrat ne baKHsha hai

hasin aawaz ka paikar

wo KHush-lahja wo KHush-naghma

jahan bhar se nirali hai

ye ga ga kar zamane ko

batate phir rahe the tum

wo guzre sal ke lamhe

kahin to kho chuke hain ab

na lahjon mein nami hai aur

na aankhen hi ghazali hain

na rangat phul jaisi hai

na honTon par wo lali hai

udasi ne mere ghar mein

jagah apni bana li hai

faqat ek jism baqi hai

jo har surat se KHali hai