کی تلاش کا نتیجه | موضو - نظم, صفحہ be-dilo

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "be-dilo"

نظم کے متعلقہ نتیجہ "be-dilo"

نظم

ہے حقيقت يا مري چشم غلط بيں کا فساد
يہ زميں، يہ دشت ، يہ کہسار ، يہ چرخ کبود
کوئي کہتا ہے نہيں ہے ، کوئي کہتاہے کہ ہے
کيا خبر ، ہے يا نہيں ہے تيري دنيا کا وجود!
ميرزا بيدل نے کس خوبي سے کھولي يہ گرہ
اہل حکمت پر بہت مشکل رہي جس کي کشود!
''دل اگر ميداشت وسعت بے نشاں بود ايں چمن
رنگ مے بيروں نشست از بسکہ مينا تنگ بود''

علامہ اقبال

نظم

سن اے ہوائے بے دلی
ابھی تو چشم تر میں ان کی صورتیں
رواں دواں ہیں جن کے سانس کی مہک
میں جا چکی بہار کا نکھار ہے
کہ جن کے خواب کی چمک پلک پلک
بکھرتی آرزو میں پائیدار ہے
ابھی تو ان کی خاک کو زمین بھی نہیں ملی
سن اے ہوائے بے دلی
اگرچہ اس دیار میں ہر ایک سو
کئی رتوں کی گم شدہ بہار کا فشار ہے
غبار انتظار ہے
مگر یہ زرد گھاٹیاں یہ کاروان بے نشاں
سفر کی انتہا نہیں
دھواں دھواں ہیں جسم و جاں مگر زباں ہے گل فشاں
کہ دل ابھی مرا نہیں
نظر میں ہے وہ فصل گل جو اب تلک نہیں کھلی
سن اے ہوائے بے دلی
ہمیں اسی زمین سے رفاقت یقین ہے
ملے گی کشت آرزو
کہ روشنی کی جستجو میں روشنی کا راز ہے
ہمارے ارد گرد کی ہر ایک شے سوال ہے
ان انگلیوں کی پور پور صاحب کمال ہے
الوداع الوداع اے بے دلی
کہ یہ ہماری دوستی کا نقطۂ زوال ہے

امجد اسلام امجد

نظم

طوفاں بہ دل ہے ہر کوئی دل دار دیکھنا
گل ہو نہ جائے مشعل رخسار دیکھنا
آتش بہ جاں ہے ہر کوئی سرکار دیکھنا
لو دے اٹھے نہ طرۂ طرار دیکھنا
جذب مسافران رہ یار دیکھنا
سر دیکھنا، نہ سنگ، نہ دیوار دیکھنا
کوئے جفا میں قحط خریدار دیکھنا
ہم آ گئے تو گرمئ بازار دیکھنا
اس دل نواز شہر کے اطوار دیکھنا
بے التفات بولنا، بیزار دیکھنا
خالی ہیں گرچہ مسند و منبر، نگوں ہے خلق
رعب قبا و ہیبت دستار دیکھنا
جب تک نصیب تھا ترا دیدار دیکھنا
جس سمت دیکھنا، گل و گلزار دیکھنا
پھر ہم تمیز روز و مہ و سال کر سکیں
اے یاد یار پھر ادھر اک بار دیکھنا

فیض احمد فیض

نظم

درد و غم حیات کا درماں چلا گیا
وہ خضر عصر و عیسیٔ دوراں چلا گیا
ہندو چلا گیا نہ مسلماں چلا گیا
انساں کی جستجو میں اک انساں چلا گیا
رقصاں چلا گیا نہ غزل خواں چلا گیا
سوز و گداز و درد میں غلطاں چلا گیا
برہم ہے زلف کفر تو ایماں ہے سرنگوں
وہ فحر کفر و نازش ایماں چلا گیا
بیمار زندگی کی کرے کون دل دہی
نباض و چارہ ساز مریضاں چلا گیا
کس کی نظر پڑے گی اب عصیاں پہ لطف کی
وہ محرم نزاکت عصیاں چلا گیا
وہ راز دار محفل یاراں نہیں رہا
وہ غم گسار بزم عریفاں چلا گیا
اب کافری میں رسم و راہ دلبری نہیں
ایماں کی بات یہ ہے کہ ایماں چلا گیا
اک بے خود سرور دل و جاں نہیں رہا
اک عاشق صداقت پنہاں چلا گیا
با چشم نم ہے آج زلیخائے کائنات
زنداں شکن وہ یوسف زنداں چلا گیا
اے آرزو وہ چشمۂ حیواں نہ کر تلاش
ظلمات سے وہ چشمۂ حیواں چلا گیا
اب سنگ و خشت و خاک و خذف سر بلند ہیں
تاج‌ وطن کا لعل درخشاں چلا گیا
اب اہرمن کے ہاتھ میں ہے تیغ خوں چکاں
خوش ہے کہ دست و بازوئے یزداں چلا گیا
دیو بدی سے معرکۂ سخت ہی سہی
یہ تو نہیں کہ زور جواناں چلا گیا
کیا اہل دل میں جذبۂ غیرت نہیں رہا
کیا عزم سر فروشیٔ مرداں چلا گیا
کیا باغیوں کی آتش دل سرد ہو گئی
کیا سرکشوں کا جذبۂ پنہاں چلا گیا
کیا وہ جنون و جذبۂ بیدار مر گیا
کیا وہ شباب حشر بداماں چلا گیا
خوش ہے بدی جو دام یہ نیکی پہ ڈال کے
رکھ دیں گے ہم بدی کا کلیجہ نکال کے

اسرار الحق مجاز

نظم

بے نوا ہیں کہ تجھے صوت و نوا بھی دی ہے
جس نے دل توڑ دئے اس کو دعا بھی دی ہے

ادا جعفری

نظم

نہ اس کے عشق کے کام آ سکا میں
نہ اپنی آگ کو بھرما سکا میں
نہ شور آرزو نے راہ پائی
نہ درد بے خودی تھی نے رسائی
زمانہ اپنے محور پر رواں تھا
محض ایک آگ تھی جلنے میں کیا تھا

اکرام خاور

نظم

نظر نظر میں ڈار کر دل و جگر پہ وار کر
تو خود بھی بے قرار ہو مجھے بھی بے قرار کر
ہے پیار گر گناہ تو گناہ بار بار کر

صدا انبالوی

نظم

وہ جنہیں مجھ سے محبت بھی ہے ہمدردی بھی ہے
میرے علمی شوق کو کہتے ہیں بیکار و فضول
پوچھتے ہیں وہ مجھے کیوں ان کتابوں سے ہے عشق
ہو نہ مالی منفعت کا جن کے پڑھنے سے حصول
جانتا ہوں میں بھی مالی فائدہ ان سے نہیں
پھر بھی کرتا ہوں دل و جاں سے کتابوں کو پسند
سرفرازی دے نہیں سکتی وہ دولت سے مگر
مجھ کو کر دیتی ہیں خود اپنی نگاہوں میں بلند

اختر بستوی

نظم

زندگی جسم و دل و جاں کی منظم قوت
موت اظہار پریشانی‌ و لاچاری کا
موت صحراؤں میں بکھرے ہوئے ذروں کا غبار
زندگی نقش انہی ذروں کی چمن کاری کا
موت بے مائیگی دامان زمیں کی گویا
زندگی سلسلہ بادل کی گہر باری کا
زندگی قافلۂ سعی کی پیہم تگ و دو
موت دم بھر کے لئے وقفہ ہے بیکاری کا
زندگی کا جسے معلوم ہو مطلب اس کو
موت کا خوف نہ گردوں کی تبہ کاری کا

فضل الرحمٰن

نظم

موت اک خواب ہے اجزائے بدن کا ہمدم
زندگی نام ہے احساس کی بیداری کا
موت جس رہ‌‌ گزر شوق میں رہزن کا نقاب
زندگی رخت اسی راہ طلب گاری کا
زندگی جسم و دل و جاں کی منظم قوت
موت اظہار پریشانی‌ و لاچاری کا
موت صحراؤں میں بکھرے ہوئے ذروں کا غبار
زندگی نقش انہی ذروں کی چمن کاری کا
موت بے مائیگی دامان زمیں کی گویا
زندگی سلسلہ بادل کی گہر باری کا
زندگی قافلۂ سعی کی پیہم تگ و دو
موت دم بھر کے لیے وقفہ ہے بیکاری کا
زندگی کا جسے معلوم ہو مطلب اس کو
موت کا خوف نہ گردوں کی تبہ کاری کا

فضل الرحمٰن

نظم

نسیم خلد بے خوفی سے میرے گھر میں در آئی
کہا میں نے کہ تم
کب شعلۂ جوالہ بن جاؤ گی خاشاک دل و جاں کو
جلا کر خاک کرنا ہے
بدن پر تھرتھری طاری ہے دیواریں لرزتی ہیں
وہ ٹھنڈک ہے کہ بالوں کی جڑوں میں خون
جمتا جا رہا ہے
ہر کڑی چھت کی سکڑ کر چشم افیوں نوش کے مانند
چھوٹی ہوتی جاتی ہے

شمس الرحمن فاروقی

نظم

تو نظر نہ آئے صنم اگر تو تڑپ اٹھیں یہ دل و جگر
تری جستجو میں مری نظر پھرے بے قرار ڈگر ڈگر

صدا انبالوی

نظم

زیست آزاد غم رہے بیدلؔ
کوئی خطرہ نہ سر پہ منڈلائے

بیدل حیدری

نظم

سب جانتے ہیں علم سے ہے زندگی کی روح
بے علم ہے اگر تو وہ انساں ہے نا تمام
بے علم و بے ہنر ہے جو دنیا میں کوئی قوم
نیچر کا اقتضا ہے رہے بن کے وہ غلام
تعلیم اگر نہیں ہے زمانہ کے حسب و حال
پھر کیا امید دولت و آرام و احترام
سید کے دل میں نقش ہو اس خیال کا
ڈالی بنائے مدرسہ لے کر خدا کا نام
صدمے اٹھائے رنج سہے گالیاں سنیں
لیکن نہ چھوڑا قوم کے خادم نے یہ کام
دکھلا دیا زمانہ کو زور دل و دماغ
بتلا دیا وہ کرتے ہیں کرنے والے کام
نیت جو تھی بخیر تو برکت خدا نے دی
کالج ہوا درست بہ صد شان و احتشام
سرمائے میں کمی تھی سہارا کوئی نہ تھا
سید کا دل تھا درپئے تکمیل انتظام
آخر اٹھا سفر کو وہ مرد خستہ پئے
احباب چند ساتھ تھے ذی علم و خوش کلام
قسمت کہ رہبری سے ملی منزل مراد
فرماں روائے ملک دکن کو کیا سلام
حالت دکھائی اور ضرورت بیان کی
خوبی ث التماس کیا قوم کا پیام
رحم آ گیا حضور کو حالت پہ قوم کی
پھر کیا تھا موجزن ہوا دریا فیض عام
ماہانہ دو ہزار کیا اک ہزار ث
امید ث زیادہ عطا تھی یہ لا کلام
اکبرؔ کی ی دعا ہے خدا کی جناب میں
تا حشر اس رئیس و ریاست کو ہو قیام
کیا وقت پر ہوئی ہے کہ بے احتجاج فکر
تاریک اپنی آپ ہے فیاضی نظام

اکبر الہ آبادی

نظم

خیالات و احساس
جو بے ساختہ لکھ دیے ہیں
نہ جانے وہ کب سے دل و جاں کے اندر چھپے تھے
کسی راز جیسے
قلم بند ہونے کو بے چین تھے
کئی درد الجھے سوالات
جو صفحے پہ سجنے کو بیتاب تھے
وہ سب
قلم سے مرے موتیوں کی طرح
اب برسنے لگے ہیں
سبھی رقص کرنے لگے ہیں
مری چشم پر نم
جو سیلاب روکے ہوئے ہے
ستارے چمکتے ہیں میری پلک پر
انہیں میں رقم کر رہی ہوں
جو طوفان ہے موجزن میرے اندر
وہ ارمان وہ خواب
کئی لا شعوری مضامین بن کر
ورق در ورق جگمگانے لگے ہیں
سبھی رقص کرنے لگے ہیں
اور اب
اسی جذب و احساس کے زیر سایہ
غزل پھول بن کر مہکتی ہے
کبھی نظم گاتی ہے وہ گیت
کہ جو بے خیالی میں تخلیق ہو کر
بناتی ہے رنگین پیکر
یہ بزم سخن کو سجانے پہ مائل
خیالات سب رقص کرنے لگے ہیں
قلم سے مرے موتیوں کی طرح
اب برسنے لگے ہیں
سبھی رقص کرنے لگے ہیں

سبیلہ انعام صدیقی

نظم

عجیب چکر کوئی چلا ہے
جو شے جہاں سے اٹھانا چاہی
اٹھا نہ پائے
جہاں جو رکھا وہاں وہ رکھا نہیں رہا ہے
جو لکھنا چاہا وہ لکھ نہ پائے

حمیدہ شاہین

نظم

کئی سال گزرے
کئی سال بیتے
شب و روز کی گردشوں کا تسلسل
دل و جان میں سانسوں کی پرتیں الٹے ہوئے
زلزلوں کی طرح ہانپتا ہے
چٹختے ہوئے خواب
آنکھوں کی نازک رگیں چھیلتے ہیں
مگر میں اک سال کی گود میں جاگتی صبح کو
بے کراں چاہتوں سے اٹی زندگی کی دعا دے کر
اب تک وہی جستجو کا سفر کر رہا ہوں
گزرتا ہوا سال جیسا بھی گزرا
مگر سال کے آخری دن
نہایت کٹھن ہیں
مرے ملنے والو
نئے سال کی مسکراتی ہوئی صبح گر ہاتھ آئے
تو ملنا
کہ جاتے ہوئے سال کی ساعتوں میں
یہ بجھتا ہوا دل
دھڑکتا تو ہے مسکراتا نہیں
دسمبر مجھے راس آتا نہیں

محسن نقوی

نظم

حریف کون تھا غلیظ بد نما سا جانور
وہ بے خبر
جو رینگتا ہوا چلا
جو رینگتا چلا گیا
نہ جانے کس جہان سے تمہاری رہ میں آ گیا
اصول بن کے زندگی کے آسماں پہ چھا گیا

بلراج کومل

نظم

یہی وقت تھا
ہاں یہی وقت تھا
بلکہ تاریخ بھی تو یہی تھی
جب اک مہرباں ہاتھ نے
جانے کیا سوچ کر بس اچانک
مری روح کو تھپتھپایا
مرے دل کو تھاما
عجب ایک وارفتگی سے
اور کچھ پر فسوں آگہی سے
مرے سن رسیدہ
دل و جاں کو اس نے
حیات آفریں لمس سے بھر دیا
اپنی نظروں میں خود معتبر کر دیا
سوچتا ہوں انوکھی تھیں وہ ساعتیں کس قدر
کیا عجب میری عقل و خرد پر اثر تھا
زمانوں جہانوں سے میں بے خبر تھا
ستارے زمیں آسماں کہکشاں سب مرے پاؤں کی دھول تھے
ہوا بھی کہ جس سمت چلتی مرے حکم سے
اور خوشبو کہ پہلو بدلتی مرے حکم سے
میں کہ مصروف تھا روز و شب بادلوں کے سفر میں
میں دل تھا نظر تھا ہوا تھا خدا تھا کسی کی نظر میں
کہ بے مثل یکتا یگانہ تھا میں اپنے ہر اک ہنر میں
مری تابناکی مرا نور کامل تھا شمس و قمر میں
مگر ایک دن پھر اچانک
عجب سانحہ ہو گیا
اور جیسے مرا بخت ہی سو گیا
اختیار و تفاخر کا وہ سلسلہ کھو گیا
اب تو بس میں ہوں اور ماتم آرزو
زندگی کچھ نہیں ماسوا ہا و ہو
دم بہ دم دم بہ دم ہارتی جستجو
ایک آواز ایسے میں آتی ہوئی
دل کی ہمت دوبارہ بندھاتی ہوئی
کہہ رہی ہے مسلسل کہ یہ خواب ہے
خوف ہے وہم ہے سحر ہے
اس کو ہرگز حقیقت نہ جان
اور میں زندگی موت کے درمیاں
تا بہ حد کراں بے اماں بے اماں بے اماں

مبین مرزا

نظم

بیدلؔ لباس زخم مبارک ہو آپ کو
اب منجمد لہو میں حرارت بھی آئے گی

بیدل حیدری

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے