کی تلاش کا نتیجه | موضو - نظم, صفحہ be-aas

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "be-aas"

نظم کے متعلقہ نتیجہ "be-aas"

نظم

ہوش و خرد سے ہارا
دیوانگی کو پیارا
ناکامیوں کا مارا
بے آس بے سہارا
اک بد نصیب ہوں میں
یعنی غریب ہوں میں

سحر رامپوری

نظم

یوں آئے ہیں گھر گھر کے یہ دکھ درد کے بادل
تاریک فضاؤں میں گھلا جیسے ہو کاجل
بے چین ہیں بے تاب ہیں بے آس ہیں بے کل
لہرا دے ذرا آ کے تو امید کا آنچل
اے باد صبا باد صبا باد صبا چل

جے کرشن چودھری حبیب

نظم

بے آب و گیاہ بانجھ دھرتی
مجھ سے یہ سوال کر رہی ہے
اے خالق نغمۂ بہاراں
صدیوں ہوں میں خزاں رسیدہ
مفلوج ہیں کب سے میرے اعضا
تم میرا علاج ہیں کب سے میرے اعضا
تم میرا علاج کر سکو گے
میں چپ ہوں خموش ہوں کہوں کیا
شاعر ہوں میں لفظوں کا مسیحا
اے کاش میں اک کسان ہوتا
اس دھرتی کے منجمد لہو کو
بے ہوشی کی نیند سے جگاتا
محنت سے نئے چمن کھلاتا
مٹی کو نئی دلہن بناتا

رفعت سروش

نظم

عشق آباد فنائے کل ہے
گل کا حاصل وہی بوئے گل ہے

خورشید اکبر

نظم

یہ بات عجیب سناتے ہو وہ دنیا سے بے آس ہوئے
اک نام سنا اور غش کھایا اک ذکر پہ آپ اداس ہوئے
وہ علم میں افلاطون سنے وہ شعر میں تلسی داس ہوئے
وہ تیس برس کے ہوتے ہیں وہ بی اے ایم اے پاس ہوئے
یہ باتیں جھوٹی باتیں ہیں یہ لوگوں نے پھیلائی ہیں
تم انشاؔ جی کا نام نہ لو کیا انشاؔ جی سودائی ہیں

ابن انشا

نظم

جان
تم کو خبر تک نہیں
لوگ اکثر برا مانتے ہیں
کہ میری کہانی کسی موڑ پر بھی
اندھیری گلی سے گزرتی نہیں
کہ تم نے شعاعوں سے ہر رنگ لے کر
مرے ہر نشان قدم کو دھنک سونپ دی
نہ گم گشتہ خوابوں کی پرچھائیاں ہیں
نہ بے آس لمحوں کی سرگوشیاں ہیں
کہ نازک ہری بیل کو
اک توانا شجر ان گنت اپنے ہاتھوں میں
تھامے ہوئے ہے
کوئی نارسائی کا آسیب اس رہ گزر میں نہیں
یہ کیسا سفر ہے کہ روداد جس کی
غبار سفر میں نہیں

ادا جعفری

نظم

غبار شام کے بے عکس منظر میں ہوا کی سائیں سائیں
پنچھیوں کو ہانکتی ہے
دور چرواہے کی بنسی میں ملن رس کا سریلا ذائقہ ہے،
رات رستے میں
کہاں سے تم مجھے آواز دیتی ہو!

تابش کمال

نظم

گھر کی قسمت جگی گھر میں آئے سجن
ایسے مہکے بدن جیسے چندن کا بن
آج دھرتی پہ ہے سورگ کا بانکپن
اپسرائیں نہ کیوں گائیں منگلاچرن
زندگی سے ہے حیران یمراج بھی
آج ہر دیپ اندھیرے پہ ہے خندہ زن
ان کے قدموں سے پھول اور پھلواریاں
آگمن ان کا مدھوماس کا آگمن
اس کو سب کچھ ملا جس کو وہ مل گئے
وہ ہیں بے آس کی آس نردھن کے دھن
ہے دیوالی کا تیوہار جتنا شریف
شہر کی بجلیاں اتنی ہی بد چلن
ان سے اچھے تو ماٹی کے کورے دیے
جن سے دہلیز روشن ہے آنگن چمن
کوڑیاں داؤں کی چت پڑیں چاہے پٹ
جیت تو اس کی ہے جس کی پڑ جائے بن
ہے دیوالی ملن میں ضروری نذیرؔ
ہاتھ ملنے سے پہلے دلوں کا ملن

نذیر بنارسی

نظم

ایسا بھی نہیں کہ مجھے زندگی کے پیڑ کے پاس
بے آس اور بے سہارا چھوڑ دیا گیا ہو
میں نے ابھی ابھی گلہریوں کی آواز سنی ہے
گلہریاں میرے لئے
بہشت کے اخروٹ لا رہی ہیں
سوائے اس کے کہ آدم زاد کہیں دکھائی نہیں دیتا
مگر جنگل بول رہا ہے کہ اس کے بول میں
میری بچھڑی ہوئی آواز شامل ہے
میرے بال بچوں کا پیار شامل ہے
سوائے اس کے کہ جن لوگوں نے مجھے بے نام
جزیروں میں لے جانے کا وعدہ کیا تھا
وہ اب کہیں دکھائی نہیں دیے
تو اب میں کس سے کہوں
کہ کہنے سننے والا زندگی کا نظام تو باقی نہیں رہا
اوائے اس کے کہ مٹی کہہ رہی ہے
کہ وہ ان گنت پیڑ پودے تب اگائے گی
جب میں یہاں ہوں گا ہی نہیں

احمد ہمیش

نظم

خموشی سے دبے پاؤں
بھری محفل سے اٹھتے ہو
کھلے آکاش کے نیچے کہیں پر بیٹھ جاتے ہو
پھر اپنا ہاتھ ہولے سے بڑھاتے ہو
چمکتے چاند کی جانب
کبھی تو مسکراتے ہو کبھی کچھ گنگناتے ہو
جو میرؔ و دردؔ کی غزلیں کبھی ہم کو سناتے تھے
وہی سرگوشیاں مجھ سے جو اکثر کرتے رہتے تھے
ہوا کے دوش پر بیٹھی کرن سے کرنے لگتے ہو
سنا ہے بے قراری میں
ٹہلتے ہو کبھی چھت پر
کبھی ہر عکس میں میرا سراپا ڈھونڈھتے ہو تم
ہواؤں میں مری خوشبو کبھی محسوس کرتے ہو
کبھی بے آس ہو کر پھر زمیں پر بیٹھ جاتے ہو
بہت فریاد کرتے ہو
مجھے ہی یاد کرتے ہو
مگر یہ ساری باتیں تو محض خوابوں کی باتیں ہیں
کھلی جب آنکھ میری تو نظارہ اور ہی دیکھا
کوئی پیغام آیا تھا
ہمارے نام آیا تھا
لکھا تھا اس میں دیکھو نا
کہ اب کی چاند جو نکلا
اسے نزدیک سے دیکھا
اسے محسوس کر پایا
مکمل پا لیا اس کو جو شہ رگ میں مچلتا تھا
مبارک باد تو دے دو وہ میرا ہو گیا اب کی
سنا ہے چاندنی راتوں میں تم بھی سو نہیں پاتی
تو اب کی چین سے سونا کہ اب میں بھی نہیں جگتا

اسریٰ رضوی

نظم

اک ماہیٔ بے آب ہوں
وہ جو ڈھل چکا ہے شباب ہوں

باسط جلیلی

نظم

سب کاٹ دو
بسمل پودوں کو
بے آب سسکتے مت چھوڑو
سب نوچ لو
بیکل پھولوں کو
شاخوں پہ بلکتے مت چھوڑو

فیض احمد فیض

نظم

رات کی کوئی گھڑی تھی
یا سحر دم کا سماں
دوپہر یا سہ پہر
یا وقت کی حد سے سوا
احساس کا جھونکا کوئی
اب اس سے کوئی فرق تو پڑتا نہیں
بہتے لہو یا ذبح ہوتی گردنوں
مسمار ہوتے خوبصورت مسکنوں کے ڈھیر پر
کب وقت کا یا ساعتوں کا
ہو سکا ہوگا حساب
دم توڑتے بچے کی صبح و شام کیا
بے نام دھندلی ساعتوں کا نام کیا
اک درد ساری ساعتوں سے ماسوا
آدمی کا اک سکوت مرگ اندر صد سکوت
رات کی کوئی گھڑی تھی
یا سحر دم کا سماں
اے خدائے لم یزل
اے چارہ ساز بے کساں
آدمی ہے اور بس اس کی نوائے بے کراں

عین تابش

نظم

بے طلب وہ دے رہا ہے چپ رہو
کچھ کہا تو بات خالی جائے گی
چپ رہو چپ رہو
آنکھ کھولو چپ چاپ رہو
اس کی سنو
یادوں کا دامن پکڑو
گن گن کی آواز سنو
دور پپیہا گاتا ہے
اس کی سنو
چپ چاپ رہو
آہستہ آہستہ چلو
گول سا ایک پتھر دیکھو
لاکھ سال سے چاند ستارے
جس کو دیکھ کے چلتے ہیں
اس کو دیکھو
کچھ نہ کہو
پھر وہ پتھر اس مٹھی میں آئے گا
پھر تم کو سہلائے گا
دھنک کے گیت سنائے گا
آنکھیں کھولو
دھیرے چلو آہستہ چلو
شبنم کے سارے قطرے
افق کو جا کے چھو لیں گے
دل میں جگنو جگ مگ جگ مگ گائیں گے
جیسے ہی مٹھی کھولو گے پتھر اڑ کر
اک طائر بن جائے گا

عین رشید

نظم

جاگتا تھا میں
اجڑتے منظروں موجود نظاروں کا
ایسا جان لیوا تھا تصادم
کوئی بھی شئے ثابت و سالم نہ تھی
روشن شبیہوں اور تازہ کار دھندلے پیکروں میں
میرے اندر کی شکستہ آرزوئیں کھو رہی تھیں
رات کے دل سوز نالوں کی چبھن
جیسے در و دیوار سے لپٹی
سیاپا کر رہی تھی
میرے اندر
جانے کتنے ہی زمانوں کی زمینیں رو رہی تھیں
عجب بے چارگی و بے پناہی کی فصیلوں پر
مسلسل جاگتا تھا میں
محلہ رات کی آغوش میں سویا ہوا تھا
جاگتا تھا میں

عین تابش

نظم

اس باغ میں پیڑ تھے بہت سے
جتنے تھے سبھی ہرے بھرے تھے
صرف ایک اس جھنڈ سے جدا تھا
بے برگ اداس اک طرف کھڑا تھا
دیکھا تو وہیں ٹھہر گیا میں
بے نام غموں سے بھر گیا میں
''کیوں رک گئے'' تم نے مجھ سے پوچھا
میں چپ رہا کیا جواب دیتا
کہتا کہ یہ نقش حسرتوں کا
پیکر ہے گزشتہ موسموں کا
یہ میری تمہاری داستاں ہے
مرتے ہوئے عشق کا نشاں ہے

منیب الرحمن

نظم

موسموں کی زردیوں سے اس قدر نہ خوف کھا
بوئے گل مہکی ہوئی ہے کہر کے اس پار دیکھ

فرخ زہرا گیلانی

نظم

اپنی دہلیز پہ کھڑا تنہا
اپنا گھر اجنبی سا لگتا تھا
اس کی رخصت تھی مانند پرواز
ہر طرف ابتری کا منظر تھا
ایک لکنت زدہ سی ویرانی
در و دیوار پہ تھی حیرانی
لرزتے آنسو اور دکھتا ہوا سر
روکتے تھے اسے پیمائش ویرانی سے
وہ کہ سویا ہے یا کہ جاگا ہے
صبح سے کیوں یہ سمندر کا خیال ذہن میں آج تھپیڑے مارے
کہر آلود بند دریچوں میں
جو وسیع کائنات چھپتی ہے
ناامیدی کی نیلگوں چادر ایک سمندر سی پھیل جاتی ہے
کیوں یہ رہ رہ کے سمندر کا خیال ذہن میں آج تھپیڑے مارے
کتنی مانوس تھی قریب تھی وہ
جیسے ساحل ہو اک سمندر سے
بے کراں موج جیسے ساحل کی گود میں آ کے ہی دم لیتی ہے
اس کی تصویر اس کے ہلتے لب
سارے منظر ہیں زیر آب کہیں
اک تلاطم کے بعد سرکنڈے
جیسے پاتال میں چھپ جاتے ہیں
کیوں یہ رہ رہ کے سمندر کا خیال ذہن میں آج تھپیڑے مارے
شام کے دودھیا دھندلکوں میں
تنہا تنہا اداس پھرتا ہے
رات جب سسکیوں میں ڈھلتی ہے
پھر سمندر کی یاد آتی ہے

عین رشید

نظم

قید ہیں جن میں شام و سحر
جس نے رکھا قدم
بن گیا سنگ در
کون گزرا ہے اس راہ سے بے خطر

منیب الرحمن

نظم

دکھتے ہوئے سینوں کی خوشبو کے ہاتھوں میں
ان جلتے خوابوں کے لہراتے کوڑے ہیں
جنہیں وہ اک گہنائے چاند کی ننگی کمر پہ برساتی رہتی ہے
تیرگی بڑھتی جاتی ہے
اور ہمارا چاند ابھی تک ایسی کہنہ سال حویلی کا قیدی ہے
جسے ہوا اور بادل نے تعمیر کیا ہے
جس کی گیلی دیواروں پر منڈھی ہوئی بیلوں میں
ایسی کھوپڑیاں کھلتی ہیں
جن کی آنکھوں کے خالی حلقوں میں ماضی حال اور مستقبل کے
گڈمڈ رنگوں کے بے نور دھندلکے جمے ہوئے ہیں
تم ہی بتاؤ جب شاخوں سے
فاختئی نیلے پھولوں کی بجائے
کھوپڑیاں پھوٹیں
صبح بہار کا سورج ان سے آنکھ ملا کر کیسے زندہ رہ سکتا ہے؟
اسی لیے تو اس ویران حویلی کے آنگن میں خزاں کے نغمے
زندہ انسانوں کے نوحے بن کر گونجتے ہیں
نم آلود فضا کے نادیدہ سینے پر
صبر کی سل کی طرح رکے ہوئے برفیلے سورج
شام کی اکھڑی ہوئی چوکھٹ پر
اپنے سر گھٹنوں میں چھپا کر سوچتے ہیں
کبھی تو صدیوں کی آوارگیوں کا بوجھ اٹھائے کوئی مسافر
اسم رہائی کو زیر لب دہراتے ہوئے
اس بے رنگ حویلی کے دروازے پر
وہ دستک دینے آئے گا
کھل کر بارش برسے گی اور چاند رہا ہو جائے گا

جمیل الرحمن

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے