کی تلاش کا نتیجه | موضو - نظم, صفحہ saif

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "saif"

نظم کے متعلقہ نتیجہ "saif"

نظم

کس طرح روکتا ہوں اشک اپنے
کس قدر دل پہ جبر کرتا ہوں
آج بھی کارزار ہستی میں
جب ترے شہر سے گزرتا ہوں

سیف الدین سیف

نظم

اس سے پہلے کہ تیری چشم کرم
معذرت کی نگاہ بن جائے
اس سے پہلے کہ تیرے بام کا حسن
رفعت مہر و ماہ بن جائے
پیار ڈھل جائے میرے اشکوں میں
آرزو ایک آہ بن جائے
مجھ پہ آ جائے عشق کا الزام
اور تو بے گناہ بن جائے
میں ترا شہر چھوڑ جاؤں گا
اس سے پہلے کہ سادگی تیری
لب خاموش کو گلہ کہہ دے
میں تجھے چارہ گر خیال کروں
تو مرے غم کو لا دوا کہہ دے
تیری مجبوریاں نہ دیکھ سکے
اور دل تجھ کو بے وفا کہہ دے
جانے میں بے خودی میں کیا پوچھوں
جانے تو بے رخی سے کیا کہہ دے
میں ترا شہر چھوڑ جاؤں گا
چارۂ درد ہو بھی سکتا تھا
مجھ کو اتنی خوشی بہت کچھ ہے
پیار گو جاوداں نہیں پھر بھی
پیار کی یاد بھی بہت کچھ ہے
آنے والے دنوں کی ظلمت میں
آج کی روشنی بہت کچھ ہے
اس تہی دامنی کے عالم میں
جو ملا ہے وہی بہت کچھ ہے
میں ترا شہر چھوڑ جاؤں گا
چھوڑ کر ساحل مراد چلا
اب سفینہ مرا کہیں ٹھہرے
زہر پینا مرا مقدر ہے
اور ترے ہونٹ انگبیں ٹھہرے
کس ترا تیرے آستاں پہ رکوں
جب نہ پاؤں تلے زمیں ٹھہرے
اس سے بہتر ہے دل یہی سمجھے
تو نے روکا تھا ہم نہیں ٹھہرے
میں ترا شہر چھوڑ جاؤں گا
مجھ کو اتنا ضرور کہنا ہے
وقت رخصت سلام سے پہلے
کوئی نامہ نہیں لکھا میں نے
تیرے حرف پیام سے پہلے
توڑ لوں رشتۂ نظر میں بھی
تم اتر جاؤ بام سے پہلے
لے مری جان میرا وعدہ ہے
کل کسی وقت شام سے پہلے
میں ترا شہر چھوڑ جاؤں گا

سیف الدین سیف

نظم

مہر صدیوں سے چمکتا ہی رہا افلاک پر
رات ہی طاری رہی انسان کے ادراک پر
عقل کے میدان میں ظلمت کا ڈیرا ہی رہا
دل میں تاریکی دماغوں میں اندھیرا ہی رہا
اک نہ اک مذہب کی سعیٔ خام بھی ہوتی رہی
اہل دل پر بارش الہام بھی ہوتی رہی
آسمانوں سے فرشتے بھی اترتے ہی رہے
نیک بندے بھی خدا کا کام کرتے ہی رہے
ابن مریم بھی اٹھے موسی عمراں بھی اٹھے
رام و گوتم بھی اٹھے فرعون و ہاماں بھی اٹھے
اہل سیف اٹھتے رہے اہل کتاب آتے رہے
ایں جناب اٹھتے اور آنجناب آتے رہے
حکمراں دل پر رہے صدیوں تلک اصنام بھی
ابر رحمت بن کے چھایا دہر پر اسلام بھی
مسجدوں میں مولوی خطبے سناتے ہی رہے
مندروں میں برہمن اشلوک گاتے ہی رہے
آدمی منت کش ارباب عرفاں ہی رہا
درد انسانی مگر محروم درماں ہی رہا
اک نہ اک در پر جبین شوق گھستی ہی رہی
آدمیت ظلم کی چکی میں پستی ہی رہی
رہبری جاری رہی پیغمبری جاری رہی
دین کے پردے میں جنگ زرگری جاری رہی
اہل باطن علم سے سینوں کو گرماتے رہے
جہل کے تاریک سائے ہاتھ پھیلاتے رہے
یہ مسلسل آفتیں یہ یورشیں یہ قتل عام
آدمی کب تک رہے اوہام باطل کا غلام
ذہن انسانی نے اب اوہام کے ظلمات میں
زندگی کی سخت طوفانی اندھیری رات میں
کچھ نہیں تو کم سے کم خواب سحر دیکھا تو ہے
جس طرف دیکھا نہ تھا اب تک ادھر دیکھا تو ہے

اسرار الحق مجاز

نظم

مری نگاہ کو اب بھی تری ضرورت ہے
دل تباہ کو اب بھی تری ضرورت ہے
خروش نالہ تڑپتا ہے تیری فرقت میں
سکوت آہ کو اب بھی تری ضرورت ہے
یہ صبح و شام تری جستجو میں پھرتے ہیں
کہ مہر و ماہ کو اب بھی تری ضرورت ہے
بہار‌‌ زلف پریشاں لیے ہے گلشن میں
گل و گیاہ کو اب بھی تری ضرورت ہے
زمانہ ڈھونڈ رہا ہے کوئی نیا طوفاں
سکون راہ کو اب بھی تری ضرورت ہے
وہ ولولے وہ امنگیں وہ جستجو نہ رہی
تری سپاہ کو اب بھی تری ضرورت ہے
خرد خموش جنوں بے خروش ہے اب تک
دل و نگاہ کو اب بھی تری ضرورت ہے
بیاں ہو غم کا فسانہ دل تپاں سے کہاں
یہ بار اٹھے گا مری جان ناتواں سے کہاں
ملا نہ پھر کہیں لطف کلام تیرے بعد
حدیث شوق رہی نا تمام تیرے بعد
جو تیرے دست‌‌‌ حوادث شکن میں دیکھی تھی
وہ تیغ پھر نہ ہوئی بے نیام تیرے بعد
بجھی بجھی سی طبیعت ہے بادہ خواروں کی
اداس اداس ہیں مینا و جام تیرے بعد
بنا ہے حرف شکایت سکوت لالہ و گل
بدل گیا ہے چمن کا نظام تیرے بعد
ادائے حسن کا لطف خرام بے معنی
سرود‌‌ شوق کی لذت حرام تیرے بعد
ترس گئی ہے سماعت تری صداؤں کو
سنا نہ پھر کہیں تیرا پیام تیرے بعد
وہ انقلاب کی رو پھر پلٹ گئی افسوس
بلند بام ہیں پھر زیر دام تیرے بعد
مثال نجم سحر جگمگا کے ڈوب گیا
ہمیں سفینہ کنارے لگا کے ڈوب گیا

سیف الدین سیف

نظم

لوگ کہتے ہیں کہ پربت سے نکل کر چشمے
کسی کھوئی منزل کی طرف بہتے ہیں
اور سر شام ہوا ان کے لئے چلتی ہے
جن کے محبوب بہت دور کہیں رہتے ہیں

سیف الدین سیف

نظم

اے لیلیٔ جمہوریت
اے دلبر ہندوستاں
تجھ سے فروغ شمع شب
محفل میں لو کی ابتدا
اہل وفا کے دیس میں
تاریخ نو کی ابتدا
ظلمت بد اماں خاک پر
سورج کی ضو کی ابتدا
ہر لب پہ تیری داستاں
زلفیں تری عنبر فشاں
اے دلبر ہندوستاں
تو اپنے دست ناز میں
اک خوش نما پرچم لئے
اپنے جلو میں نو بہ نو
خوشیوں کا اک عالم لئے
منزل کے راہی کے لئے
اک رو لئے اک رم لئے
ہنستی ہوئی گاتی ہوئی
آواز سی دیتی ہوئی
سنگیت کی ہر تان میں
درس عمل دیتی ہوئی
بن کر امنگوں کا نشاں
آئی ہمارے درمیاں
اے دلبر ہندوستاں
اب جگمگاتی راہ ہے
اور رہروؤں کے قافلے
اب تیز ہیں سب کے قدم
اب مٹ رہے ہیں فاصلے
اب زندگی ہے وجد میں
اب جاگتے ہیں ولولے
تھک کر کوئی سوتا نہیں
اب پیڑ کے سائے تلے
نغمات آزادی کی دھن
کتنی جنوں انگیز ہے
اب نشۂ مے ہے سوا
اب ساز کی لے تیز ہے
اب روح کو حاصل یہاں
صد عشرت پرویز ہے
مسرور ہیں پیر و جواں
اے دلبر ہندوستاں
تیری حد شاداب میں
گنگ و جمن آباد ہیں
کہسار کے ہیں سلسلے
دشت و دمن آباد ہیں
اہل یقیں آباد ہیں
ارباب فن آباد ہیں
مہتاب اور تارے لئے
نیلے گگن آباد ہیں
جنت نشاں کشمیر کے
رنگیں چمن آباد ہیں
جو ہیں ہماری آبرو
ہیں جمن کے ہم سب پاسباں
اے دلبر ہندوستاں
آ ہم ترے آنچل تلے
پرچم ترا اونچا کریں
تیری حفاظت کے لئے
سیف و قلم یکجا کریں
تجھ کو بنائیں کامراں
اے دلبر ہندوستاں
مفہوم آزادی ہے کیا
نور سحر کی جستجو
کیا ہے متاع حریت
انساں کے دل کی آرزو
صد آفریں بر دور مے
آزاد ہیں جام و سبو
آزاد ہے پائل کی دھن
آزاد ہے زلفوں کی بو
آزاد ہے سوز جگر
آزاد ہے دل کا لہو
آزاد ہے ذوق سفر
آزاد ہے جینے کی خو
جائے نہ کیوں دل کی لگن
محفل بہ محفل کو بہ کو
صد مرحبا پوری ہوئی
وہ حسرت کیف نمو
جس کے سبب برباد تھا
صدیوں سے اپنا کارواں
اے دلبر ہندوستاں
تو ظلمتوں کے سیل میں
شمع فروزاں بن گئی
شب تاب افق پر ہند کے
نور درخشاں بن گئی
وادیٔ نکہت بیز میں
جوئے خراماں بن گئی
خوشبو سے جس کی چار سو
وہ زلف جاناں بن گئی
دل کا سکوں آرام جاں
اے دلبر ہندوستاں

اویس احمد دوراں

نظم

کس قیامت کا تبسم ہے ترے ہونٹوں پر
استعاروں میں بھٹکتے ہیں خیالات مرے
میں کہ ہر سانس کو اک شعر بنا سکتا ہوں
نظم ہونے کو پریشان ہیں جذبات مرے

سیف الدین سیف

نظم

کس قیامت کا تبسم ہے ترے ہونٹوں پر
استعاروں میں بھٹکتے ہیں خیالات مرے
میں کہ ہر سانس کو اک شعر بنا سکتا ہوں
نظم ہونے کو پریشان ہیں جذبات مرے

سیف الدین سیف

نظم

میں حسیں ہوں مگر
اس قدر بھی نہیں
مجھ کو معلوم ہے
جانتی ہوں کہ میں
تیرے الفاظ کی
سب ہے جادوگری
تیرے الفاظ نے
اور جنوں نے ترے
اپنے شعروں میں کر کے بیاں میرا حسن
دل کشی کو مری
شاعری کو مری
ایک پہچان دی
ہر زباں پر مرا
تذکرہ ہے مگر
مجھ کو سچ سچ بتا
اے سخنور مرے
اے مرے جادوگر
تیرے اشعار نے
گفتگو نے تری
اور جنوں نے ترے
مجھ کو پہچان دی
میرا چرچا کیا
یا زمانے میں بس
مجھ کو رسوا کیا

ثبین سیف

نظم

اونچی اونچی سرخ فصیلیں
جن کے اندر خواب کی دنیا
ریشم جیسے کومل چہرے
ارمانوں کی دھوپ میں چلتے
اک دوجے کے دل کے اندر
عشق کے دانے بو جاتے ہیں
اک دوجے کے ہو جاتے ہیں

سیف علی

نظم

تو نے کب یہ کہا
ساتھ چلتے ہوئے
میرے تسموں سے دل کو نہیں باندھنا
میرے قدموں سے قسمت نہیں ماپنی
میری آنکھوں سے خود کو نہیں دیکھنا
اس شکستہ جبیں کو نہیں چومنا
پھول دینے نہیں

سیف علی

نظم

کتنی اچھی تھی وہ زمیں مائے
جہاں تم میرے ساتھ رہتی تھی
بستر پر راتوں کو تم مجھ کو
سیف الملوک اور
پریوں کی کوئی کہانی سناتی تھی
آسمان میں پورا چاند دیکھ کر
مجھے تامچینی کی تھالی میں
تمہاری روٹی یاد آتی تھی
مچل کر میں جب روٹی بنانے کی
تم سے ضد کرتی تھی
تو ہنس کر ٹالتی مجھ کو
تم یہ کہتی تھیں
پہلے بڑی تو ہو جاؤ
نور تڑکے سورج کی کرنوں میں
تمہاری مسکراہٹ جگمگاتی تھی
مجھے بکریوں کے پیچھے بھیج کر
جب اپنے کاموں میں
تم مجھ کو بھول جاتی تھی
تو وادی کی نرم گھاس پر پھدکتے
ہوا سے باتیں کرتی تھی
تتلیوں کو ہولے سے پکڑ کر
ہمیشہ چھوڑ دیتی تھی
تم نے کہا تھا مائے، کسی کو دکھ نہ پہچانا
کہ تم اچھی بچی ہو
پریاں چڑیوں کے بھیس میں آ کر
دانہ چگیں گی میری ہتھیلی سے
جب کوئی چڑیا چہچہاتی تھی
میں کھلکھلا کر زور سے ہنستی
مگر امی اب مجھ کو
زمیں کی طرف دیکھ کر
ڈر سا لگتا ہے
وہ کون تھے مائے
جنہوں نے میری بکریوں چراگاہوں سے چھین کر مجھ کو
اندھیروں کے حوالے کر دیا مائے
اور وہاں سے بھیجتے وقت مجھے تم سے
ملنے بھی نہ دیا
وہ انسان تو نہ تھے مائے
مگر وہ
انسانوں جیسے دکھتے تھے
میں تو اچھی بچی تھی
تم بے شک پوچھ لینا
چڑیوں سے تتلی سے
ہواؤں سے جھیل کناروں
کنول کے پھولوں سے
سرسراتے ناگ کب آئے
تم پوچھنا اس وادی سے پہاڑوں سے
میری بکریوں سے اور ابا سے
مجھے تو اس دھرتی سے پیار تھا کتنا
میں تمہاری طرح روٹی بناتی
جب بڑی ہوتی
ڈھک کر آنچل سے سر کو
پیار سے کھانا کھلاتی
بس اتنا ہی تو خواب تھا میرا
مگر ان لوگوں نے
مجھے چیرا تھا مائے
آری سے بجلی کے ننگے تاروں متعفن سانسوں سے
تمہیں یاد ہے مائے
مجھے دوڑتے بھاگتے
جب کبھی چوٹ لگتی تھی
میں دوڑ کر آتی تھی
تمہیں اپنی چوٹیں دکھاتی تھی
دعا پڑھ کر تم پھونک دیتی تھی
مگر اس دن نہ آئیں تم
میں کتنا تڑپی تھی
دعاؤں کے سب حصار کیوں ٹوٹ گئے مائے
تم نے کب بتایا تھا
کوئی درد ایسا بھی ہوتا ہے
جو موت بن کر ڈور کاٹ دے سانسوں کی
اور ناسور بن کر
تمہارے دل میں ٹھہر جائے

نسترن احسن فتیحی

نظم

گریز کرتی ہوئی رتوں میں
کھنڈر کے اندر
کوئی چٹخنی لگا کے بیٹھا
مجید امجدؔ کو پڑھ رہا ہے
یہ سات رنگوں کے کینوس پر جو آٹھواں ہے
یہ شاعری ہے

سیف علی

نظم

ایک دائرے پہ کھڑے ہو کر
وہ دھن سننا چاہ رہی ہوں
جس پہ کائنات محو رقص ہے
کوئی بھی دلیل نا کافی ہے
ابھرتے سورج کی کرنیں پڑھ کر
دن بھر کی داستان لکھی جا سکتی ہے
سات رنگوں کا مجموعہ اگر بولے تو
ایک اضافی رنگ بن سکتا ہے
مگر چاند کی چھاؤں میں بیٹھی
سیف الملوک سن کر
رات کو روح پہ جھیلنے والی کی
دلیل کا جواب
ابھی تک نہیں ملا
عشق کا رقص جاری ہے

عمین الزہراء سید

نظم

تم نے کبھی دریا کنارے برگد دیکھا ہے
جس کی شاخیں مسلسل دریا کا چہرہ
سہلاتی ہیں
اور
دریا انہیں بھگوتا ہے
بھیگنے سے خوبصورتی بڑھتی ہے
جس طرح رونے سے چہرے کی
کیا تمہیں یاد ہے
پچھلے جنم میں
تم دریا اور میں برگد تھا

سیف علی

نظم

عجائب گھر کی سیڑھی پر
کوئی عینک اتارے رو رہا ہے
گزرے وقتوں پر
مگر مہندی لگے ہاتھوں کو اس سے کیا غرض ہوگی
کواڑوں پر جمی کائی کسی کی دستکوں سے صاف ہونی ہے
نہیں معلوم کتنے دن ہماری رات ہونی ہے

سیف علی

نظم

تجھے دیکھنے کے بعد
تخیل کے دریا میں ابھرتی موج نے
دل کے ساحل پر
رنگیں سی دستک دی ہے
مری سماعتوں نے تیری آواز کا ذائقہ
خواب میں بھی نہیں چکھا
ترے لہجے کے بجتے ستار سے
شروع ہونے والا رقص دیکھنے کو
تشنہ آنکھیں برملا اظہار کرتی ہیں کہ
تیرا دیدار مجھے سبز کر سکتا ہے
اے خوش نویس
تو نے جب سے مرے نام میں
رنگ بھرے
اس نام سے خوشبو پھوٹتی ہے
ترے ہاتھوں سے لکھے
تجمل جملے امر ہو جاتے ہیں
ان ہاتھوں سے
عقیدت و محبت کی مہک مرے وجود کو
معطر کئے ہوئے ہے
میں نے اظہار کے سچے موتی
ریت میں لپیٹ کر
دریائے جہلم کے حوالے کر دئے ہیں
آسمان سفید ردا اوڑھنے لگا
اور
سیف الملوک کا لہجہ سمجھنے کے بعد
سرخ سوچیں
سبز روشنی میں رقص کر رہی ہیں

عمین الزہراء سید

نظم

آس کی بیلیں جھول رہی ہیں
یاد کے سوکھے پیڑ کے ساتھ
دل سے تیری قربت کا
تابوت گزرتا جاتا ہے
گھر میں پہلی بارش سے
آنگن کے گملے بھیگے ہیں
میری ماں کا سندر چہرہ
سورج کی کرنیں چوم رہی ہیں
ماں نے باپ کو خواب میں دیکھا
آج بھی اس کے ہاتھوں سے آٹے کا پیڑا چھوٹ گیا
ہم دونوں نے اپنے اپنے دل کو ضبط کی ڈوری سے
باندھ کے آنسو روکے ہیں
جانے کتنا درد چھپا ہے
اک عورت کے سینے میں
آج بھی روٹی تازہ ہے

سیف علی

نظم

مرے پاؤں کے نیچے خاک نہیں کسی اور کے پاؤں کی مٹی ہے
دروازہ کھلا
اور ماہ زوال در آیا
بند مکاں کے روزن در سے
آگے سات دلہن کی قبر ہے
نیچے کوزہ گروں کی بستی ہے
کوزہ گروں کی بستی میں مرے پاؤں کے نیچے خاک نہیں
بڑے قصے ہیں
بڑے قصے ہیں دل صبر و سوال کے سننے کے
بڑی باتیں سیف و کتاب پہ لکھنے کی
بڑے خواب ہیں اوڑھ کے سونے کو
کبھی خواب لکھے نہیں جاتے
کبھی باتیں سنی نہیں جاتیں
کبھی قصے کہے نہیں جاتے
کوزہ گروں کی بستی میں بڑے قصے ہیں اور خاک نہیں
مرے پاؤں کے نیچے خاک نہیں
اور ماہ زوال در آیا
بند مکاں کے روزن در سے
آگے سات دلہن کی قبر ہے
نیچے کوزہ گروں کی بستی ہے
کوزہ گروں کی بستی میں
مرے پاؤں کے نیچے خاک نہیں کسی اور کی پاؤں کی مٹی ہے

محمد انور خالد

نظم

صدر جمہوریۂ ہند
یقیناً آپ فخرالدین بھی ناز‌ امم بھی ہیں
علی احمد بھی ہیں آگاہ آداب‌ حرم بھی ہیں
وقار ہوش بھی عظمت فروز علم و دانش بھی
گرامی قدر بھی ذی تمکنت بھی محترم بھی ہیں
تب و تاب چمن بھی ذوق تمکین بہاراں بھی
جہان شوق کا افسانۂ جاہ و حشم بھی ہیں
کرشمہ ہے خدا کا آپ کے اوصاف کے قائل
دیار برہمن کے دیوتا بھی ہیں صنم بھی ہیں
تقدس موج دریا کا لطافت آبگینے کی
مجسم شوکت دوراں سراپا جام جم بھی ہیں
جلال‌ برق بھی ہیں ظالموں کے واسطے لیکن
غریبوں کے لئے سرمایۂ لطف و کرم بھی ہیں
جو نسبت آپ کو غالبؔ سے ہے اس کے تعلق سے
قدم بوسی کے خواہاں صاحب سیف و قلم بھی ہیں

مسعود اختر جمال

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے