firaq-e-yar ne bechain mujhko raat bhar rakkha

Ameer Minai

firaq-e-yar ne bechain mujhko raat bhar rakkha

Ameer Minai

MORE BY Ameer Minai

    firāq-e-yār ne bechain mujh ko raat bhar rakkhā

    kabhī takiya idhar rakkhā kabhī takiya idhar rakkhā

    shikast-e-dil baaqī ham ne ġhurbat meñ asar rakhā

    likhā ahl-e-vatan ko ḳhat to ik gosha katar rakkhā

    barābar ā.īne ke bhī na samjhe qadr vo dil

    ise zer-e-qadam rakkhā use pesh-e-nazar rakkhā

    miTā.e dīda-o-dil donoñ mere ashk-e-ḳhūnīñ ne

    ajab ye tifl abtar thā na ghar rakkhā na dar rakkhā

    tumhāre sañg-e-dar ek TukḌā bhī jo haath aayā

    aziiz aisā kiyā mar kar use chhātī pe dhar rakkhā

    jināñ meñ saath apne kyuuñ na le jā.ūñgā nāseh ko

    sulūk aisā mere saath hai hazrat ne kar rakkhā

    na kis ne sifārish merī vaqt-e-qatl qātil se

    kamāñ ne haath joḌe teġh ne qadmoñ pe sar rakkhā

    ġhazab barse vo mere aate ma.alūm hotā hai

    jagah ḳhālī jo paa.ī yaar ko ġhairoñ ne bhar rakkhā

    baḌā ehsāñ hai mere sar pe us laġhzish-e-pā

    ki is ne be-tahāshā haath mere dosh par rakkhā

    zamīñ meñ dāna-e-gandum sadaf meñ ham hue gauhar

    hamāre ijz ne har ma.arka meñ ham ko dar rakkhā

    tire har naqsh-e-pā ko rahguzar meñ sajda-gah samjhe

    jahāñ ne qadam rakkhā vahāñ maiñ ne bhī sar rakkhā

    amiir achchhā shagūn-e-mai kiyā saaqī furqat meñ

    jo barsā abr-e-rahmat jā-e-mai shīshoñ meñ bhar rakkhā

    firaq-e-yar ne bechain mujh ko raat bhar rakkha

    kabhi takiya idhar rakkha kabhi takiya idhar rakkha

    shikast-e-dil ka baqi hum ne ghurbat mein asar rakha

    likha ahl-e-watan ko KHat to ek gosha katar rakkha

    barabar aaine ke bhi na samjhe qadr wo dil ki

    ise zer-e-qadam rakkha use pesh-e-nazar rakkha

    miTae dida-o-dil donon mere ashk-e-KHunin ne

    ajab ye tifl abtar tha na ghar rakkha na dar rakkha

    tumhaare sang-e-dar ka ek TukDa bhi jo hath aaya

    aziz aisa kiya mar kar use chhati pe dhar rakkha

    jinan mein sath apne kyun na le jaunga naseh ko

    suluk aisa hi mere sath hai hazrat ne kar rakkha

    na ki kis ne sifarish meri waqt-e-qatl qatil se

    kaman ne hath joDe tegh ne qadmon pe sar rakkha

    ghazab barse wo mere aate hi malum hota hai

    jagah KHali jo pai yar ko ghairon ne bhar rakkha

    baDa ehsan hai mere sar pe us ki laghzish-e-pa ka

    ki is ne be-tahasha hath mere dosh par rakkha

    zamin mein dana-e-gandum sadaf mein hum hue gauhar

    hamare ijz ne har marka mein hum ko dar rakkha

    tere har naqsh-e-pa ko rahguzar mein sajda-gah samjhe

    jahan tu ne qadam rakkha wahan main ne bhi sar rakkha

    amir achchha shagun-e-mai kiya saqi ki furqat mein

    jo barsa abr-e-rahmat ja-e-mai shishon mein bhar rakkha

    RECITATIONS

    Fasih Akmal

    Fasih Akmal

    Fasih Akmal

    firaq-e-yar ne bechain mujhko raat bhar rakkha Fasih Akmal

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites