Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "mataalib"

Sher MATCHES FOR "mataalib"

Sher

vo jo na aane vaalaa hai naa us se mujh ko matlab thaa
aane vaalo.n se kyaa matlab aate hai.n aate ho.nge

Jaun Eliya
Sher

na paane se kisii ke hai na kuchh khone se matlab hai
ye duniyaa hai ise to kuchh na kuchh hone se matlab hai

Waseem Barelvi
Sher

ham to raat kaa matlab samjhe.n KHvaab, sitaare, chaa.nd, charaaG
aage kaa ahvaal vo jaane jis ne raat guzaarii ho

Irfan Siddiqi
Sher

'inshaa'-jii uTho ab kuuch karo is shahr me.n jii ko lagaanaa kyaa
vahshii ko sukuu.n se kyaa matlab jogii kaa nagar me.n Thikaanaa kyaa

Ibn e Insha
Sher

ab mai.n samjhaa tire ruKHsaar pe til kaa matlab
daulat-e-husn pe darbaan biThaa rakkhaa hai

Unknown
Sher

dil hijr ke dard se bojhal hai ab aan milo to behtar ho
is baat se ham ko kyaa matlab ye kaise ho ye kyuu.nkar ho

Ibn e Insha
Sher

is ghar kii saarii diivaare.n shiishe kii hai.n
lekin is ghar kaa maalik KHud ik patthar hai

Rasa Chughtai
Sher

be-maqsad mahfil se behtar tanhaa.ii
be-matlab baato.n se achchhii KHaamoshii

Ain Irfan
Sher

hame.n piine se matlab hai jagah kii qaid kyaa 'beKHud'
usii kaa naam jannat rakh diyaa botal jahaa.n rakh dii

Bekhud Dehlvi
Sher

'aKHtar' guzarte lamho.n kii aahaT pe yuu.n na chau.nk
is maatamii juluus me.n ik zindagii bhii hai

Akhtar Hoshiyarpuri
Sher

KHat likhe.nge garche matlab kuchh na ho
ham to aashiq hai.n tumhaare naam ke

Mirza Ghalib
Sher

maz.hab kii KHaraabii hai na aKHlaaq kii pastii
duniyaa ke masaa.ib kaa sabab aur hii kuchh hai

Firaq Gorakhpuri
Sher

ye jo raato.n ko mujhe KHvaab nahii.n aate 'ataa'
is kaa matlab hai miraa yaar KHafaa hai mujh se

Ahmad Ata
Sher

mill maalik ke kutte bhii charbiile hai.n
lekin mazduuro.n ke chehre piile hai.n

Tanveer Sipra
Sher

jis kaa inkaar hathelii pe liye phirtaa huu.n
jaantaa hii nahii.n inkaar kaa matlab kyaa hai

Zafar Iqbal
Sher

mele me.n gar nazar na aataa ruup kisii matvaalii kaa
phiikaa phiikaa rah jaataa tyauhaar bhii is diivaalii kaa

Mumtaz Gurmani
Sher

mujhe Garaz hai mirii jaan Gul machaane se
na tere aane se matlab na tere jaane se

Jaun Eliya
Sher

halaal rizq kaa matlab kisaan se puuchho
pasiina ban ke badan se lahuu nikaltaa hai

Aadil Rasheed
Sher

be-muravvat ho bevafaa ho tum
apne matlab ke aashnaa ho tum

Wajid Ali Shah Akhtar
Sher

ye kaise marhale me.n pha.ns gayaa hai meraa ghar maalik
agar chhat ko bachaa bhii luu.n to phir diivaar jaatii hai

Sardar Asif
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now