Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "zinda"

Sher MATCHES FOR "zinda"

Sher

zindagii zinda-dilii kaa hai naam
murda-dil KHaak jiyaa karte hai.n

Imam Bakhsh Nasikh
Sher

tum se bichha.D kar zinda hai.n
jaan bahut sharminda hai.n

Iftikhar Arif
Sher

abhii zinda hai maa.n merii mujhe kuchh bhii nahii.n hogaa
mai.n ghar se jab nikaltaa huu.n du.aa bhii saath chaltii hai

Munawwar Rana
Sher

aa.nkh me.n paanii rakho ho.nTo.n pe chi.ngaarii rakho
zinda rahnaa hai to tarkiibe.n bahut saarii rakho

Rahat Indori
Sher

dard aisaa hai ki jii chaahe hai zinda rahiye
zindagii aisii ki mar jaane ko jii chaahe hai

Kaleem Aajiz
Sher

tum kyaa jaano apne aap se kitnaa mai.n sharminda huu.n
chhuuT gayaa hai saath tumhaaraa aur abhii tak zinda huu.n

Saghar Azmi
Sher

hamaaraa zinda rahnaa aur marnaa ek jaisaa hai
ham apne yaum-e-paidaa.ish ko bhii barsii samajhte hai.n

Farhat Ehsas
Sher

tire nazdiik aa kar sochtaa huu.n
mai.n zinda thaa ki ab zinda hu.aa huu.n

Rasa Chughtai
Sher

jab tak maathaa chuum ke ruKHsat karne vaalii zinda thii
darvaaze ke baahar tak bhii mu.nh me.n luqma hotaa thaa

Azhar Faragh
Sher

abhii zinda huu.n lekin sochtaa rahtaa huu.n KHalvat me.n
ki ab tak kis tamannaa ke sahaare jii liyaa mai.n ne

Sahir Ludhianvi
Sher

kisii din zindagaanii me.n karishma kyuu.n nahii.n hotaa
mai.n har din jaag to jaataa huu.n zinda kyuu.n nahii.n hotaa

Rajesh Reddy
Sher

tuu aag me.n ai aurat zinda bhii jalii barso.n
saa.nche me.n har ik Gam ke chup-chaap Dhalii barso.n

Habib Jalib
Sher

sagii bahno.n kaa jo rishta hai urdu aur hindii me.n
kahii.n duniyaa kii do zinda zabaano.n me.n nahii.n miltaa

Munawwar Rana
Sher

saarii galii sunsaan pa.Dii thii baad-e-fanaa ke pahre me.n
hijr ke daalaan aur aa.ngan me.n bas ik saaya zinda thaa

Jaun Eliya
Sher

phuul the rang the lamho.n kii sabaahat ham the
aise zinda the ki jiine kii alaamat ham the

Aitbar Sajid
Sher

qatl-e-husain asl me.n marg-e-yaziid hai
islaam zinda hotaa hai har karbalaa ke ba.ad

Maulana Mohammad Ali Jauhar
Sher

vo dil hii kyaa tire milne kii jo du.aa na kare
mai.n tujh ko bhuul ke zinda rahuu.n KHudaa na kare

Qateel Shifai
Sher

ye lamha lamha zinda rahne kii KHvaahish kaa haasil hai
ki lahza lahza apne aap hii me.n mar rahaa huu.n mai.n

Mushfiq Khwaja
Sher

zinda rahe.n to kyaa hai jo mar jaa.e.n ham to kyaa
duniyaa se KHaamushii se guzar jaa.e.n ham to kyaa

Muneer Niyazi
Sher

aashiq kii bhii hastii hai duniyaa me.n ajab hastii
zinda hai to rusvaa hai mar jaa.e to afsaana

Hayat Amrohvi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now