Search result for "ظہور_ترتیب"

Ghazal

zindagii kyaa hai anaasir me.n zuhuur-e-tartiib
maut kyaa hai inhii.n ajzaa kaa pareshaa.n honaa

Chakbast Braj Narayan

Ghazal

کروچے کے نظریہ اظہاریت کے سلسلے میں "وجدان " سب سے زیادہ اہمیت رکھتا ہے۔ کروچے کے زمانے میں تاثریت، مارکسیت اور خالص شاعری کا بہت چرچا تھا لیکن کروچے تاثریت کو اس بنیاد پر رد کر دیتا ہے کہ تاثراتی آرٹ انسان کو اسی دھرتی کے مسائل میں اْلجھا ہوا چھوڑ دیتا ہے اور یہ کہ تاثراتی آرٹ میں انسان کی روحانی وحدت کا اظہار نہیں ہونے پاتا۔ آرٹ میں بلندی اور عظمت ہونی چاہیے۔ یہ عظمت آفاقیت کے احساس سے پیدا ہوتی ہے کروچے کہتا ہے کہ تاثراتی آرٹ میں نہ عظمت ہوتی ہے اور نہ وسعت۔ خالص شاعری الفاظ سے وہی تاثر پیدا کرنا چاہتی ہے جو موسیقی سے پیدا ہوتا ہے۔ خالص شاعری میں یقین رکھنے والے زبان کے علامتی جوہر پر زور دیتے ہیں۔ ان کی توجہ معانی سے زیادہ الفاظ کی صوتی خصوصیات پر ہوتی ہے۔ ایسے لوگ معانی کی بندشوں سے الفاظ کو زیادہ سے زیادہ آزاد کر کے صرف الفاظ کی ایمائیت سے کام لینا چاہتے ہیں۔ میلار مے کہتا تھا کہ الفاظ خود ابتداء کر دیتے ہیں اور معانی تخلیق کرتے ہیں یعنی الفاظ شاعر کے قصد و ارادہ سے آزاد ہوتے ہیں۔ خالص شاعری میں روایتی شاعری اپنے نقطہ اختتام Vanishing Point پر آجاتی ہے اور اس کی جگہ شاعری کا میڈیم لے لیتا ہے۔ کروچے تاثراتی آرٹ کا مخالف تو تھا ہی خالص شاعری کا بھی سخت مخالف تھا۔ خالص شاعری کے سلسلے میں وہ کہتا ہے کہ جس طرح پھول پودے کے بغیرنہیں ہوتا اور پودے کے لیے ضروری ہے کہ اس کی جڑیں زمین میں ہوں اسی طرح شاعری بھی زندگی سے بے تعلق ہو کر نہیں رہ سکتی۔ آرٹ کا تعلق انسان کی روحانی وحدت سے ہوتا ہے اور یہ روحانی وحدت آرٹ میں اپنا اظہار کرتی ہے۔ اپنے ہر کام میں انسان اپنی روح کی وحدت ہی سے قوت حاصل کرتا ہے۔ کروچے کا خیال تھا کہ خالص شاعر صرف اپنی روح کے دھندلکوں میں زندہ رہتا ہے وہ اپنی باطنی زندگی کا غم بھی نہیں کر سکتا حالانکہ یہی باطنی زندگی شاعر کی سب سے بڑی دولت ہوتی ہے۔ وہ کہتا ہے کہ چڑیاں صرف چہکنے کی خاطر چہکتی ہیں اور چہکنے ہی میں اپنی ساری زندگی کا اظہار کر دیتی ہیں اس فقرے سے ظاہر ہو جاتا ہے کہ کروچے آرٹ کو کسی مقصد کا ذریعہ نہیں بنانا چاہتا حالانکہ ایک زمانے میں مارکس کی ’’سرمایہ‘‘ کے مطالعہ سے اس میں مارکسیت کے لیے بڑا جوش و خروش پیدا ہو گیا تھا لیکن یہ خیال کہ آرٹ طبقاتی مفادات کے تابع ہوتا ہے اْس کے دل میں جگہ نہیں بنا سکا۔ کروچے مارکسیت، تاثریت اور خالص شاعری کو رد کرتے ہوئے کہتا ہے کہ آرٹ امیج تخلیق کرتا ہے اور یہ تخلیق وجدان سے ظہور کرتی ہے اس کے لیے نازک ادراک اور اعلیٰ تخیل کی ضرورت ہوتی ہے۔ آرٹ کا تعلق وجدان سے ہوتا ہے۔ آرٹ میں بیرونی عمل تکنیک کے ذریعے سامنے آتا ہے وہ کہتا ہے۔ ’’جب ہم اندرونی لفظ پر قابو پالیتے ہیں کسی مجسمے یا شکل کو واضح طور پر اپنے تصور میں لے آتے ہیں جب ہمیں موسیقی کا کوئی تھیم مل جاتا ہے تو اظہار پیدا ہوتا ہے اور مکمل ہو جاتا ہے کسی اور چیز کی ضرورت نہیں ہوتی۔ تب اگر ہم اپنا منہ کھولتے ہیں اور بولتے ہیں اور گاتے ہیں تو ہم دراصل کرتے کیا ہیں جو کچھ ہم اپنے باطن میں آہستہ آہستہ بول چکے ہوتے ہیں اور جو کچھ ہم اپنے اندر پہلے ہی گا چکے ہوتے ہیں وہ ہم بہ آواز بلند گاتے ہیں۔" کروچے کے خیال میں علم دو طرح کا ہوتا ہے ایک وجدانی اور دوسرا منطقی۔ وجدانی علِم تخیل سے حاصل ہوتا ہے اور منطقی علِم Intellcet سے آرٹ کا تعلق وجدانی علم سے ہوتا ہے۔ کروچے نے۱۹۰۲ء میں اپنی کتاب Aesthetics میں بتایا تھا کہ شاعرانہ اظہار جذبات کا براہ راست اظہار نہیں ہے بلکہ وجدان کا اظہار ہے وہ کہتا ہے۔ "جب ہم پیانو پر اپنی انگلیاں رکھتے ہیں۔ تو ایسا ہم اپنے ارادے سے کرتے ہیں اس کا تعلق آرٹ کی جمالیاتی فعلیت سے نہیں ہوتا بلکہ عملی فعلیت سے ہوتا ہے اور جس پر ہم اپنے باطن میں مختصراً اور تیزی سے عملدرآمد کر چکے ہوتے ہیں اسی کو ہم خارجی طور پر بھی انجام دیتے ہیں۔" کروچے کا خیال ہے کہ امیج اشیائے مدرکہ کے جوہر کو اپنی گرفت میں لے لیتا ہے۔ خوبصورتی کا تعلق خارجی ہیئت کے مقابلے میں باطنی امیج سے زیادہ ہوتا ہے شیکسپیئر اور ہم میں فرق صرف یہ نہیں ہے کہ شیکسپیئرخارجی اظہار کی تکنیک پر ہم سے زیادہ قدرت رکھتا تھا اور یہ کہ ہم شیکسپیئر سے زیادہ بڑے بڑے خیالات رکھتے ہیں لیکن ہمارے پاس موزوں الفاظ نہیں ہوتے ایسا سمجھنا خود فریبی ہے۔ صلاحیت کا فرق صرف اس بات میں نہیں ہے کہ شیکسپیئر زیادہ بہتر اظہار کر سکتا تھا بلکہ شیکسپیئر داخلی طور پر بھی اس امیج کو تخلیق کرنے کی زیادہ صلاحیت رکھتا تھا۔ کروچے کے خیال میں کہ آرٹ کے نمونے کو دیکھ کر جب کوئی لطف اندوز ہوتا ہے تو دراصل اس میں اس کا اپنا رجحان کام کر رہا ہوتا ہے۔ تخلیق کار اور تماشائی کے درمیان جمالیاتی راز در اصل Expressive امیج ہے۔ اب سوال یہ ہے کہ وجدان سے کیا مراد ہے۔ وجدان سے دراصل وہ صلاحیت مراد ہے جس کی مدد سے انسان کا ذہن براہ راست علم حاصل کرتا ہے بغیر کسی استدلال اور تجزیہ کے۔ یعنی وجدان ہم پر براہ راست استدلال اور منطقی تجزیہ کے بغیر حقیقت کو منکشف کرتا ہے دوسرے لفظوں میں وجدان عقلی تفکر اور استدلال کے بغیر حقیقت تک پہنچنے کا ذریعہ ہے۔ چنانچہ اقبال نے بھی کہا ہے کہ خداشناسی کا ذریعہ خرد نہیں عشق ہے جسے فلسفہ کی زبان میں وجدان کہتے ہیں۔ برگساں نے بھی اپنی کتاب " تخلیقی ارتقاء " میں وجدان کو تعقل سے الگ ایک صلاحیت قرار دیا ہے۔ وہ کہتا ہے But it is to the very inwardness of life that intuition. leads us by intuition. I mean instinct that has become disinterested, self conscious, capable of reflecting upon its object and of enlarging it indefinitely. برگساں کا خیال ہے کہ یہ ناممکن نہیں ہے کیوں کہ انسان میں جمالیاتی صلاحیت موجود ہے جو اس کا ثبوت ہے انسان کا شعور دو چیزوں میں بٹ گیا ہے وجدان میں اور ذہانت میں کیوں کہ انسان کی ضرورت بھی یہ ہے کہ وہ مادے سے بھی نمٹے اور ساتھ ہی ساتھ زندگی کے دھارے کے پیچھے بھی چلے۔ شعور کا یہ دُہرا پن خود حقیقت کے دُہرے ہونے کے باعث ہے یعنی حقیقت کی بھی دو ہتیں ہیں۔ وجدان اور تعقل برگساں کا خیال ہے کہ شاعر کا وجدان ماہر ما بعد الطبیعیات کی تحلیل سے زیادہ اظہارِ صداقت کرتا ہے۔ اب یہ دیکھیے کہ اظہار سے کیا مراد ہے اٹھارویں صدی میں انگریزی کے مشہور شاعر پوپ نے کہا تھا کہ سچا اظہار سورج کی طرح ہر اس چیز کو جس پر وہ چمکتا ہے واضح کر دیتا ہے۔ والٹر پیٹر نے۱۸۸۸ء میں کہا تھا۔ ’’ہم جسے اظہار کہتے ہیں وہ دراصل زبان کا باطنی وژن سے انتہائی باریکیوں میں بھی مطابقت کا نام ہے۔ ‘‘ (اسلوب پرمضمون) لغت کے ماہرین بھی کہتے ہیں کہ اظہار کا مطلب ہے کسی اندرونی حقیقت کو خارجی شکل دینا کسی ایک چیز کا دوسری چیز سے اظہار کشاف تنقیدی اصطلاحات میں لکھا ہے۔ ’’ کروچے کے نظریہ اظہار اور اظہاریت کی تحریک کے وجود میں آنے سے پہلے اظہار کے معنی تھے اپنے مافی الضمیر کو دوسروں کے لیے کسی خارجی شکل مثلاً الفاظ، الوان اور خطوط میں منتقل کرنا۔ چونکہ کلام کے لیے لازم تھا کہ وہ دوسروں کے لیے بامعنی ہو اس لیے دنیائے ادب میں اظہار اور ابلاغ کے درمیان نظریاتی فاصلے بھی حائل نہ تھے لیکن اب اظہار کے لیے لازم نہیں رہا کہ وہ دوسروں کے لیے با معنی ہو اس لیے ابلاغ سے اس کا رشتہ کٹ چکا ہے۔ " اس سے ظاہر ہوتا ہے کہ شاعر کے وژن کے زبان سے نازک تعلق کا نام اظہار ہے۔ آرٹ میں رنگ، لکیر، ہئیت اور الفاظ کی ایسی ترتیب سے جس میں لَے اور آہنگ ہوتا ہے جذبات کا اظہار ہوتا ہے۔

Qamar Jameel

Ghazal

nasl vo baaqii kahaa.n bachii hai hijrat karne vaalo.n kii
ab to qataare.n lagii hu.ii hai.n jaise marne vaalo.n kii

Zahoor Chohan

Ghazal

mazmuun achhuutaa bhii ho ash.aar na.e ho.n
ho baat Gazal me.n na.ii afkaar na.e ho.n

Zaheer-ul-Hasan Tishna

Ghazal

kaun kartaa hai sar-e-zulf kii baate.n dil me.n
jii pe kaTtii hai.n ajab tarah kii raate.n dil me.n

Meer Hasan

Ghazal

tirii aamad ne sach har KHvaab-e-deriina banaa Daalaa
hamaarii anjuman ko bazm-e-KHaasaana banaa Daalaa

Nazr Fatmi

Ghazal

na.ii mohabbat kii daastaane.n raqam kare.nge to ham kare.nge
dilo.n me.n ba.Dhtii hu.ii KHaliijo.n ko kam kare.nge to ham kare.nge

Nadeem Najid

Ghazal

mahv aisaa huu.n sar-o-paa kii KHabar kuchh bhii nahii.n
tere jalva ke sivaa madd-e-nazar kuchh bhii nahii.n

Aashiq Husain Bazm Afandi

Ghazal

nikaalii jaa.e kis tarkiib se taqriir kii suurat
vo aa.iine kii suurat aur mai.n tasviir kii suurat

Parveen Umm-e-Mushtaq

Ghazal

ye daastaan-e-dil hai kyaa ho adaa zabaa.n se
aa.nsuu Tapak rahe hai.n lafze.n mile.n kahaa.n se

Arzoo Lakhnavi

Ghazal

junuun-e-ishq ye kyaa ra.ng-e-mahfil hai jahaa.n mai.n huu.n
jo aalam hai miraa hii aalam-e-dil hai jahaa.n mai.n huu.n

SEARCH RESULTS

Ghazal MATCHES FOR "ظہور_ترتیب"

Ghazal

Chakbast Braj Narayan

Ghazal

Qamar Jameel

Ghazal

Zahoor Chohan

Ghazal

Zaheer-ul-Hasan Tishna

Ghazal

Meer Hasan

Ghazal

Nazr Fatmi

Ghazal

Nadeem Najid

Ghazal

Aashiq Husain Bazm Afandi

Ghazal

Parveen Umm-e-Mushtaq

Ghazal

Arzoo Lakhnavi

Ghazal

Kaif Moradaabadi

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books