Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "kavii"

Sher MATCHES FOR "kavii"

Sher

kyaa Gaur se ai jaan-e-jahaa.n dekh rahe ho
tum saa ko.ii aa.iine ke andar to nahii.n hai

Qavi Amrohvi
Sher

puuchhte kyaa ho mudda.aa kyaa hai
KHud samajh jaa.o puuchhnaa kyaa hai

Qavi Amrohvi
Sher

har aadmii me.n hote hai.n das biis aadmii
jis ko bhii dekhnaa ho ka.ii baar dekhnaa

Nida Fazli
Sher

shaam bhii thii dhu.aa.n dhu.aa.n husn bhii thaa udaas udaas
dil ko ka.ii kahaaniyaa.n yaad sii aa ke rah ga.ii.n

Firaq Gorakhpuri
Sher

shaam se aa.nkh me.n namii sii hai
aaj phir aap kii kamii sii hai

Gulzar
Sher

sharte.n lagaa.ii jaatii nahii.n dostii ke saath
kiije mujhe qubuul mirii har kamii ke saath

Waseem Barelvi
Sher

ham se pahle bhii musaafir ka.ii guzre ho.nge
kam se kam raah ke patthar to haTaate jaate

Rahat Indori
Sher

jis kii aa.nkho.n me.n kaTii thii.n sadiyaa.n
us ne sadiyo.n kii judaa.ii dii hai

Gulzar
Sher

merii qismat me.n Gam gar itnaa thaa
dil bhii yaa-rab ka.ii diye hote

Mirza Ghalib
Sher

jurm me.n ham kamii kare.n bhii to kyuu.n
tum sazaa bhii to kam nahii.n karte

Jaun Eliya
Sher

'umr saarii to kaTii 'ishq-e-butaa.n me.n 'momin'
aaKHirii vaqt me.n kyaa KHaak musalmaa.n ho.nge

Momin Khan Momin
Sher

ek hii haadsa to hai aur vo ye ki aaj tak
baat nahii.n kahii ga.ii baat nahii.n sunii ga.ii

Jaun Eliya
Sher

abhii raah me.n ka.ii mo.D hai.n ko.ii aa.egaa ko.ii jaa.egaa
tumhe.n jis ne dil se bhulaa diyaa use bhuulne kii du.aa karo

Bashir Badr
Sher

aa ki tujh bin is tarah ai dost ghabraataa huu.n mai.n
jaise har shai me.n kisii shai kii kamii paataa huu.n mai.n

Jigar Moradabadi
Sher

use kyuu.n ham ne diyaa dil jo hai be-mehrii me.n kaamil jise aadat hai jafaa kii
jise chi.Dh mehr-o-vafaa kii jise aataa nahii.n aanaa Gam-o-hasrat kaa miTaanaa jo sitam me.n hai yagaana
jise kahtaa hai zamaana but-e-be-mahr-o-daGaa-baz jafaa-pesha fusuu.n-saaz sitam-KHaana-bar-andaaz
Gazab jis kaa har ik naaz nazar fitna mizha tiir balaa zulf-e-girah-giir Gam-o-ra.nj kaa baanii qalaq-o-dard
kaa muujib sitam-o-jaur kaa ustaad jafaa-kaarii me.n maahir jo sitam-kesh-o-sitam-gar jo sitam-pesha hai
dilbar jise aatii nahii.n ulfat jo samajhtaa nahii.n chaahat jo tasallii ko na samjhe jo tashaffii ko na
jaane jo kare qaul na puuraa kare har kaam adhuuraa yahii din-raat tasavvur hai ki naahaq
use chaahaa jo na aa.e na bulaa.e na kabhii paas biThaa.e na ruKH-e-saaf dikhaa.e na ko.ii
baat sunaa.e na lagii dil kii bujhaa.e na kalii dil kii khilaa.e na Gam-o-ra.nj ghaTaa.e na rah-o-rasm
ba.Dhaa.e jo kaho kuchh to KHafaa ho kahe shikve kii zaruurat jo yahii hai to na chaaho jo na
chaahoge to kyaa hai na nibaahoge to kyaa hai bahut itraa.o na dil de ke ye kis kaam kaa dil
hai Gam-o-andoh kaa maaraa abhii chaahuu.n to mai.n rakh duu.n ise talvo.n se masal kar abhii mu.nh
dekhte rah jaa.o ki hai.n un ko hu.aa kyaa ki inho.n ne miraa dil le ke mire haath se khoyaa

Muztar Khairabadi
Sher

bharii duniyaa me.n jii nahii.n lagtaa
jaane kis chiiz kii kamii hai abhii

Nasir Kazmi
Sher

isii shahr me.n ka.ii saal se mire kuchh qariibii aziiz hai.n
unhe.n merii ko.ii KHabar nahii.n mujhe un kaa ko.ii pata nahii.n

Bashir Badr
Sher

ek mahfil me.n ka.ii mahfile.n hotii hai.n shariik
jis ko bhii paas se dekhoge akelaa hogaa

Nida Fazli
Sher

safar me.n aise ka.ii marhale bhii aate hai.n
har ek mo.D pe kuchh log chhuuT jaate hai.n

Aabid Adeeb
Sher

dushmano.n ne jo dushmanii kii hai
dosto.n ne bhii kyaa kamii kii hai

Habib Jalib
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now