Search result for

SEARCH RESULTS

Showing search results for "kolhuu"

MOST RELEVANT MATCHES FOR "kolhuu"

Nazm

imtihan

vaqt raTne ke liye kam rah gayaa zyaada hai kaam
saal bhar jin ko na dekhaa vo KHulaase nek-naam
saamne rakkhe hai.n un ko jhuk ke karte hai.n salaam
un kii puujaa hii me.n saaraa vaqt hotaa hai tamaam
television bhii nahii.n Gaa.eb hu.e hai.n saare khel
Daal kar kolhuu me.n bachcho.n ko nikaalo un kaa tel

Syed Mohammad Jafri

Mazahiya

sultaan aKHtar aap jo Gaa.eb hai.n aaj-kal
rahmaaniya nashiino.n kii shaam-o-sahar hai Dal
jab se qalam ko taj ke sambhaalii hai rifle
aalaam-e-bevgii me.n pa.Dii hai na.ii Gazal
yaksar udaas rahte hai.n kul intellectual
nazr-e-shikaar ho ga.ii un kii chahal-pahal
albatta ik zaraa sii hu.ii thii uthal-puthal
muddat ke baa'd TuuTaa thaa naa kaa jumuud kal
do naujavaan sahn me.n is chaa.e-gaah ke
baaham digar the bahs me.n masruuf be-KHalal
thaa un me.n ek chuuza qad-o-munhanii badan
qaamat me.n duusraa thaa shuturmurG se double
ye bahs thii ki kaun hai in me.n jadiid-tar
dono.n me.n kis kii hotii hai tahriir mubtazal
dono.n me.n kaun kis se ziyaada hai be-tukaa
kahtaa hai kaun kis se zaTal khurdurii Gazal
in me.n jo manhanii thaa vo bolaa ba-sad Guruur
sun lo ki mai.n huu.n tum se ba.Daa intellectual
merii kahaaniyo.n me.n ma.aquul kaa rang hai
mafluuj jin ke saamne hai fahm kaa amal
tarsiil-e-naa-rasaa kii sanad mere paas hai
mujh ko saraahtaa hai mujaahid miyaa.n kaa dil
ye lan-taraaniyaa.n na hu.ii.n duusre se hazm
ho.nT is ke kaa.npne lage aayaa jabii.n pe bal
chiiKHaa vo aa ke taish mai.n terii bisaat kyaa
to aur jadiidiyat me.n bane meraa rival
likhtaa huu.n aise aise makaatiib be-tuke
kolhuu kaa bail bhii miraa chelaa hai aaj-kal
islaah dii kalaam pe KHud tere baarhaa
ma.anii se lafz lafz se ma.anii diye badal
in sab ke baavajuud aka.Dtaa hai mujh se tuu
kyaa daf.atan dimaaG me.n aayaa tire KHalal
ab manhanii adiib ko bhii aa gayaa jalaal
kahne lagaa ki zarf se apne na yuu.n ubal
imlaa durust hai na talaffuz tiraa durust
tahriir ho kalaam ho har chiiz hai zaTal
islaah degaa KHaak vo mere kalaam par
jo naql ko naqal kahe aur asl ko asal
ye baat duusre ko lagii saKHt naagavaar
aur vo chalaa ke haath ye bolaa ki le sambhal
phir to evaz zabaan ke haatho.n ke bol se
us ne shuruu.a kar diyaa tanqiid kaa amal
ba.ad us ke dono.n guth ga.e ek duusre ke saath
rahmaaniya ke sahn me.n hone lagaa Dual
kamzor dekhne hii me.n thaa manhanii javaan
jhapTaa daraaz-qad pe jo pahluu badal badal
yaaraa mudaafa.at kaa na baaqii rahaa use
do Thokaro.n me.n gir pa.Daa be-chaara mu.nh ke bal
chiite kii tarah jast lagaa kar hariif par
zaa.e.a kiye baGair ko.ii lamha ko.ii pal
pusht-e-daraaz-qad pe vo jhaT ho gayaa savaar
aur us ke saare jism ko karne lagaa kharal
ik bhii.D jam.a ho ga.ii dono.n ke ird-gard
paidaa hu.aa na un ke amal me.n magar KHalal
dekhaa tamaam logo.n ne ik lutf-e-KHaas se
iz.haar-e-zaat kaa vo tamaashaa-e-be-badal
jab dono.n thak ke chuur hu.e KHud hii haT ga.e
chehra kisii kaa surKH thaa baazuu kisii kaa shal
is vaaqiye ko sun ke kare.n aap faisla
un me.n thaa kaun kis se ba.Daa intellectual

Raza Naqvi Vahi

Rekhti

yaa rab shab-e-judaa.ii to hargiz na ho nasiib
bandii ko yuu.n jo chaahe to kolhuu me.n pel Daal

Rangin Saadat Yaar Khan

Nazm

aaKHir aisa kyon hai papa

aaKHir aisaa kyo.n hai paapaa
mere shahr-e-kalkatta me.n
murGii nahii.n murGii haTTe me.n
kolhuu nahii.n kolhuu Tole me.n
maalaa nahii.n maalaa-paa.De me.n
belaa nahii.n baliyaa ghaaTe me.n
aaKHir aisaa kyo.n hai paapaa
mere shahr-e-kalkatta me.n
chuunaa galii me.n chuunaa kab hai
shiisha galii me.n shiisha kab hai
chhaataa galii me.n chhaataa kab hai
baksaa galii me.n baksaa kab hai
aaKHir aisaa kyo.n hai paapaa
mere shahr-e-kalkatta me.n
bhishtii nahii.n bhishtii-paa.De me.n
mochii nahii.n mochii-paa.De me.n
haajii nahii.n haajii-paa.De me.n
qaazii nahii.n qaazii-paa.De me.n
aaKHir aisaa kyo.n hai paapaa
mere shahr-e-kalkatta me.n
taal nahii.n hai taal-tale me.n
niim nahii.n hai niim tale me.n
jhaav nahii.n hai jhaav-tale me.n
baa.ns nahii.n hai baa.ns-tale me.n
aaKHir aisaa kyo.n hai paapaa
mere shahr-e-kalkatta me.n
hairat se jab mai.n ne puuchhaa
bas itnaa hii bole paapaa
aaj nahii.n hai lekin beTaa
barso.n pahle hotaa hogaa

Faragh Rohvi

Nazm

be-abaad gharon ka nauha

be-aabaad gharo.n me.n aisaa hotaa hai
duur ke des ko jaane vaalaa kolhuu kaa ek bail banaa hai
har pahlii ko harkaare ke haath me.n ek money-order kaa rasta taktii
baap kii aa.nkhe.n KHushii KHushii tasbiih ke daane jaldii jaldii pher rahii hai.n
bahne.n dollar ke ta.aviiz banaa kar gale me.n Daale ghuum rahii hai.n
bhaa.ii apne yaaro.n me.n pardes ke qisse rang-birangii aavaazo.n me.n haa.nk rahe hai.n
KHush-fahmii kii maarii biivii apnii javaanii umr ke calender me.n rakh kar kaamo.n me.n lag jaatii hai
maa.n diivaar pe baiThe kavve kii aavaaz ko sun kar KHush hotii hai
duur ke des me.n
kolhuu kaa vo bail bechaara
raat ko thak kar so jaataa hai
be-aabaad gharo.n me.n aksar
aisaa ho jaataa hai

Zaeem Rasheed

See All

DICTIONARY MATCHES

REKHTA DICTIONARY

kolhuu

कोल्हूکولُہو

kolhuu

कोल्हूکولُھو

Sanskrit

a kind of machine to extract oil from seeds and juice form sugarcane

koluu

कोलूکولُو

تیل نکالنے یا گنّا پیلنے کا آلہ، کولھو، تیل

kolhii

कोल्हीکولھی

Hindi

embrace, hug

MORE MATCHES FOR "kolhuu"

Ghazal

vaqt kolhuu hai aur ham sab bail
munfarid hai nizaam telii kaa

Aqeel Abbas

Nazm

daere

uu.nche makaano.n kii diivaaro.n par harii bharii phuulo.n kii bel
surma.ii baadalo.n ke ghu.nghaT se merii chhoTii khi.Dkii kii taraf
dekhtii hai
persuaders T.v par film chal rahii hai
mai.n kis ke ta.aaqub me.n apnii taraf bhaag rahii huu.n
mai.n kolhuu kaa bail huu.n
roz ek daa.era apne ird-gird khii.nchtii huu.n aur is daa.ere
ke aage ek aur daa.era phir ek aur
yuu.n aage hii aage daa.ere hii daa.ere
zindagii kaa safar daa.ero.n se likhaa gayaa
subah dopahar shaam aa.nsuu kii roTii dukh kaa saalan aur
sard aaho.n kaa paanii
barsaato.n kii shaame.n nirmal komal dil ko yuu.n dahlaatii hai.n
jaise aatish-daan kii qariib so.ii billii an-jaane qadmo.n se chau.nk jaa.e
ye bhii ek daa.era hai
is daa.ere ke andar hamaare hathiyaar zamiin par pa.Dte hai.n
aur ham haath uThaa.e aasmaanii aavaaz par
aage hii aage be-samt chalte jaa rahe hai.n
daa.ere bante jaa rahe hai.n

SEARCH RESULTS

MOST RELEVANT MATCHES FOR "kolhuu"

Nazm

imtihan

Syed Mohammad Jafri

Mazahiya

Raza Naqvi Vahi

Rekhti

Rangin Saadat Yaar Khan

Nazm

aaKHir aisa kyon hai papa

Faragh Rohvi

Nazm

be-abaad gharon ka nauha

Zaeem Rasheed

DICTIONARY MATCHES

REKHTA DICTIONARY

kolhuu

kolhuu

koluu

kolhii

MORE MATCHES FOR "kolhuu"

Ghazal

Aqeel Abbas

Nazm

daere

Shaista Habeeb

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books