کی تلاش کا نتیجه | موضو - نظم, صفحہ .dip

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ ".dip"

نظم کے متعلقہ نتیجہ ".dip"

نظم

دیپ جس کا محلات ہی میں جلے
چند لوگوں کی خوشیوں کو لے کر چلے
وہ جو سائے میں ہر مصلحت کے پلے
ایسے دستور کو صبح بے نور کو
میں نہیں مانتا میں نہیں جانتا

حبیب جالب

نظم

کتنے دن میں آئے ہو ساتھی
میرے سوتے بھاگ جگانے
مجھ سے الگ اس ایک برس میں
کیا کیا بیتی تم پہ نہ جانے

جاں نثار اختر

نظم

دل اک کٹیا دشت کنارے
بستی کا سا حال نہیں ہے
مکھیا، پیر پروہت پیادے
ان سب کا جنجال نہیں ہے
نا بینے نہ سیٹھ نہ ٹھاکر
پینٹھ نہیں چوپال نہیں ہے
سونا روپا چوکی مسند
یہ بھی مال منال نہیں ہے
لیکن یہ جوگی دل والا
اے گوری کنگال نہیں ہے
چاہو جو چاہت کا خزانا
تم آنا اور تنہا آنا

ابن انشا

نظم

دیوالی کی رات آئی ہے تم دیپ جلائے بیٹھی ہو
معصوم امنگوں کو اپنے سینے سے لگائے بیٹھی ہو

وسیم بریلوی

نظم

نگاہوں کا مقدر آ کے چمکاتی ہے دیوالی
پہن کر دیپ مالا ناز فرماتی ہے دیوالی

نذیر بنارسی

نظم

وہ ایک چہرہ وہ ایک پیکر
وہ ایک لڑکی وہ ایک جادو
وہ آنکھ کھولے تو دن بنائے
وہ مسکرائے تو گل کھلائے
وہ آنکھ جھپکے بدل دے منظر
جھکائے نظریں تو رات چھائے
نظر نظر میں اسی کے صدقے
ہزار جاں سے اتار ڈالوں
ہے ایسا چہرہ یقین مانو
میں جس پہ دنیا ہی وار ڈالوں

اشفاق احمد صائم

نظم

صدا آ رہی ہے مرے دل سے پیہم
کہ ہوگا ہر اک دشمن جاں کا سر خم
نہیں ہے نظام ہلاکت میں کچھ دم
ضرورت ہے انسان کی امن عالم
فضاؤں میں لہرائے گا سرخ پرچم
صدا آ رہی ہے مرے دل سے پیہم
نہ ذلت کے سائے میں بچے پلیں گے
نہ ہاتھ اپنے قسمت کے ہاتھوں ملیں گے
مساوات کے دیپ گھر گھر جلیں گے
سب اہل وطن سر اٹھا کے چلیں گے
نہ ہوگی کبھی زندگی وقف ماتم
فضاؤں میں لہرائے گا سرخ پرچم

حبیب جالب

نظم

دن کے اجالے سانجھ کی لالی رات کے اندھیارے سے کوئی
مجھ کو آوازیں دیتا ہے آؤ آؤ آؤ آؤ
میری روح کی جوالا مجھ کو پھونک رہی ہے دھیرے دھیرے
میری آگ بھڑک اٹھی ہے کوئی بجھاؤ کوئی بجھاؤ

اختر الایمان

نظم

تم کو کیا معلوم محبت کیا ہوتی ہے
تم کو کیا معلوم جدائی کی شب کیسے کٹتی ہے
اور دن کتنے ویراں ہوتے ہیں
تم کو کیا ہے
تم تو اپنی بیویوں سے بھی
ڈرے ڈرے
شرمندہ شرمندہ ہم بستری کرتے ہو
تم کو کیا معلوم ہے
شاعری
پورا مرد اور پوری عورت مانگتی ہے

حسن عباس رضا

نظم

گھٹ گیا اندھیرے کا آج دم اکیلے میں
ہر نظر ٹہلتی ہے روشنی کے میلے میں
آج ڈھونڈھنے پر بھی مل سکی نہ تاریکی
موت کھو گئی شاید زندگی کے ریلے میں
اس طرح سے ہنستی ہیں آج دیپ مالائیں
شوخیاں کریں جیسے ساتھ مل کے بالائیں
ہر گلی نئی دلہن ہر سڑک حسینہ ہے
ہر دیہات انگوٹھی ہے ہر نگر نگینہ ہے
پڑ گئی ہے خطرے میں آج یم کی یمراجی
موت کے بھی ماتھے پر موت کا پسینہ ہے
رات کے کروں میں ہے آج رات کا کنگن
اک سہاگنی بن کر چھائی جاتی ہے جوگن
قمقمے جلے گھر گھر روشنی ہے پٹ پٹ پر
لے کے کوئی منگل گھٹ چھا گیا ہے گھٹ گھٹ پر
روشنی کرو لیکن فرض پر نہ آنچ آئے
ہو نگاہ سیما پر اور کان آہٹ پر
ہوشیار ان سے بھی جو نگاہ پھیرے ہیں
پاک ہی نہیں تنہا اور بھی لٹیرے ہیں
چھوڑ اپنی ناپاکی یا بدل دے اپنی دھن
موت لے گا یا جیون دو میں جس کو چاہے چن
ہم ہیں کرشن کی لیلا ہم ہیں ویر بھارت کے
ہم نکل ہیں ہم سہدیو ہم ہیں بھیم ہم ارجن
دروپدیؔ سے درگھٹنا دور کر کے چھوڑیں گے
اے سمے کے دریودھن چور کر کے چھوڑیں گے
قبر ہو سمادھی ہو سب کو جگمگائیں گے
دھوم سے شہیدوں کا سوگ ہم منائیں گے
تم سے کام لینا ہے ہم کو دیپ مالاؤ
سارے دیپ کی لو سے دل کی لو بڑھائیں گے
سب سے گرمیاں لے کر سینے میں چھپانا ہے
دل کو اس دوالی سے اگنی بم بنانا ہے

نذیر بنارسی

نظم

دیوالی کے دیپ جلے ہیں
یار سے ملنے یار چلے ہیں
چاروں جانب دھوم دھڑاکا
چھوٹے راکٹ اور پٹاخہ
گھر میں پھلجھڑیاں چھوٹے
من ہی من میں لڈو پھوٹے
دیپ جلے ہیں گھر آنگن میں
اجیارا ہو جائے من میں
اپنوں کی تو بات الگ ہے
آج تو سارے غیر بھلے ہیں
دیوالی کے دیپ جلے ہیں
رام کی جے جے کار ہوئی ہے
راون کی جو ہار ہوئی ہے
سچے کا ہر بول ہے بالا
جھوٹے کا منہ ہوگا کالا
سچائی کا ڈنکا باجے
سچ کے سر پر صحرا ساجے
جھوٹ کی لنکا خاک بنا کے
رام اجودھیا لوٹ چلے ہیں
دیوالی کے دیپ جلے ہیں
ہندو مسلم سکھ عیسائی
مل کر کھائیں یار مٹھائی
بھول کے شکوے اور گلے سب
ہنستے گاتے آج ملے سب
کہنے کو ہر دھرم جدا ہے
لیکن سب کا ایک خدا ہے
اک ماٹی کے پتلے حیدرؔ
اس سانچے میں خوب ڈھلے ہیں
دیوالی کے دیپ جلے ہیں

حیدر بیابانی

نظم

دن ڈھلے دیکھ لیا تھا کوئی اڑتا بادل
کنمناتی ہے فضا موسم باراں کی طرح

قتیل شفائی

نظم

میری رامائن ادھوری ہے ابھی
میری سیتا
اور مجھ میں حائل دوری ہے ابھی
میری سیتا اداس ہے
رشتوں کا پھیلا بن باس ہے
پھرنا ہے مجھے ابھی
جنگل جنگل صحرا صحرا ساگر ساگر
میرا حمزہ وہی میرا لچھمن ہے ابھی
زمانہ تو عیار ہے
سو بھیس بدل لیتا ہے
سادھوؤں کے بہروپ میں ہیں پوشیدہ ابھی
نہ جانے راکشش کتنے
آج پھر
زمانے نے چھل لیا ہے مجھے
میری سیتا کو
حالات کے راون نے
ہر لیا ہے ابھی
دور بہت دور
میری نگاہوں سے اوجھل
ساحل سمندر کی ریت پر
وہ بے سدھ پڑی رو رہی ہے ابھی
تاہم
اپنی شکستہ حالی سے
اس نے ہار نہیں مانی ہے ابھی
وقت کے لنکیشور کے آگے
اس نے آتم سمرپن کیا نہیں ہے ابھی
ریت میں دھنسی اپنی ننھی سی کشتی کو
وہ تک رہی ہے غور سے
اپنے رام کے قدموں کی آہٹ
کی منتظر سماعت کو سمیٹے ہوئے
سراپا بگوش بنی
دکھ کی بھٹی میں تپ کے نکھر رہی ہے ابھی
ملن کی شبھ گھڑی کا اسے ابھی ہے یقین
اس کے خشک ہونٹوں پہ ہے میرا ہی نام
رام رام رام
صاحبو
حقیقت تو یہ ہے کہ راکشس باہر نہیں ہے کہیں
راکشس تو خود اپنے اندر
درون خانۂ دل میں روپوش ہے کہیں
میری سیتا
میری بھولی بھالی سیتا کو
انتظار اس سنہرے پل کا ہے
جب میرا غصہ شانت ہوگا
اور میرے اندر سے
مریادہ پرش رام اتپن ہوں گے کبھی نہ کبھی
تب راون اپنے آپ ہی پراست ہو جائے گا
تبھی رام جی اپنی سیتا کو
اپنے پہلو میں اٹھا کر لے جائیں گے
اپنے دل کے سنگھاسن پر بٹھائیں گے تبھی
تبھی دیپ جلیں گے
گھر آنگن میں اوپر نیچے چاروں اور
تبھی دن دسہرا ہوگا
تبھی رات دیوالی ہوگی

پرویز شہریار

نظم

چمک سکے جو مری زیست کے اندھیرے میں
وہ اک چراغ کسی سمت سے ابھر نہ سکا
یہاں تمہاری نظر سے بھی دیپ جل نہ سکے
یہاں تمہارا تبسم بھی کام کر نہ سکا

مصطفی زیدی

نظم

چھوڑ کے جھوٹی ذاتیں پاتیں
سب سے سیکھو اچھی باتیں
اپنا کسی سے بیر نہ سمجھو
جگ میں کسی کو غیر نہ سمجھو
آپ پڑھو اوروں کو پڑھاؤ
گھر گھر گیان کی جوت جگاؤ
نو جیون کی آس تمہیں ہو
بنتا ہوا اتہاس تمہیں ہو
جتنا گہرا اندھیارا ہو
اتنے اونچے دیپ ابھارو
یہ سنسار جو ہم نے سجایا
یہ سنسار جو تم نے پایا
اس سنسار میں جھوٹ بہت ہے
ظلم بہت ہے لوٹ بہت ہے
ظلم کے آگے سر نہ جھکانا
ہر اک جھوٹ سے ٹکرا جانا
اس سنسار کا رنگ بدلنا
اونچ اور نیچ کا ڈھنگ بدلنا
سارا جگ ہے دیش تمہارا
سارے جگ کا روپ نکھارو
بھارت ماں کی آنکھ کے تارو

ساحر لدھیانوی

نظم

ایک ویران سی خموشی میں
کوئی سایہ سا سرسراتا ہے
غم کی سنسان کالی راتوں میں
دور اک دیپ ٹمٹماتا ہے
گویا تیرے مریض الفت کا
سانس سینے میں تھم کے آتا ہے
میرے اشکوں کے آئنے میں آج
کون ہے وہ جو مسکراتا ہے
کون دستک سی دیتا رہتا ہے
کیسا پیغام آتا جاتا ہے
ایک گمنام راستے کا نشاں
لمحہ لمحہ کسے بلاتا ہے
کیوں اک اجنبی صدا پہ ناز
روح کا ہر تار جھنجھناتا ہے
شام کا یہ اداس سناٹا
نہیں معلوم یہ دھواں کیوں ہے
دھندلکا دیکھ بڑھتا جاتا ہے
دل تو خوش ہے کہ جلتا جاتا ہے

مینا کماری ناز

نظم

جہاں سے بے بسی جانے لگی تھی
جہاں سے زندگی گانے لگی تھی
جہاں سے رشک سا آنے لگا تھا
جہاں سے نشہ سا چھانے لگا تھا
جہاں سے رت جگے کی تھی نمائش
جہاں سے دیپ راہوں میں جلے تھے
چلو اک بار پھر دریا کنارے
جہاں پہلے پہل ہم تم ملے تھے

بسمل عارفی

نظم

میں اپنی زندگی سے ایک لمحے کا سوالی ہوں
وہ لمحہ جو مرے نغموں کو چھو کر جاوداں کر دے
مرے دل کو جگا دے روح کے شعلے جواں کر دے

قیصر الجعفری

نظم

مجھے خواب اپنا عزیز تھا
سو میں نیند سے نہ جگا کبھی
مجھے نیند اپنی عزیز ہے
کہ میں سر زمین پہ خواب کی
کوئی پھول ایسا کھلا سکوں
کہ جو مشک بن کے مہک سکے
کوئی دیپ ایسا جلا سکوں
جو ستارہ بن کے دمک سکے

بشر نواز

نظم

میرا رستہ قبرستان سے ہو کر آگے جاتا ہے
اس رستے سے اور بھی لوگ گزر کر آگے جاتے ہیں
لیکن میرے ساتھ ہی آخر سائے سے کیوں رہتے ہیں
میرے من میں آخر کیسی ویرانی قبروں کی ہے
رات کی خاموشی میں جھینگر کی ہیں کیسی آوازیں
کچھ دن سے مٹی کی خوشبو
کیوں چپکی ہے سانسوں سے
میرے پاؤں خاک سے لگ کر کس کا ماتم سنتے ہیں
میرا دیواروں کے اندر دم کیوں گھٹنے لگتا ہے
میرے سر پر بوجھ ہے کیوں کتبوں پر لکھے حرفوں کا
مجھے اگر کی خوشبو کیوں آتی ہے اپنے اندر سے
کیوں میری آنکھوں میں کڑوے تیل کا دیپ سا جلتا ہے
میرا سینہ پھولوں سے کیوں بوجھل ہونے لگتا ہے
کیوں اس رستے پر چلتے میں خود سے پوچھنے لگتا ہوں
میں قبروں کے اندر ہوں
یا قبریں میرے اندر ہیں

خلیق الرحمان

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے