کی تلاش کا نتیجه | موضو - نظم, صفحہ daav-pech

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "daav-pech"

نظم کے متعلقہ نتیجہ "daav-pech"

نظم

گھاس کے جھلسے ہوئے میدان میں
اک کمر تک برہنہ
لنگوٹ باندھے پہلواں
کھیلتا ہے داؤ پیچ
ایک نا پیدا عدو سے
نہیں کرتا جو اس کا سامنا

آصف رضا

نظم

مشکل ہے در پیش
دل کے اندر رہتا ہے
کب سے اک درویش

سبیلہ انعام صدیقی

نظم

مجھے سبز سفر در پیش ہے
سورج مکھی کا باغ
ہوا کے سنگ ناچتا
اور چاند گنگنا رہا ہے
رنگ میرے ہیں
مگر پھول میرا کیوں نہیں
کائنات کے سینے میں
بجتا ساز
مجھے تلاشنا ہے
مسرتوں کو ٹھکانہ دکھاتی
دکھوں کو
ان کہ مقام پہ منتقل کرتی
بصیرتوں سے
محروم نگاہوں میں رنگ بھرتی
بنجر سماعتوں کا رزق
کہاں گمشدہ ہے
اس دھن تک مجھے جانا ہے
یہ جہاں
کس سر پہ محو رقص ہے
تخت ہزارے سے
جھنگ تک کا سفر
بانسری ہے

عمین الزہراء سید

نظم

پیچ در پیچ مسائل میں سدا
زندگی نے مجھے الجھائے رکھا
اور میں پیٹ کے دوزخ کے لئے
روز و شب تنگ سیہ رستوں پر
لے کے امید کا چھوٹا سا دیا
کبھی اس گوشے کبھی اس گوشے
عزت نفس و انا ساتھ لئے
بیج محنت کے سدا بوتی رہی
بستر عیش کے سپنے لے کر
فرش سنگیں پہ سدا سوتی رہی
اپنی ہستی کو مٹا کر اکثر
کار دشوار کو آسان کیا
اپنے بچوں کے تعیش کے لئے
ہو کے بیگانۂ آرام و سکوں
ہر گھڑی کام فقط کام کیا
آج جب بچے جواں سال ہوئے
بے نیازانہ یہ کہہ کر گزرے
آج تک آپ نے جو کچھ بھی کیا
ہم پہ احسان نہیں ہے یہ نہ قرض
یہ حقیقت میں ہے ماں باپ کا فرض

رضیہ سبحان

نظم

میں روشنی میں اتنی غلطیاں کرتا ہوں
جتنی لوگ اندھیرے میں نہیں کرتے ہوں گے
میں ان دنوں ایک منصوبہ تیار کرنے میں مصروف ہوں
ہر طرح کی ناکامیوں سے پاک منصوبہ
تاکہ جیسے ہی موقع ملے
میں خود کو قتل کر دوں
مجھے ایسے چوراہے کا بھی انتخاب کرنا ہے
جس کے عین وسط میں
لاش کو اس طرح لٹکانا ممکن ہو
کہ اس کا نظارہ کیا جا سکے چاروں اور سے
سنگساری کے حامیوں کو خصوصی دعوت دی جائے گی
خاص طور پر قریبی دوستوں کو
تم بھی پتھر ہی برسانا
میری لاش برداشت نہیں کر سکے گی
پھول کی ضرب
لیکن میں کیا کروں
میں روشنی میں بھی اتنی غلطیاں کرتا ہوں
جتنی لوگ اندھیرے میں نہیں کرتے ہوں گے

انور سین رائے

نظم

اور لاوا اگلتی زمیں پہ بھی خیمہ نشیں ہیں کئی کیکڑے
گویا تمثیل کا اک جہاں پیچ در پیچ کھلتا گیا

عرفان شہود

نظم

پیچ در پیچ جال مکڑی کا!
اجلا اجلا سا، وہ روپہلا سا
جس کے تاروں میں موت پنہاں ہے
ایک مکھی ہے نیم جاں مجبور

راج نرائن راز

نظم

نہیں کوئی مری منزل پہ ہے سفر درپیش
ہے گرد گرد عبث مجھ کو در بہ در پیش

جون ایلیا

نظم

ہاں کس لیے خاموش ہے او تخت جگر ریش
کس غم میں سیہ پوش ہے کیا سوگ ہے در پیش
کملی ہے ترے دوش پہ کیوں صورت درویش
جوگی ہے ترا پنتھ کہ صوفی ہے تیرا کیش
بولا کہ زمانے نے دیا نوش کبھی نیش
صدیاں مجھے گزری ہیں یہاں تین کم و بیش

اسماعیل میرٹھی

نظم

میں جب پہلی بار ان سرنگوں میں داخل ہوا تھا
مجھے کیا خبر تھی یہاں سے مفر کی کوئی راہ ممکن نہیں
ہر دقیقہ مجھے اور الجھائے گا
سینۂ کوہ کی پیچ در پیچ راہوں میں
ہر پل کی پرچھائیں تاریکیوں میں اضافہ کرے گی
مجھے کیا خبر تھی کہ ہر آرزو مجھ کو مقصود سے دور تر کر سکے گی

عزیز تمنائی

نظم

''پتھر کی زباں'' کی شاعرہ کے
چنبیلی سے نرم ہاتھ تھامے
''خوشبو'' کی صفیر سوچتی تھی
در پیش ہواؤں کے سفر میں
پل پل کی رفیق راہ میرے
اندر کی یہ سادہ لوح ایلسؔ
حیرت کی جمیل وادیوں سے
وحشت کے مہیب جنگلوں میں
آئے گی تو اس کا پھول لہجہ
کیا جب بھی صبا نفس رہے گا!؟
وہ خود کو ڈس اون کر سکے گی!؟

پروین شاکر

نظم

اور پھر ایک دن یوں خزاں آ گئی
آبنوسی تنوں کے برہنہ شجر
سرنگوں صف بہ صف پیش دیوار و در
اور چاروں طرف ان کے بکھرے ہوئے
زرد پتے دلوں کے سر رہ گزر
جس نے چاہا وہ گزرا انہیں روند کر
اور کسی نے ذرا سی فغاں بھی نہ کی

فیض احمد فیض

نظم

خدا ایک ہے یوں تو واوین میں صاف لکھا ہوا ہے
مگر زیر واوین بھی چھوٹی چھوٹی بہت تختیاں ہیں
جلی حرف جن کے بہت امتوں کا پتہ دے رہے ہیں
جو یہ تختیاں اپنی گردن میں لٹکائے
زنار پہنے ہوئے کوئی تسبیح تھامے
اپنی گرد سفر کے دھند میں لپٹے چلے جا رہے ہیں
زیتون کی شاخ تلسی کے پتے
ہوا میں اڑے جا رہے ہیں
چیونٹیوں کی قطاریں قرن در قرن
مختلف پیچ در پیچ راہوں سے گزری چلی جا رہی ہیں
سیکڑوں سر کٹے دھڑ بہت راستوں پر پڑے ہیں

اختر الایمان

نظم

زندگی کے سفر میں کئی موڑ ہیں
اور کئی راستے
انگنت منزلیں
جس پہ انسان بے راہروی کا شکار
روز اول سے ہے
سیکڑوں رہنما آئے تبلیغ کی
راہ حق کی مگر
راہگیروں کو دشواری در پیش ہے
ہر قدم پر یہاں
ایسی دشواری جس کا مداوا نہیں
انگنت خواہشیں اور سپنے لیے
دربدر ٹھوکریں کھاتا تھکتا نہیں ہے یہ انسان
جس کو خدا نے خلیفہ بنایا
خلافت عطا کی
مگر اس نوازش پہ کب مطمئن ہے
یہ انسان آخر
وہی اپنے سپنے لیے پھر رہا ہے
وہ سپنے کہ تعبیر جن کی نہ کوئی نہ کوئی حقیقت
فقط ایک دھن ہے
اسی دھن میں چلتا چلا جا رہا ہے
اسی راہ پر اور اسی منزلوں کی طرف
جس کا کوئی نشاں ہے نہ کوئی پتہ ہے

فاروق نور

نظم

سننے والوں کو دھڑکتی ہوئی تنہائی میں
کون در آتا ہے چپکے سے تمنا بن کر
کس کی آواز ہواؤں کی سبک لہروں پر
رقص کرتی نظر آتی ہے تماشا بن کر
کون لفظوں کو عطا کرتا ہے تصویر کا حسن
کون دل میں اتر آتا ہے مسیحا بن کر
کس کی دھڑکن میں ہے کرداروں کے دل کی دھڑکن
کون ابھر آتا ہے مہتاب کا ہالہ بن کر
کتنے ذہنوں کے افق کتنے دلوں کے افلاک
تیرگی میں بھی فروزاں ہیں اجالا بن کر
کتنے انجانوں کی تسکین سماعت کے لیے
اپنی آواز کے جادو سے یہ رس گھولتے ہیں
سرسراتے ہوئے لمحوں کی سبک رفتاری
کہہ رہی ہے کہ یہ طوفانوں میں پر تولتے ہیں
کوئی بھی روپ ہو بہروپ بدل کر یہ لوگ
پیچ در پیچ فسانوں کی گرہ کھولتے ہیں
وہ شہنشہ ہو کہ دریوزہ گر راہ حیات
اپنے کردار کے اوصاف لیے

محسن احسان

نظم

جنگلوں سے بھری سیدھی ڈھلواں پر
حسن روئیدگی کے فسوں زار تھے
دونوں جانب تٹوں پہ سفیدے کے پیڑ
چکنی چکنی سی چھالوں کی دیوار تھے
ہر تنا پھب رہا تھا ہرے سوٹ میں
سبز شاخوں کے پتے چمکدار تھے
پورے جوبن پر آئی ہوئی گھاس تھی
اونچے اونچے زمرد کے انبار تھے
جس طرف بھی کہیں برف کی اوٹ تھی
اوٹ میں سرخ پھلوں کے انگار تھے
سر نکالے ہوئے پتھروں کے کلس
مرغزاروں کے محلوں مینار تھے
مینہ کی بوندوں کے سر ہو رہے تھے قلم
تیز جھوٹ تھے یا تیز تلوار تھے
برق و باراں کا طوفاں جواں سا ہوا
برف کے ساتھ پانی رواں سا ہوا
یہ ہوا تو ہمیں یہ گماں سا ہوا
یہ مناظر تھی ان گھڑسی جن کی پھبن
پر خطر سے کسی فن کا معیار تھے
اک مہم جو مصور کا شہکار تھے
یوں تو ہم بھی مصور تھے فن کار تھے
رنگ و الفاظ کے کیف میں ڈوب کر
خود ہی کو ڈھونڈنے کے طلب گار تھے
خود ہی گرداب تھے خود ہی منجھدار تھے
دشمن جاں ہمارے ہی افکار تھے
پیچ در پیچ دل میں گرفتار تھے
ہم نہ اس پار تھے ہم نہ اس پار تھے

تخت سنگھ

نظم

تو مری نظم ہے
خود میں مربوط گم اپنی دھن میں رواں
پیچ در پیچ آزاد اور بے نیاز اور مبہم
اندرونی و بیرونی آہنگ میں
اپنے اظہار صد رنگ میں
نغمگی انگ میں تیری آواز اور رنگ میں
یہ اٹھان
یہ کمان
یہ کماں سے نکلتے ہوئے تیر سب بر ہدف
تیز چست
رمز میں اور اظہار بے باک میں بھی اشارے لیے
اپنے ہی استعارے لیے
جو کہانی کہے
کہہ کے بھی ان کہی ان سنی ہی رہے
وصل معنی کے پہلو میں پہلوئے تشنہ لبی ہی رہے
کچھ کمی ہی رہے
تجھ کو پا کر تجھے اور پانے کی تجدید ابلاغ کے کیف میں بار بار
سطر در سطر پڑھتا رہوں
زلفوں پیشانی آنکھوں سے عارض لبوں سے ترے پاؤں کی آخری پور تک
مرے لمس سے
لوح دل پر تری روشنائی پہ اک حرف آئے نہیں
سربسر تو جمی کی جمی ہی رہے
سارے اسرار کھلتے رہیں بند دروازوں پر اور اسرار کے
اور بھی بے پنہ ہوں معانی ترے ایک اقرار اور بیش انکار کے
میں تعاقب میں جن کے رہوں عمر بھر
تو مری نظم ہے جان من

فیصل عظیم

نظم

ذہن جب تک ہے
خیالات کی زنجیر کہاں کٹتی ہے
ہونٹ جب تک ہیں
سوالات کی زنجیر کہاں کٹتی ہے
بحث کرتے رہو لکھتے رہو نظمیں غزلیں
ذہن پر صدیوں سے طاری ہے جو مجلس کی فضا
اس خنک آنچ سے کیا پگھلے گی
سوچ لینے ہی سے حالات کی زنجیر کہاں کٹتی ہے
نیند میں ڈوبی ہوئی آنکھوں سے وابستہ خواب
تیز کرنوں کی سنانوں پہ ہی رسوا سر عام
یہ شہید اپنی صلیبوں سے پلٹ آتے ہیں دل میں ہر شام
صبح ہوتی ہے مگر رات کی زنجیر کہاں کٹتی ہے
دن گزر جاتا ہے بے فیض کد و کاوش میں
ایک ان دیکھے جہنم کی تب و تابش میں
جسم اور جاں کی تگ و تاز کی ہر پرسش میں
درد و غم حسرت و محرومی کی ہر کاہش میں
طلب و ترک طلب سلسلۂ بے پایاں
مرگ ہی زیست کا عنوان ہے ہر خون شدہ خواہش میں
غم سے بھاگیں بھی تو فریاد و شکایات کی زنجیر کہاں کٹتی ہے
وقت وہ دولت نایاب ہے آتا نہیں ہاتھ
ہم مشینوں کی طرح جیتے ہیں پابندئ اوقات کے ساتھ
وقت بیکار گزرتا ہی چلا جاتا ہے
کرسیوں میزوں سے بے معنی ملاقاتوں میں
سینکڑوں بار کی اگلی ہوئی دہرائی ہوئی باتوں میں
مندگی رہنے کی تمنا کی مداراتوں میں
شکم و جاں کی عبادات کی زنجیر کہاں کٹتی ہے
صبح سے شام تلک اتنے خدا ملتے ہیں ہر کافر کو
سجدۂ شکر سے انکار کی مہلت نہیں ملنے پاتی
سینکڑوں لاکھوں خداؤں کی نظر سے چھپ کر
خود سے مل لینے کی رخصت نہیں ملنے پاتی
خود پرستوں سے بھی طاعات کی زنجیر کہاں کٹتی ہے
رات آتی ہے تو دل کہتا ہے ہم اپنے ہیں
خلوت خواب میں دنیا سے کنارا کر لیں
کل بھی دینا ہے لہو اپنا دل و دیدہ کی جھولی بھر لیں
جسم کے شور سے اور روح کی فریاد سے دم گھٹتا ہے
دن کے بیکار خیالات کی زنجیر کہاں کٹتی ہے
بے نیازانہ بھی جینا ہے فقط ایک گماں
فکر موجود کو چھوڑیں تو غم نا موجود
ساتھ ہر سانس کے ہے سلسلۂ ہست و بود
غم آفاق کو ٹھکرائیں کریں ترک جہاں
پھر بھی یہ فکر کہ جینے کا ہو کوئی عنواں
بے نیازی سے غم ذات کی زنجیر کہاں کٹتی ہے
ذہن میں اندھے عقیدوں کی سیاہی بھر لو
تاکہ اس نگری میں
کبھی افکار کے شعلوں کا گزر ہو نہ سکے
جبر کا حکم سنو
ہونٹوں کو اپنے سی لو
تاکہ ان راہوں سے
کبھی لفظوں کا سفر ہو نہ سکے
ذہن و لب پھر بھی نہیں چپ ہوتے
ان کے خاموش سوالات کی
پیچ در پیچ خیالات کی
زنجیر کہاں کٹتی ہے

وحید اختر

نظم

کشادہ شہر میں
پیچیدہ گلیاں ہوں نہ نالے ہوں
مہکتی رہ گزاریں ہوں
جنہیں چھو کر
ہوائیں صحن میں آتی رہیں
دیکھو
ہمارا دم نہ گھٹ جائے

محمد عبدالقادر ادیب

نظم

جہاں سے
ہوا تھا
شروع
سفر
دیکھا وہاں کوئی نہیں تھا
سامنے تھا
منتظر صحرا سفر کا
اور سائے خار دار
دیکھتے رکتے ٹھیک ویسے ہی
جو میرے آگے کے پائدانوں پر کھڑے
سایوں نے
سوچا چاہا اور کیا
میں جو ان کا پیش رو ہوں

عادل رضا منصوری

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے