Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "piirii"

Sher MATCHES FOR "piirii"

Sher

vaqt-e-piirii shabaab kii baate.n
aisii hai.n jaise KHvaab kii baate.n

Shaikh Ibrahim Zauq
Sher

ahd-e-javaanii ro ro kaaTaa piirii me.n lii.n aa.nkhe.n muu.nd
yaanii raat bahut the jaage sub.h hu.ii aaraam kiyaa

Meer Taqi Meer
Sher

vaqt-e-piirii dosto.n kii be-ruKHii kaa kyaa gilaa
bach ke chalte hai.n sabhii girtii hu.ii diivaar se

Firaq Gorakhpuri
Sher

piirii me.n valvale vo kahaa.n hai.n shabaab ke
ik dhuup thii ki saath ga.ii aaftaab ke

Munshi Khushwaqt Ali Khursheed
Sher

dushman-e-dil hii nahii.n dushman-e-jaa.n hotaa hai
uf vo ehsaas jo piirii me.n javaa.n hotaa hai

Basheer Durrani
Sher

piirii me.n shauq hausla-farsaa nahii.n rahaa
vo dil nahii.n rahaa vo zamaana nahii.n rahaa

Abdul Ghafoor Nassakh
Sher

dil siyah hai baal hai.n sab apne piirii me.n safed
ghar ke andar hai a.ndheraa aur baahar chaa.ndnii

Imam Bakhsh Nasikh
Sher

ab vo piirii me.n kahaa.n ahd-e-javaanii kii uma.ng
ra.ng maujo.n kaa badal jaaataa hai saahil ke qariib

Hadi Machlishahri
Sher

javaanii se ziyaada vaqt-e-piirii josh hotaa hai
bha.Daktaa hai charaaG-e-sub.h jab KHaamosh hotaa hai

Shad Lakhnavi
Sher

ishq hai ahd-e-javaanii ke liye
ahd-e-piirii ke taqaaze aur hai.n

Unknown
Sher

shabaab Dhalte hii aa.ii piirii ma.aal par ab nazar hu.ii hai
ba.Dii hii Gaflat me.n shab guzaarii kahaa.n pahu.nch kar sahar hu.ii hai

Dil Shahjahanpuri
Sher

piirii me.n 'riyaaz' ab bhii javaanii ke maze hai.n
ye riish-e-safed aur mai-e-hosh-rubaa surKH

Riyaz Khairabadi
Sher

sabho.n kii aa ga.ii piirii jo tum javaan hu.e
zamii.n kaa dil hu.aa miTTii KHam aasmaan hu.e

Rasheed lakhnavi
Sher

aalam-e-piirii me.n kyaa muu-e-siyah kaa e.atibaar
sub.h-e-saadiq detii hai jhuuTii gavaahii raat kii

Asad Ali Khan Qalaq
Sher

jab javaanii ga.ii chhu.Daa kar haath
us pe piirii na kuchh chalii dil kii

George Puech Shor
Sher

piirii hu.ii shabaab se utraa jhaTak gayaa
shaa.er huu.n meraa misra-e-saanii laTak gayaa

Mirza Maseeta Beg Muntahi
Sher

sub.h-e-piirii me.n phiraa shaam-e-javaanii kaa gayaa
dil hai vo sub.h kaa bhaTkaa jo sar-e-shaam milaa

Natiq Gulavthi
Sher

hu.ii piirii me.n us ghar kii sii haalat KHaana-e-tan kii
dar-o-diivaar gir kar jis makaa.n kaa uTh nahii.n saktaa

Mushafi Ghulam Hamdani
Sher

Gaflat me.n javaanii ga.ii piirii me.n hu.aa hosh
kyuu.n kar na khule aa.nkh sahar hii to hai aaKHir

Maroof Dehlvi
Sher

aa.e the ha.nste khelte mai-KHaane me.n 'firaaq'
jab pii chuke sharaab to sanjiida ho ga.e

Firaq Gorakhpuri
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now