mera roza hai

koī kaam nahīñ karte ho

sab ko Taal diyā karte ho

net se tum chipke rahte ho

s-m-s karte rahte ho

ik roze kā kar ke bahāna

saarā din so.e rahte ho

apnī zid par aḌ jaate ho

zarā sī baat par laḌ paḌte ho

daadī jaan bulātī haiñ to

un kī baat nahīñ sunte ho

asr meñ tum ko niiñd aatī hai

ishā meñ tum ġhā.eb rahte ho

jis din iftārī kuchh kam ho

us din tum bigḌe rahte ho

raġhbat hai bas iftārī se

saharī meñ kam hī uThte ho

husn-e-ḳhulq ibādat hai naañ

is pe dhyān nahīñ dete ho

bhūke pyāse kyuuñ rahte ho

roze āḳhir kyuuñ rakhte ho

koi kaam nahin karte ho

sab ko Tal diya karte ho

net se tum chipke rahte ho

s-m-s karte rahte ho

ek roze ka kar ke bahana

sara din soe rahte ho

apni zid par aD jate ho

zara si baat par laD paDte ho

dadi jaan bulati hain to

un ki baat nahin sunte ho

asr mein tum ko nind aati hai

isha mein tum ghaeb rahte ho

jis din iftari kuchh kam ho

us din tum bigDe rahte ho

raghbat hai bas iftari se

sahari mein kam hi uThte ho

husn-e-KHulq ibaadat hai nan

is pe dhyan nahin dete ho

bhuke pyase kyun rahte ho

roze aaKHir kyun rakhte ho