Search result for

SEARCH RESULTS

Showing search results for "takiya"

See All

POETS/AUTHORS/ARTISTS

1922 - 2001

born.1979

born.1968

Dr. Qurratulain Tahira

Tahira Sultana Makhfi

MOST RELEVANT MATCHES FOR "takiya"

Nazm

banjara-nama

kuchh kaam na aavegaa tere ye laal-o-zamurrad siim-o-zar
jab puu.njii baaT me.n bikhregii har aan banegii jaan uupar
naubat naqqaare baan nishaan daulat hashmat fauje.n lashkar
kyaa masnad takiya mulk makaa.n kyaa chaukii kursii taKHt chhatar
sab ThaaTh pa.Daa rah jaavegaa jab laad chalegaa banjaaraa

Nazeer Akbarabadi

Nazm

wo kamra yaad aata hai

mai.n jab bhii
zindagii kii chilchilaatii dhuup me.n tap kar
mai.n jab bhii
duusro.n ke aur apne jhuuT se thak kar
mai.n sab se la.D ke KHud se haar ke
jab bhii us ek kamre me.n jaataa thaa
vo halke aur gahre kattha.ii ra.ngo.n kaa ik kamra
vo behad mehrbaa.n kamra
jo apnii narm muTThii me.n mujhe aise chhupaa letaa thaa
jaise ko.ii maa.n
bachche ko aa.nchal me.n chhupaa le
pyaar se Daa.nTe
ye kyaa aadat hai
jaltii dopahar me.n maare maare ghuumte ho tum
vo kamra yaad aataa hai
dabiiz aur KHaasaa bhaarii
kuchh zaraa mushkil se khulne vaalaa vo shiisham kaa darvaaza
ki jaise ko.ii akkha.D baap
apne khurdure siine me.n
shafqat ke samundar ko chhupaa.e ho
vo kursii
aur us ke saath vo ju.Dvaa.n bahan us kii
vo dono.n
dost thii.n merii
vo ik gustaaKH mu.nh-phaT aa.iina
jo dil kaa achchhaa thaa
vo be-ha.ngam sii almaarii
jo kone me.n kha.Dii
ik buu.Dhii annaa kii tarah
aa.iine ko tambiih kartii thii
vo ik gul-daan
nanhaa saa
bahut shaitaan
un dino.n pe ha.nstaa thaa
dariicha
yaa zehaanat se bharii ik muskuraahaT
aur dariiche par jhukii vo bel
ko.ii sabz sargoshii
kitaabe.n
taaq me.n aur shelf par
sanjiida ustaanii banii baiThii.n
magar sab muntazir is baat kii
mai.n un se kuchh puuchhuu.n
sirhaane
nii.nd kaa saathii
thakan kaa chaara-gar
vo narm-dil takiya
mai.n jis kii god me.n sar rakh ke
chhat ko dekhtaa thaa
chhat kii ka.Diyo.n me.n
na jaane kitne afsaano.n kii ka.Diyaa.n thii.n
vo chhoTii mez par
aur saamne diivaar par
aavezaa.n tasviire.n
mujhe apnaa.iyat se aur yaqii.n se dekhtii thii.n
muskuraatii thii.n
unhe.n shak bhii nahii.n thaa
ek din
mai.n un ko aise chho.D jaa.uu.ngaa
mai.n ik din yuu.n bhii jaa.uu.ngaa
ki phir vaapas na aa.uu.ngaa

Javed Akhtar

Marsiya

thaa jo sutuu.n ki rukn-e-risaalat kaa takiya-gaah
kursii bhii us kii pusht kii thii Dhuu.nDhtii panaah
thaa jis hasiir par vo do aalam kaa baadshaah
hasrat se arsh kartaa thaa us farsh par nigaah
auj-e-zamii.n bahisht-e-barii.n se do-chand thaa
mimbar kaa nuh falak se bhii paaya buland thaa

Meer Anees

Sher

firaaq-e-yaar ne bechain mujh ko raat bhar rakkhaa
kabhii takiya idhar rakkhaa kabhii takiya udhar rakkhaa

Ameer Minai

Sher

baaGbaa.n ne aag dii jab aashiyaane ko mire
jin pe takiya thaa vahii patte havaa dene lage

Saqib Lakhnavi

PAGE MATCHES FOR "takiya"

Not being overly concerned may take two forms. It may a negative attitude and make one careless of everything around. The other one is rather spiritualist and is a characteristic of the men of God. Urdu poetry has many images of the beloveds who remain unconcerned and cause misery to lovers. We have a small selection here taking various shades of this attitude into account.

Tohfa

A selection of verses on the idea of gift is a humble gift from us to you. Read them and share them with others to appreciate its value. Giving and taking gifts help nurture relationships, strengthen bonds, add meaning to life, and make life pleasantly livable. However, gifting between lovers has had a different dimension. You would appreciate this selection for the variety it represents on this theme of sharing and caring.

See All

DICTIONARY MATCHES

REKHTA DICTIONARY

takiya

तकियाتَکْیَہ

Persian

a pillow, bolster, cushion

taaqiya

ताक़ियाطاقِیَہ

Arabic

the special kind of hat that the murshid gives to his disciples

taa'qiya

ता'क़ियाتَعْقِیَہ

بچے کو ایسی چیز کھلانا جس سے اس کو پیشاب یا پاخانہ نہ آئے.

taqiyya

तक़िय्याتَقِیَّہ

Arabic

fear (of God), piety, pious fraud or subterfuge (allowable in certain cases e.g. in the case of a Shia'svisiting Mecca as a pilgrim, and calling himself a Sunni)

See All

BOOKS MATCHES FOR "takiya"

Wahabiya Ki Taqiya Bazi

Maulwi Mohammad Mustafa Raza Khan

Taqiyya

Syed Ali Naqi

Aasarat-e-Takiya Shareef

Shah Mohammad Mujtaba Haider

Kulliyaat-e-Umoor-e-Tabeeiya

Hakim Taskhir Ahmad

Urdu Fiction Tanqeed Aur Tajziya

Sagheer Afraheem

Fiction Criticism

Urdu Asaleeb-e-Nasr: Tareekh Wa Tajziya

Amirullah Khan Shahin

Research & Criticism

Jadeed Urdu Adab

Mohammad Hasan

Criticism

Manto Ka Usloob

Tahira Iqbal

Criticism

Urdu Afsana

Hamidi Kashmiri

Short-story Criticism

Tahira Qurrat-ul-Ain

Martha Root

Biography

Bartanvi Raj

Mubarak Ali

Nazeer Akbarabadi Bahaisiyat-e-Awami Shair

Tahira Parveen

Poetry Criticism

Nai Nazm: Tajziya Aur Intekhab

Zubair Rizvi

Urdu Nasr Ka Taqeedi Mutala

Sumbul Nigaar

Criticism

Tazkira-e-Mashaikh-e-Bihar

Dr. Taiyab Abdali

Tazkira

MORE MATCHES FOR "takiya"

Nazm

kangan

kaash mai.n tere hasii.n haath kaa ka.ngan hotaa
tuu ba.De pyaar se chaav se ba.De maan ke saath
apnii naazuk sii kalaa.ii me.n cha.Dhaatii mujh ko
aur betaabii se furqat ke KHizaa.n lamho.n me.n
tuu kisii soch me.n Duubii jo ghumaatii mujh ko
mai.n tire haath kii KHushbuu se mahak saa jaataa
jab kabhii mood me.n aa kar mujhe chuumaa kartii
tere ho.nTo.n kii me.n hiddat se dahak saa jaataa
raat ko jab bhii tuu nii.ndo.n ke safar par jaatii
marmarii.n haath kaa ik takiya banaayaa kartii
mai.n tire kaan se lag kar ka.ii baate.n kartaa
terii zulfo.n ko tire gaal ko chuumaa kartaa
jab bhii tuu band-e-qabaa kholne lagtii jaanaa.n
apnii aa.nkho.n ko tire husn se KHiira kartaa
mujh ko betaab saa rakhtaa tirii chaahat kaa nasha
mai.n tirii ruuh ke gulshan me.n mahaktaa rahtaa
mai.n tire jism ke aa.ngan me.n khanaktaa hotaa
kuchh nahii.n to yahii be-naam saa bandhan hotaa
kaash mai.n tere hasii.n haath kaa ka.ngan hotaa

Wasi Shah

Ghazal

baaGbaa.n ne aag dii jab aashiyaane ko mire
jin pe takiya thaa vahii patte havaa dene lage

Saqib Lakhnavi

Nazm

jugnu

ye soch soch ke aa.nkhe.n mirii bhar aatii thii.n
to jaa ke suune bichhaune pe leT rahtaa thaa
kisii se ghar me.n na raaz apne dil ke kahtaa thaa
yatiim thii mirii duniyaa, yatiim merii hayaat
yatiim shaam-o-sahar thii, yatiim the shab-o-roz
yatiim merii pa.Dhaa.ii thii mere khel yatiim
yatiim merii masarrat thii meraa Gam bhii yatiim
yatiim aa.nsu.o.n se takiya bhiig jaataa thaa
kisii se ghar me.n na kahtaa thaa apne dil kaa bhed
har ik se duur akelaa udaas rahtaa thaa
kisii shamaa.il-e-naadiida ko mai.n taktaa thaa
mai.n ek vahshat-e-be-naam se ha.Daktaa thaa

Firaq Gorakhpuri

Ghazal

firaaq-e-yaar ne bechain mujh ko raat bhar rakkhaa
kabhii takiya idhar rakkhaa kabhii takiya idhar rakkhaa

Ameer Minai

Ghazal

ek to sharm aap kii aur us pe takiya darmiyaa.n
dono.n diivaaro.n me.n ik diivaar kam kar diijiye

Farhat Ehsas

Ghazal

badalnaa karvaT aur takiya mire pahluu me.n rakh denaa
vo sonaa aap aur meraa jagaanaa yaad aataa hai

Nizam Rampuri

Ghazal

nahii.n aataa ise takiya pe aaraam
ye sar paa.nv se tere hil rahaa hai

Mazhar Mirza Jaan-e-Janaan

Nazm

wo meri pahli mohabbat thi

jis kii aavaaz kaano.n me.n sub.h sub.h chi.Diyo.n kii tarah chahaktii thii
jis kii maujuudgii se fazaa.o.n me.n KHushbuu sii mahaktii thii
vo merii pahlii mohabbat thii
jis kii aa.nkhe.n dekh muta.assir ho jaate the hiran
naqaab se jis kaa chehra aise jhalaktaa thaa jaise suuraj kii pahlii kiran
jis kaa muskuraanaa thaa ki jaise vaadiyo.n me.n sahar kaa aanaa
kisii phuul kii tarah jis pe titliyaa.n ma.nDraayaa kartii thii.n
vo chaa.nd se aa.ii thii shaayad raat me.n sitaaro.n se baate.n kiyaa kartii thii
jo din kaa pahlaa paiGaam bhii thii aur raat kaa aaKHirii salaam bhii
sub.h-baa-KHair se le kar shab-ba-KHair tak jo meraa takiya-kalaam thii
vo merii pahlii mohabbat thii
KHaamoshii me.n chhupaa.e jazbaat jo samajh letii thii
bin zaahir kiye tamaam ehsaasaat jo parakh letii thii
mere liye jo har kahaanii har ek qisse me.n thii
har ek shaa.irii har ek Gazal ke hisse me.n thii
jo har nazm me.n thii aur har mausiiqii me.n bhii
dildaar bhii thii jo aur duniyaa-daar bhii
shaan-o-shaukat kii is duniyaa me.n mujh Gariib kii chaahat kii talabgaar thii
vo merii pahlii mohabbat thii
jo maazii thii magar meraa mustaqbil na ban paa.ii
mere saath har haal me.n raazii thii magar zindagii me.n shaamil na ho paa.ii
pyaar kii raah me.n jo merii ham-safar thii
jis ke jaane ke baad merii zindagii sifar thii
kuchh rishte KHuun ke hote hai.n aur kuchh dil ke
magar ruuh kaa rishta sirf jis shaKHs se thaa
vo merii pahlii mohabbat thii
mere taKHayyul me.n jo ik tasviir ban ke rah ga.ii
jo dil me.n mere bas ke taqdiir me.n kisii aur kii ho ga.ii
jo hamraaz bhii thii aur merii zindagii kaa sab se ba.Daa raaz bhii
jis ke jaane ke muddato.n baad bhii us ke vaapas aane kii ek aas thii
vo merii pahlii mohabbat thii
vo merii pahlii mohabbat thii

Aamir Riaz

Nazm

wo kaisi aurten thin

vo kaisii aurte.n thii.n
jo giilii lak.Diyo.n ko phuu.nk kar chuulhaa jalaatii thii.n
jo sil par surKH mirche.n piis kar saalan pakaatii thii.n
sahar se shaam tak masruuf lekin muskuraatii thii.n
bharii dopahar me.n sar apnaa jo Dhak kar milne aatii thii.n
jo pa.nkhe haath ke jhaltii thii.n aur bas paan khaatii thii.n
jo darvaaze pe ruk kar der tak rasme.n nibhaatii thii.n
pala.ngo.n par nafaasat se darii chaadar bichhaatii thii.n
ba-sad israar mehmaano.n ko sirhaane biThaatii thii.n
agar garmii ziyaada ho to ruuh-afzaa pilaatii thii.n
jo apnii beTiyo.n ko sweater bun.naa sikhaatii thii.n
silaa.ii kii mashiino.n par ka.De roze bataatii thii.n
ba.Dii pleTo.n me.n jo iftaar ke hisse banaatii thii.n
jo kalime kaa.Dh kar lak.Dii ke framo.n me.n sajaatii thii.n
du.aa.e.n phuu.nk kar bachcho.n ko bistar par sulaatii thii.n
aur apnii jaa-namaaze.n mo.D kar takiya lagaatii thii.n
ko.ii saa.il jo dastak de use khaanaa khilaatii thii.n
pa.Dosan maa.ng le kuchh baa-KHushii detii dilaatii thii.n
jo rishto.n ko baratne ke ka.ii nusKHe bataatii thii.n
mohalle me.n ko.ii mar jaa.e to aa.nsuu bahaatii thii.n
ko.ii biimaar pa.D jaa.e to us ke paas jaatii thii.n
ko.ii tehvaar ho to KHuub mil-jul kar manaatii thii.n
vo kaisii aurte.n thii.n
mai.n jab ghar apne jaatii huu.n to fursat ke zamaano.n me.n
unhe.n hii Dhuu.nDhtii phirtii huu.n galiyo.n aur makaano.n me.n
kisii miilaad me.n juzdaan me.n tasbiih daano.n me.n
kisii baraamde ke taaq par baavarchii KHaano.n me.n
magar apnaa zamaana saath le kar kho ga.ii hai.n vo
kisii ik qabr me.n saarii kii saarii so ga.ii hai.n vo

Asna Badr

Nazm

jawab-e-shikwa

aah jab dil se nikaltii hai asar rakhtii hai
gulshan-e-ziist jalaane ko sharar rakhtii hai
top talvaar na ye teG-o-tabar rakhtii hai
bint-e-havvaa kii tarah tiir-e-nazar rakhtii hai
itnaa pur-soz hu.aa naala-e-saffaak miraa
kar gayaa dil pe asar shikva-e-bebaak miraa
ye kahaa sun ke sasur ne ki kahii.n hai ko.ii
saas chupke se ye bolii.n ki yahii.n hai ko.ii
saaliyaa.n kahne lagii.n qurb-o-qarii.n hai ko.ii
saale ye bole ki marduud-o-la.ii.n hai ko.ii
kuchh jo samjhaa hai to ham-zulf ke behtar samjhaa
mujh ko begam kaa sataayaa hu.aa shauhar samjhaa
apne haalaat pe tum Gaur zaraa kar lo agar
jald khul jaa.egii phir saarii haqiiqat tum par
mai.n ne ugne na diyaa zehn me.n nafrat kaa shajar
tum pe Daalii hai sadaa mai.n ne mohabbat kii nazar
kah ke sartaaj tumhe.n sar pe biThaayaa mai.n ne
tum to beTe the faqat baap banaayaa mai.n ne
mai.n ne sasuraal me.n har shaKHs kii izzat kii hai
saas sasure nahii.n nando.n kii bhii KHidmat kii hai
jeTh devar se jeThaanii se mohabbat kii hai
mai.n ne din raat mashaqqat hii mashaqqat kii hai
phir bhii ho.nTo.n pe ko.ii shikva gila kuchh bhii nahii.n
mere din raat kii mehnat kaa sila kuchh bhii nahii.n
sub.h-dam bachcho.n ko tayyaar karaatii huu.n mai.n
naashta sab ke liye roz banaatii huu.n mai.n
baasii tum khaate nahii.n taaza pakaatii huu.n mai.n
chho.Dne bachcho.n ko school bhii jaatii huu.n mai.n
mai.n ki insaan huu.n insaan nahii.n jin ko.ii
merii taqdiir me.n chhuTTii kaa nahii.n din ko.ii
vo bhii din the ki dulhan ban ke mai.n jab aa.ii thii
saath me.n jiine kii marne kii qasam khaa.ii thii
pyaar aa.ankho.n me.n thaa aavaaz me.n shahnaa.ii thii
kabhii mahbuub tumhaarii yahii harjaa.ii thii
apne ghar ke liye ye hastii miTaa dii mai.n ne
zindagii raah-e-mohabbat me.n luTaa dii mai.n ne
kis qadar tum pe giraa.n ek faqat naarii hai
daal roTii jise denaa bhii tumhe.n bhaarii hai
mujh se kab pyaar hai aulaad tumhe.n pyaarii hai
tum hii kah do yahii aa.iin-e-vafaadaarii hai
ghar to biivii se hai biivii jo nahii.n ghar bhii nahii.n
ye double bed ye takiya nahii.n chaadar bhii nahii.n
mai.n ne maanaa ki vo pahlii sii javaanii na rahii
har shab-e-vasl na.ii ko.ii kahaanii na rahii
qulzum-e-husn me.n pahlii sii ravaanii na rahii
ab mai.n pahle kii tarah raat kii raanii na rahii
apnii aulaad kii KHaatir mai.n javaa.n huu.n ab bhii
jis ke qadmo.n me.n hai jannat vahii maa.n huu.n ab bhii
the jo ajdaad tumhaare na thaa un kaa ye shi.aar
tum ho biivii se pareshaan vo biivii pe nisaar
tum kyaa karte ho har vaqt ye jo tum bezaar
tum ho guftaar ke Gaazii vo saraapaa kirdaar
apne ajdaad kaa tum ko to ko.ii paas nahii.n
ham to behis hai.n magar tum bhii to hassaas nahii.n
nahii.n jin mardo.n ko parvaa-e-nasheman tum ho
achchhii lagtii hai jise roz hii uljhan tum ho
ban ga.e apnii grihastii ke jo dushman tum ho
ho ke Gairo.n pe fidaa biivii se bad-zan tum ho
phir se aabaad na.ii ko.ii bhii vaadii kar lo
kisii kalbisnii se ab duusrii shaadii kar lo

Nashtar Amrohvi

SEARCH RESULTS

POETS/AUTHORS/ARTISTS

MOST RELEVANT MATCHES FOR "takiya"

Nazm

banjara-nama

Nazeer Akbarabadi

Nazm

wo kamra yaad aata hai

Javed Akhtar

Marsiya

Meer Anees

Sher

Ameer Minai

Sher

Saqib Lakhnavi

PAGE MATCHES FOR "takiya"

Tags

Beniyazi

Tags

Tohfa

DICTIONARY MATCHES

REKHTA DICTIONARY

takiya

taaqiya

taa'qiya

taqiyya

BOOKS MATCHES FOR "takiya"

MORE MATCHES FOR "takiya"

Nazm

kangan

Wasi Shah

Ghazal

Saqib Lakhnavi

Nazm

jugnu

Firaq Gorakhpuri

Ghazal

Ameer Minai

Ghazal

Farhat Ehsas

Ghazal

Nizam Rampuri

Ghazal

Mazhar Mirza Jaan-e-Janaan

Nazm

wo meri pahli mohabbat thi

Aamir Riaz

Nazm

wo kaisi aurten thin

Asna Badr

Nazm

jawab-e-shikwa

Nashtar Amrohvi

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books