shahr azimabaad

pahle jaisā kyā vahī shahr-e-‘azīmābād hai

mat kaho ābād is ko ab to ye barbād hai

ab kahāñ vo din vo rāteñ ab kahāñ vo sohbateñ

sarzamīn-e-'shād' par har aadmī nāshād hai

jo savārī par chalā us par huī shāmat savār

ab to paidal rāsta chalnā bhī ik bedād hai

jo bhī chāhe rāsta chalnā kisī kā rok de

kaisī āzādī hai āḳhir kaisī ye uftād hai

ab to chaltī kā nahīñ ruktī kā gaaḌī naam hai

baiThnā gaaḌī ke andar qaid kī mī'ād hai

jo bhī chāhe jis ko chāhe maar kar chaltā bane

jānvar se baḌh ke ab ḳhūñḳhār ādam-zād hai

ḳhaas mujrim hai to ḳhātir jail meñ bhī ḳhaas hai

jaise ki sasurāl meñ aayā koī dāmād hai

rally hai golī hai bambārī hai rasta jaam hai

jis se suniye sab ke hoñToñ par yahī fariyād hai

sub.h kā niklā ye bolā shaam ko ghar lauT kar

phir nayā jīvan milā parbhū kā āshīrvād hai

shahr se ab gaañv tak jallādī kārobār hai

kaam us kā Thap hai jo qānūn kā jallād hai

āshiyāne se jahāñ niklā ki aayā jaal meñ

taak meñ panchhī kī baiThā muntazir sayyād hai

pahle jaisa kya wahi shahr-e-‘azimabaad hai

mat kaho aabaad is ko ab to ye barbaad hai

ab kahan wo din wo raaten ab kahan wo sohbaten

sarzamin-e-'shad' par har aadmi nashad hai

jo sawari par chala us par hui shamat sawar

ab to paidal rasta chalna bhi ek bedad hai

jo bhi chahe rasta chalna kisi ka rok de

kaisi aazadi hai aaKHir kaisi ye uftad hai

ab to chalti ka nahin rukti ka gaDi nam hai

baiThna gaDi ke andar qaid ki mi'ad hai

jo bhi chahe jis ko chahe mar kar chalta bane

jaanwar se baDh ke ab KHunKHar aadam-zad hai

KHas mujrim hai to KHatir jail mein bhi KHas hai

jaise ki sasural mein aaya koi damad hai

rally hai goli hai bambari hai rasta jam hai

jis se suniye sab ke honTon par yahi fariyaad hai

subh ka nikla ye bola sham ko ghar lauT kar

phir naya jiwan mila parbhu ka aashirwad hai

shahr se ab ganw tak jalladi karobar hai

kaam us ka Thap hai jo qanun ka jallad hai

aashiyane se jahan nikla ki aaya jal mein

tak mein panchhi ki baiTha muntazir sayyaad hai