Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "sai.nt"

نظم کے متعلقہ نتیجہ "sai.nt"

نظم

باتوں میں دودھ کی خوشبو تھی
جو کچھ بھی سینت کے رکھا تھا
میں ساری چیزیں لے آئی
اک لعل بدخشاں کی چڑیا
سونے کا ہاتھ چھوٹا سا
چاندی کی اک ننھی تختی
ریشم کی پھول بھری ٹوپی
اطلس کا نام لکھا جزدان
جزدان میں لپٹا اک قرآں
پر وہ کیسا دیوانہ تھا
کچھ چھوڑ گیا کچھ توڑ گیا
اور لے بھی گیا ہے وہ تو کیا
لوہے کی بد صورت گاڑی
پٹرول کی بو بھی آئے گی
جس کے پہیے بھی ربر کے ہیں
جو بات نہیں کر پائے گی
بچہ پھر آخر بچہ ہے

زہرا نگاہ
نظم

تیری یادیں ہیں کبھی پھول کی صورت دل میں
اور کبھی موتیوں کی طرح سے آنسو بن کر
چشم احساس سے دامن پہ بکھر جاتی ہیں
میں انہیں سینت کے رکھتی ہوں گزارے کے لئے
تیری یادوں کو مگر سینت کے کب تک رکھوں
برف لمحوں میں یہ ہاتھوں سے پھسل جاتی ہیں

تسنیم عابدی
نظم

سنو تم وقت جیسے ہو
ہمیشہ ہی کسی جلدی میں رہتے ہو
تمہیں جتنا بچاتا ہوں
میں جتنا سینت کر مٹھی میں رکھتا ہوں
تم اتنا خرچ ہوتے ہو

ارشد ملک
نظم

جب دنیا میرے دکھ بٹانے آئی
میرے سارے دکھ چرا لیے گئے تھے
بھری بہار میں میرے آنسوؤں کے بیج جلائے گئے ہیں
آج دیر بعد نئی محبت کو منسوخ کر کے
پہلی تنہائی سے لپٹ کر سونا اچھا لگا ہے
آئندگاں کی اداسی لپیٹ کر
ایک پرانی محبت کا پرسا وصول کرتے ہوئے بھی
دل نہیں بھرا
جذبوں کی کتر بیونت اور خالی لفظوں میں دکھوں کے پیوند لگاتے
تھک گیا ہوں
اسی ادھیڑ بن میں
خود کو سینت سینت کر رکھتے ہوئے
اپنے پیرہن میں
ایک خواب تک سستانے کی فرصت نہیں
سو نئے دکھ کمانے کی عجلت میں
تمہارا سواگت ہے دوست!!!

انجم سلیمی
نظم

بہت سنبھال کے رکھیں ہیں
ہم نے ان وقتوں کی یادیں
جو ہمیں مغموم رکھتے تھے
جو اپنے اپنے وقتوں میں
ہم پر مسلط رہے
ان دنوں میں مصروفیت کے باوجود
ہم زندگی کو ایسے دیکھ رہے تھے
جیسے
خود سے کہہ رہے ہوں
ہم نہیں لڑنا چاہتے ان کے ان ارادوں سے
جو ہمیں ملیامیٹ کرنا چاہتے ہیں
ہم جانتے تھے
ان کے ارادوں کے سامنے ہمارے ارادے
ان کا منہ توڑ جواب دے سکتے ہیں
لیکن ہماری خاموشی نے ان کو بڑھاوا دیا
یہ ہمارے ارد گرد اداسی کا دائرہ
تنگ کرتے رہے
یہاں تک کہ ہم اس اداسی کے عادی ہو گئے
لوگ کہتے ہیں
ہم اس وقت ہمیشہ حالت جنگ میں نظر آتے تھے
جھیلے ہوئے دنوں کو ہم آج بھی نہیں بھولے
بہت سینت کر رکھی ہیں ہم نے ان وقتوں کی یادیں
اپنے اثاثے میں
اپنے پرانے صندوق میں
یہ شاید
جب ہم پر کوئی جرم عائد ہو رہا ہو
یہ ہماری حمایت میں پرانے صندوق سے باہر آ جائیں

عذرا عباس
نظم

الگ کئے ہوئے پاؤں
جو کسی اجنبی راستے کا حصہ نہیں بنے
چمڑے کے جوتوں میں سینت کر رکھ لئے گئے

سدرہ سحر عمران
نظم

اس لئے
آپ کو بھیجا تھا
وہ سادہ کاغذ
اک کوئی حرف مناسب سا
میسر ہی نہ تھا
اجنبی جیسے تھے انداز تخاطب سارے
کوئی پیکر بھی مری سوچ سا
پیکر ہی نہ تھا
کتنے القاب تھے
میں لکھا کیا کاٹا کیا
کتنے اوراق میں
بے وجہ یوں ہی پھاڑا کیا
دل کی ضد برتا ہوا لفظ
نہ برتا جائے
اک الگ سب سے کوئی حرف
تراشا جائے
آپ پابندیٔ آداب کی شرطیں رکھیں
دل گرانباریٔ الفاظ سے الجھا جائے
سوچتے سوچتے بس سادہ ورق بھیج دیا
آپ ہی لکھیے کہ کیا آپ کو لکھا جائے
اک شکستہ سا
پرانا سا
ادھورا سا یہ خط
آج پایا تو ادھڑنے لگے ٹانکے دل کے
دل پہ لکھے تھے جو اوراق
وہ سب پھاڑ دئے
ایک بس سادہ ورق سینت کے رکھا میں نے

نسیم سید
نظم

آؤ عزہ سنو کہانی
جب بچی تھیں
تمہاری نانی
ان کی ہتھیلی پر چھوٹا سا چمکتا سکہ
رکھتے تھے انعام میں ابا
جھٹ سے آ کر مٹھی بند کیا کرتی تھیں امی
مٹی کی گلک بھیا لے کر آتے تھے
چھن چھن کرتے بہت سے سکے
گلک میں بھرتے جاتے تھے
باجی اٹھا کر وزن بتا تیں
دل خوشیوں سے پاگل ہوتا
کیا کرنا ہے ان پیسوں سے
سمجھ نہ آتا
پھر امی نے یہ سکھلایا
سب سے اچھی دوست تمہاری
بن کے رہیں گی کتابیں ساری
ان پیسوں سے وہی خریدو
امی بھیا باجی ابا
جب نہ ہوں گے پاس تمہارے
کبھی اداس اور تنہا جب ہو
انہیں کتابوں میں پھر تم کو
سارے رشتے مل جائیں گے
ہاتھ پکڑ کر ان کا چلنا
گم کبھی تم کو نہ ہونے دیں گی
ان سے دکھ سکھ کہنا سننا
راستہ تم کو بتلائیں گی
جب ہو چاروں طرف اندھیرا
روشنی تم کو دکھلائیں گی
پیار سے ان کو سینت کے رکھنا
یہ ہی ہوں گی سچی ساتھی
حرف حرف سے لفظ بناتی
تمہاری فکر کی خالی گلک
کھن کھن کر کے بھرتی رہے گی
ایسا خزانہ عطا کرے گی
کبھی کسی کی ٹھوکر سے تم
بکھر سکو نہ ٹوٹ سکو گی
بلکہ ایسی گلک
بن جاؤ گی
جتنا بانٹو اتنا بھرو گی

نسترن احسن فتیحی
نظم

جن گلیوں کا سورج
رستہ بھول گیا ہو
ان میں کسی بھی آہٹ کا
کوئی گیت نہیں گونجا کرتا
بوسیدہ دروازے
کھڑکیاں
بل کھاتے چوبی زینوں پر
ناچتی رہتی ہے ویرانی
گرد و غبار میں ڈوبے کمرے
آپس میں باتیں کرتے ہیں
بند دریچے
سانپوں جیسی آنکھوں سے
دور دراز کو جانے والی
سبز رتوں کی یادوں میں
روتے روتے سو جاتے ہیں
ان سب لوگوں کی یادوں میں
جن کی جسموں کی خوشبو کو
سینت کے رکھنے والے لمحے
ماہ و سال کی گرد میں دبتے جاتے ہیں
بند گھروں کی خوشبو سے
خاموشی اور تنہائی موت کی باتیں کرتے ہیں

فہیم شناس کاظمی
نظم

نظم کون لکھتا ہے
وہ جو ملال میں مبتلا ہے
یا وہ جو جشن منانا بھول گیا
ہمارے پاس تمہاری دی ہوئی سوغات ہے
برسوں پرانی
ہم نے اسے پرانے سامان کے ساتھ سینت کے رکھا ہے
دوسروں کی نظروں سے چھپا کر
کوئی دیکھے گا
نہیں کوئی نہیں
ہم جانتے ہیں
اگر ہم نہیں بھی جانتے پھر بھی
یہ تو خفیہ واردات ہے
یہ وہ نہیں ہے
جیسے تم کوڑے کے ڈھیر سے اٹھا لو
چند روٹی کے ٹکڑوں کے لیے
ملال کی کتنی قسمیں ہیں
گنو گے تو گنتے رہ جاؤ گے
ہم جس آبادی میں رہتے ہیں
یہ وہاں کی پہچان ہے
اسے ہم نے اپنے بچوں کی پہنچ سے دور رکھنے کی پوری کوشش کی
یہ سوچ کر کہ وہ کیا سوچیں گے
کس تھالی میں کھائیں

عذرا عباس
نظم

پھر خموشی کی کٹھالی میں سبھی یادیں انڈیل
سینت کر دل کے نہاں خانے سے لاؤں میں بھی

محمد زبیر خالد
نظم

اور زمیں کے کسی دور افتادہ گوشے میں
مکتب کو جاتے ہوئے ایک بچے کی آنکھوں سے
یہ بات سن کر
اگر ایک آنسو گرا ہے
اسے سینت کر طاقچے میں سجا لو
خلاؤں کے یخ بستہ بے نور پاتال میں یہ ستارہ تمہارا سہارا بنے گا

ظفر سید
نظم

بے دھیان لمحوں کے
بے یقین آنگن میں
کوئی بیج چاہت کا
کیسے پھوٹ آتا ہے
اک یقیں کی کونپل سے
کیسے سیکڑوں شاخیں
تن میں پھول جاتی ہیں
کچھ سمجھ نہیں آتا
دو ہتھیلیاں کیسے
ایک جیسی سوچوں میں
موم سی پگھلتی ہیں
آگ سی سلگتی ہیں
اور خبر نہیں ہوتی
کوئی شوخ سی وحشت
آتی جاتی سانسوں میں
کھلکھلا کے ہنستی ہے
ایک درد کی راحت
پائلوں کو چھنکاتی
ایک آگ بھڑکاتی
ساتھ ساتھ چلتی ہے
چاہتوں کے آنگن سے
ہوش کے کواڑوں تک
آگ پھیل جاتی ہے
آگ پھیل جاتی ہے
تب دھیان آتا ہے
ایک جیسی سوچوں میں
موم سے پگھلتے دو
ہاتھ راکھ ہوتے ہیں
تب خیال آتا ہے
سینت سینت رکھتے ہیں
راکھ چند لمحوں کی
اور سوچا کرتے ہیں
شوخ سی جو وحشت تھی
جانے وہ محبت تھی
راکھ جو بٹوری ہے
جانے یہ محبت ہے

نسیم سید
نظم

وہ سائیں اللہ ڈینو کے ہرے امرود
لالہ شیام کی قلفی ملائی
اور ڈیرے والیوں کے مٹیوں کے ہاتھی گھوڑے
ڈگڈگی پنکھے کھلونے اور غبارے
سبھی میں رنگ تھے کتنے

عشرت آفریں
نظم

خیالات میں سخت ہے انتشار
تخیل پریشاں قلم بے قرار
جہاں خون آلود و خوں رنگ ہے
وطن پر پڑا سایۂ رنج ہے
گل و لالہ ہیں مستعد بے تکاں
رفیقوں نے رکھی ہتھیلی پہ جاں
ہر اک لب پہ ہے بس یہی اک سخن
حسین اور دل کش ہے ارض وطن
خلوص آج پامال ہے اور تباہ
اصول آج دریوزہ خواہ پناہ
گرفتار آزار دنیا ہے آج
محبت پریشان و رسوا ہے آج
اصول محبت کے ہم ترجماں
خلوص و محبت کے ہم پاسباں
دوانوں کو مطلق نہیں ہے قرار
صداقت سے بیتاب دل پائیدار
ہر اک لب پہ ہے بس یہی اک سخن
حسین اور دل کش ہے ارض وطن
وطن ہے یہ نانک کا فرماں‌ پذیر
تھا گوتم اسی کارواں کا امیر
محبت نے رتبہ دیا ہے بلند
محبت نے سب کو کیا ارجمند
ہے غیرت کا طوفان چھایا ہوا
ہے بچوں میں بھی جوش آیا ہوا
ارادے ہیں سب کے بہت استوار
غیور اور بیدار ہیں جاں نثار
ہر اک لب پہ ہے بس یہی اک سخن
حسین اور دل کش ہے ارض وطن
نہ دی دشمنوں کو کبھی اس نے راہ
ہمالہ ہے رفعت سے عالم پناہ
ہمالہ کی دلچسپ ہے داستاں
یہ عظمت نشاں سب کا ہے پاسباں
زمانے پہ یہ بات ہے آشکار
اما اس کی ہے دختر نامدار
ہمالہ کی عظمت کی ہم کو قسم
ہمالہ کی رفعت کی ہم کو قسم
حفاظت ہمالہ کی اب فرض ہے
ہمالہ کا ہم پر بڑا قرض ہے
یہ کہتے ہیں سب مل کے خورد و کلاں
کہ غیرت کا اس وقت ہے امتحاں
ہوا روئے شنکر ہے غصے سے لال
دکھائے گا اب رقص تانڈو جلال
ارادے ہیں سب کے بہت استوار
غیور اور بیدار سب جاں نثار
ہر اک لب پہ ہے بس یہی اک سخن
حسین اور دل کش ہے ارض وطن
محافظ ہیں ہم امن کے لا کلام
زمانے کو دیتے ہیں بدھ کا پیام
صبا اپنے گلشن سے جاتی ہے جب
مٹاتی ہے دنیا کے رنج و تعب
رسیلی ہے صبح اور رسیلی ہے شام
نہاں ان میں ہے زندگی کا پیام
روایت کا محفوظ کر کے وقار
ہمیں لوٹنا ہے خوشی کی بہار
ذرا دیکھئے گا رفیقوں کی آن
ہے رکھی جنہوں نے ہتھیلی پہ جان
ہر اک لب پہ ہے بس یہی اک سخن
حسین اور دل کش ہے ارض وطن
ہے عزت کا جرأت کا اب امتحاں
کہیں جھک نہ جائے وطن کا نشاں
فریبوں سے کوئی پنپتا نہیں
کبھی جھوٹ کا میوہ پکتا نہیں
صداقت کا ہے بول بالا سدا
نہیں کام آتے دروغ افترا
فضا ہے چمن کی ہمیں سازگار
ہے پابندہ تر اس زمیں کی بہار
ہر اک لب پہ ہے بس یہیں اک سخن
حسین اور دل کش ہے ارض وطن
حیا اور مروت ہے جو پر رہیں
ہوئی ہیں وہ آنکھیں بہت خشمگیں
بڑھے ہیں وطن کی طرف بد قماش
کلیجہ زمیں کا ہوا پاش پاش
پہاڑوں پہ ہے برف غصے سے لال
فضائیں ہوئیں گرم آتش مثال
ہیں جہلم میں آنے کو طغیانیاں
ہر اک موج پر ہے غضب کا سماں
محبت کی دنیا کو دل میں لیے
بہار جوانی سے پیماں کیے
وطن کی حفاظت کو تیار ہیں
محبت کے بادہ سے سرشار ہیں
حفاظت ہے فرض اپنے ارمان کی
ہمیں آج پروا نہیں جان کی
ہر اک لب پہ ہے بس یہی اک سخن
حسین اور دل کش ہے ارض وطن
۲
آؤ بڑھو میدان میں شیروں دشمن پر یلغار کریں
قبر بنے میدان میں اس کی ایسا اس پر وار کریں
زنگ نہ لگنے پائے اپنے بھارت کی آزادی کو
آؤ زیر دام کریں صیادوں کی صیادی کو
لوح دل پر نقش کرو ہر حال میں زندہ رہنا ہے
ملک کی خدمت کے رستے میں جو دکھ آئے سہنا ہے
یہ سیلاب سرخ نہیں ہے ظلم و ستم کی آندھی ہے
اس سیلاب کو روکیں گے ہم ہمت ہم نے باندھی ہے
شیروں کی اولاد ہو تم ان ویروں کی سنتان ہو تم
مرد مجاہد مرد جری ہو یودھا ہو بلوان ہو تم
سانچی مدورا امرتسر اجمیر کی عظمت تم سے ہے
صبح بنارس شام اودھ کی اصل و حقیقت تم سے ہے
تاج اجنتا اور ایلورا کے واحد فن کار ہو تم
خوش سیرت خوش صورت خوش مورت خوش کردار ہو تم
بھیلائی چترنجن تم سے بھاکڑ اننگل تم سے ہے
دامودر کی شان ہے تم سے عظمت چنبل تم سے ہے
تم نے بسائے شہر نرالے جنگل تم سے منگل ہیں
تم نے نکالی نہریں اتنی صحرا تم سے جل تھل ہیں
تم نے اتنی ہمت سے دریاؤں کے رخ موڑ دیے
تم نے کھودیں سرنگیں اتنی دور کے رشتے جوڑ دیے
تم کشمیر کی ارض حسیں کے نظاروں میں پلتے ہو
کہساروں کو پھاندتے ہو تم دریاؤں پہ چلتے ہو
تم میسور میں ورندا بن کے باغ سجانے والے ہو
اوٹی شملہ دارجلنگ سے شہر بسانے والے ہو
تاتیا ٹوپے لکشمی بائی ٹیپو کی اولاد ہو تم
جنگ کے فن میں قابل ہو تم ماہر ہو استاد ہو تم
ہندو مسلم سکھ عیسائی جینی بودھ اور پارسی
دہقاں تاجر اور ملازم سادھو‌ سنت اور سیاسی
لے کے وطن کا جھنڈا آؤ دشمن پر یلغار کریں
قبر بنے رن‌ بھوم میں اس کی ایسا اس پر وار کریں

عرش ملسیانی
نظم

میں مر چکا ہوں
اور مجھے پتہ بھی نہیں
اب کیا کرو گے تم
نہلاؤ گے مجھے
اور پوچھو گے بھی نہیں
میں نہانا چاہتا ہوں یا نہیں
یہ بھی نہیں دیکھو گے
پانی گرم ہے یا نہیں
بھول جاؤ گے کہ اچھا نہیں لگتا
مجھے ٹھنڈا پانی
نہانے کے لیے نہ پینے کے لیے
پھر لباس تبدیل کرو گے میرا
اور یہ بھی نہیں پوچھو گے
کیا پہننا چاہتا ہوں
کون سا رنگ پتلون قمیض یا کچھ اور
مجھ سے پوچھے بغیر
تم وہ سب کچھ کرو گے
جو میں نے اپنے ساتھ کبھی نہیں ہونے دیا
ایک دو بار نہیں سیکڑوں بار
میں نے خود کو انتہائی بے بس محسوس کیا ہے
لعنت ہو مجھ پر
موت ہے بے بسی کی انتہا
یہ بات مجھ پر کب کھلی ہے
میرے جسم سے جلد از جلد
جان چھڑا کے
تم لوٹو گے
یا شاید وہیں سے چلے جاؤ گے
شاید کچھ دیر باتیں کرو گے
میرے بارے میں کم
کاروبار کے بارے میں
کسی میٹنگ کے بارے میں
یا اسپورٹس کے بارے میں
یا کسی اداکارہ کے نئے اسکینڈل کے بارے میں
شاید کچھ کھاؤ گے یا شاید کچھ پیو گے
اور ایک ایک کر کے رخصت ہو جاؤ گے
دروازے پر رکے بغیر
یہ دیکھے بغیر
کہ میں تمہیں رخصت کرنے آ رہا ہوں
شکریہ ادا کرنا چاہتا ہوں میں تمہارا
تمام مصروفیت کے باوجود
اتنا وقت نکالنے پر

انور سین رائے
نظم

میں کیسے بتاؤں
کہ جو کیفیت مجھ پہ گزری
اساطیری ہرگز نہیں تھی
کسی دیو مالا سے
سا گا سے
جا تک کہانی سے
اس کا علاقہ نہیں تھا
کسی خواب کا یہ وقوعہ نہیں تھا
نہ یہ واہمہ تھا
جسے عقل تشکیل دیتی ہے
حیرت کا ورطہ
حصار نفس یا نظر کا کرشمہ
کوئی واردہ
پاس انفاس تنویم یا مسمریزم
کوئی حبس دم
جذب و مستی
کسی سنت‌ سادھو کی شکتی
کسی صوفی سالک کا الہام
سرسام
وحشت کی لے
وجد یا حال سی کوئی شے
ایک شیشے کے اندر کوئی چیز
براق پردے پہ رقصاں سی
فانوس گرداں سی
تصویری ہرگز نہیں تھی
اساطیری ہرگز نہیں تھی

رفیق سندیلوی
نظم

پاگلوں سے نہیں
بہت ڈر لگتا ہے، مجھے
نارمل اور ذہین لوگوں سے
کچھ بھی کر سکتے ہیں
وہ
اپنی محبوبیت میں
قہر اور فتنے سے بھری
خود پسندی میں
کچھ بھی سوچ سکتے ہیں
کچھ بھی چاہ سکتے ہیں
منصوبے بنانا
اور سازشیں کرنا مشکل نہیں ہوتا
ان کے لیے
یقین رہتا ہے انہیں
کچھ بھی کر سکتی ہے ذہانت
اگر مشکل کوئی وار کرے گی
تو ڈھال بن جائے گی ذہانت
نارمل
بہت متأثر ہوتے ہیں ان سے
ان جیسا ہونا چاہتے ہیں
انہی کا ساتھ دیتے ہیں
کسی بھی عورت کے بارے میں
کچھ بھی سوچ سکتے ہیں
ذہین اور نارمل
منطق سے چلتے ہیں اور حساب سے
عشق نہیں کر سکتے اسی لیے
یہ بات تو ثابت نہیں
کہ عشق
پہلے محبوب کے دل میں پیدا ہوتا ہے
عورتیں یہ سب سمجھتی ہیں
مردوں سے کہیں زیادہ
احمق ترین لگنے والی عورت بھی
ان معاملوں میں
کہیں آگے ہوتی ہے کسی بھی مرد سے
پھر بھی
پھنس ہی جاتی ہیں بے چاری
پھنستی چلی جاتی ہے
پاگلوں کو قبول نہیں کرتیں وہ
حالانکہ وہی جانتی ہیں سب سے زیادہ
عشق تو کام ہے صرف پاگلوں کا
ناچ سکتے ہیں پاگل
ان کے خیال میں
یاد کر سکتے ہیں انہیں
پھولوں کو دیکھ کر
سن سکتے ہیں ہوا سے ان کی باتیں
جو ان کی طرف سے نہ بھی آئی ہو
درختوں کو چلتا ہوا دیکھ سکتے ہیں
ان کے ساتھ
بھری دوپہروں میں
دھوپ پر حیران ہو سکتے ہیں
ان کے مقابل کھڑا کر سکتے ہیں
دھوپ اور سائے کو پاگل
اور شاعری بن سکتی ہیں
ان کے بارے میں
صرف پاگلوں کی باتیں

انور سین رائے
نظم

کسی دن جب تھکن سے
چور ہو کر آؤں گی
پھر میں ترے در پر
ترے شانے پہ سر رکھ کر
میں سب رنج و الم اپنے
میں اپنی ساری مجبوری
میں اپنی ساری محرومی
پھر اشکوں کو بہاؤں گی
وہ میرا درد دکھ سارا
رگوں میں لاوا بن کر
جو ابلتا ہے
تو میرا سائیں ہے
اور شاہ میرا ہے
میں لفظوں کی بھکارن ہوں
یہ کاسہ خالی ہے میرا
مجھے خیرات لفظوں کی مرے سائیں
ذرا دینا
مرے کاسے کو بھر دینا

دعا علی
نظم

اب خدا کو بھی ذرا آرام کرنا چاہیئے
اک زمانے سے مسلسل کر رہا ہے
تین شفٹیں
اور دنیا بھر کے تہواروں پہ بھی
مل نہیں پائی کبھی رخصت اسے
ہفتہ واری یعنی وہ جو دا اینڈ پہ ایک چھٹی
ساری دنیا میں ہی دی جاتی ہے اب
اس کی وہ چھٹی ازل سے بند ہے
سینکڑوں بیماریوں میں
کام کرتے ہی اسے پایا ہے میں نے

انور سین رائے
Load More
Best poetry resource in urdu
تلاش
Get App
URD
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
بولیے