SEARCH RESULTS
Showing search results for "sharaabii"
Sher MATCHES FOR "sharaabii"
Sher
saaqii jo dil se chaahe to aa.e vo zamaana
har shaKHs ho sharaabii har ghar sharaab-KHaana
Nooh Narvi
Sher
raunaq gulshan jo vo ri.nd-e-sharaabii ho gayaa
phuul saaGar ban gayaa Guncha gulaabii ho gayaa
Muzaffar Ali Aseer
Sher
mast kar detii hai vo aa.nkh gulaabii mujh ko
haa.n unho.n ne hii banaayaa hai sharaabii mujh ko
Faisal Qadri Gunnauri
Sher
yahaa.n libaas kii qiimat hai aadmii kii nahii.n
mujhe gilaas ba.De de sharaab kam kar de
Bashir Badr
Sher
tumhaarii aa.nkho.n kii tauhiin hai zaraa socho
tumhaaraa chaahne vaalaa sharaab piitaa hai
Munawwar Rana
Sher
aa.e the ha.nste khelte mai-KHaane me.n 'firaaq'
jab pii chuke sharaab to sanjiida ho ga.e
Firaq Gorakhpuri
Sher
zaahid sharaab piine de masjid me.n baiTh kar
yaa vo jagah bataa de jahaa.n par KHudaa na ho
Unknown
Sher
kuchh bhii bachaa na kahne ko har baat ho ga.ii
aa.o kahii.n sharaab piye.n raat ho ga.ii
Nida Fazli
Sher
zaahid sharaab piine se kaafir hu.aa mai.n kyuu.n
kyaa De.Dh chulluu paanii me.n iimaan bah gayaa
Shaikh Ibrahim Zauq
Sher
Ahmad Faraz
Sher
baarish sharaab-e-arsh hai ye soch kar 'adam'
baarish ke sab huruuf ko ulTaa ke pii gayaa
Abdul Hamid Adam
Sher
saaqii mujhe sharaab kii tohmat nahii.n pasand
mujh ko tirii nigaah kaa ilzaam chaahiye
Abdul Hamid Adam
Sher
pilaa de ok se saaqii jo ham se nafrat hai
piyaala gar nahii.n detaa na de sharaab to de
Mirza Ghalib
Sher
piitaa huu.n jitnii utnii hii ba.Dhtii hai tishnagii
saaqii ne jaise pyaas milaa dii sharaab me.n