ma’zarat

barham mizāj-e-vaqt hai ai mere ham-nashīñ

ab bārgāh-e-husn meñ jhuktī nahīñ jabīñ

jabr-e-ġham-e-hayāt ke sadqe tirā ḳhayāl

bār-e-ġham-e-ma'āsh par qurbān ho gayā

vo dil jo terī yaad se ābād thā kabhī

badlā mizāj-e-vaqt to vīrān ho gayā

barsoñ bune jo ḳhvāb vo lamhoñ meñ jal ga.e

qismat kī ye ḳhatā hai ḳhatāvār maiñ nahīñ

ḳhushiyoñ ke giit dard ke sāñche meñ Dhal ga.e

hai vaqt kā qusūr gunahgār maiñ nahīñ

ab aur koī ḳhvāb batā kaise dekh luuñ

dekhe jo ḳhvāb un kā tū anjām dekh le

mujh ko tirā ḳhayāl nahīñ ye gila bajā

lekin zarā hayāt ke ālām dekh le

aisā nahīñ ki tujh se mohabbat nahīñ mujhe

lekin ġham-e-hayāt se fursat nahīñ mujhe

barham mizaj-e-waqt hai ai mere ham-nashin

ab bargah-e-husn mein jhukti nahin jabin

jabr-e-gham-e-hayat ke sadqe tera KHayal

bar-e-gham-e-ma'ash par qurban ho gaya

wo dil jo teri yaad se aabaad tha kabhi

badla mizaj-e-waqt to viran ho gaya

barson bune jo KHwab wo lamhon mein jal gae

qismat ki ye KHata hai KHatawar main nahin

KHushiyon ke git dard ke sanche mein Dhal gae

hai waqt ka qusur gunahgar main nahin

ab aur koi KHwab bata kaise dekh lun

dekhe jo KHwab un ka tu anjam dekh le

mujh ko tera KHayal nahin ye gila baja

lekin zara hayat ke aalam dekh le

aisa nahin ki tujh se mohabbat nahin mujhe

lekin gham-e-hayat se fursat nahin mujhe