کی تلاش کا نتیجه | موضو - نظم, صفحہ shajar-e-jaa.n

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "shajar-e-jaa.n"

نظم کے متعلقہ نتیجہ "shajar-e-jaa.n"

نظم

وہ پیاری نازک حسین لڑکی
جو خواب شیریں میں روز آ کر
ہمارے پہلو میں بیٹھتی تھی ہماری زلفوں سے کھیلتی تھی
وہ شیریں لہجے میں ہنس کے کہتی تھی اے شجرؔ تم قریب آؤ
پھر اپنے گل جیسے دو لبوں سے ہماری پیشانی چومتی تھی
وہ پیاری نازک حسین لڑکی کہاں گئی اب
ہماری آنکھیں ترس گئی ہیں اب اس کے چہرے کی اک جھلک کو
ہمارا پہلو ہے سونا سونا ہماری زلفیں اجڑ گئی ہیں
اب اس کے نازک لبوں کو ہر دم ہماری پیشانی ڈھونڈھتی ہے
اب اس کے ہونٹوں سے نام سننے کو کان دونوں ترس گئے ہیں
خدا ہی جانے وہ پیاری نازک حسین لڑکی کہاں گئی اب

شجر عباس

نظم

یہ درد دل مجھے جینے نہیں دیتا ہے میری ماں
کہاں جاؤں
کہاں جاؤں جو درد دل سے تھوڑا سا سکوں آئے
مسلسل میں سوالی ہوں بتاؤ نا کہاں جاؤں
یہ ماضی کی سبھی یادیں مری الجھن بڑھاتی ہیں
جو دل پر زخم ہیں فرقت کے یہ ان کو دکھاتی ہیں
میں آہیں بھرنے لگتا ہوں
مجھے جب یاد آتا ہے
ترا نازک لبوں سے نرم لہجے میں شجرؔ کہنا
کبھی آنکھوں کی ٹھنڈک تو کبھی لخت جگر کہنا
تو یہ دل کانپ جاتا ہے
مجھے جب یاد آتا ہے
تری یادوں کا دل کے شانے پر سر رکھ کے یہ کہنا
چلا جاتا ہے جو بھی لوٹ کر واپس نہیں آتا
تو آنکھیں خون روتی ہیں
مجھے جب یاد آتا ہے
یہ درد دل مجھے جینے نہیں دیتا ہے میری ماں
کہاں جاؤں
کہاں جاؤں جو درد دل سے تھوڑا سا سکوں آئے
مسلسل میں سوالی ہوں بتاؤ نا کہاں جاؤں

شجر عباس

نظم

آؤ اس چاند سے ماتھے کو ذرا چوم تو لوں
پھر نہ ہوگا تمہیں یہ پیار نصیب آ جاؤ
آخری لمحہ ہے سینے پہ مرے سر رکھ دو
دل کی حالت ہوئی جاتی ہے عجیب آ جاؤ
نہ اعزا نہ احبا نہ خدا ہے نہ رسول
کوئی اس وقت نہیں میرے قریب آ جاؤ
تم تو قریب آ جاؤ!

جاں نثار اختر

نظم

لکھنؤ میرے وطن میرے چمن زار وطن
تیرے گہوارۂ آغوش میں اے جان بہار
اپنی دنیائے حسیں دفن کیے جاتا ہوں
تو نے جس دل کو دھڑکنے کی ادا بخشی تھی
آج وہ دل بھی یہیں دفن کیے جاتا ہوں
دفن ہے دیکھ مرا عہد بہاراں تجھ میں
دفن ہے دیکھ مری روح گلستاں تجھ میں
میری گل پوش جواں سال امنگوں کا سہاگ
میری شاداب تمنا کے مہکتے ہوئے خواب
میری بیدار جوانی کے فروزاں مہ و سال
میری شاموں کی ملاحت مری صبحوں کا جمال
میری محفل کا فسانہ مری خلوت کا فسوں
میری دیوانگئ شوق مرا ناز جنوں
میرے مرنے کا سلیقہ مرے جینے کا شعور
میرا ناموس وفا میری محبت کا غرور
میری نبضوں کا ترنم مرے نغموں کی پکار
میرے شعروں کی سجاوٹ مرے گیتوں کا سنگار
لکھنؤ اپنا جہاں سونپ چلا ہوں تجھ کو
اپنا ہر خواب جواں سونپ چلا ہوں تجھ کو
اپنا سرمایۂ جاں سونپ چلا ہوں تجھ کو
لکھنؤ میرے وطن میرے چمن زار وطن
یہ مرے پیار کا مدفن ہی نہیں ہے تنہا
دفن ہیں اس میں محبت کے خزانے کتنے
ایک عنوان میں مضمر ہیں فسانے کتنے
اک بہن اپنی رفاقت کی قسم کھائے ہوئے
ایک ماں مر کے بھی سینے میں لیے ماں کا گداز
اپنے بچوں کے لڑکپن کو کلیجے سے لگائے
اپنے کھلتے ہوئے معصوم شگوفوں کے لیے
بند آنکھوں میں بہاروں کے جواں خواب بسائے
یہ مرے پیار کا مدفن ہی نہیں ہے تنہا
ایک ساتھی بھی تہ خاک یہاں سوتی ہے
عرصۂ دہر کی بے رحم کشاکش کا شکار
جان دے کر بھی زمانے سے نہ مانے ہوئے ہار
اپنے تیور میں وہی عزم جواں سال لیے
یہ مرے پیار کا مدفن ہی نہیں ہے تنہا
دیکھ اک شمع سر راہ گزر چلتی ہے
جگمگاتا ہے اگر کوئی نشان منزل
زندگی اور بھی کچھ تیز قدم چلتی ہے
لکھنؤ میرے وطن مرے چمن زار وطن
دیکھ اس خواب گہ ناز پہ کل موج صبا
لے کے نو روز بہاراں کی خبر آئے گی
سرخ پھولوں کا بڑے ناز سے گوندھے ہوئے ہار
کل اسی خاک پہ گل رنگ سحر آئے گی
کل اسی خاک کے ذروں میں سما جائے گا رنگ
کل مرے پیار کی تصویر ابھر آئے گی
اے مری روح چمن خاک لحد سے تیری
آج بھی مجھ کو ترے پیار کی بو آتی ہے
زخم سینے کے مہکتے ہیں تری خوشبو سے
وہ مہک ہے کہ مری سانس گھٹی جاتی ہے
مجھ سے کیا بات بنائے گی زمانے کی جفا
موت خود آنکھ ملاتے ہوئے شرماتی ہے
میں اور ان آنکھوں سے دیکھوں تجھے پیوند زمیں
اس قدر ظلم نہیں ہائے نہیں ہائے نہیں
کوئی اے کاش بجھا دے مری آنکھوں کے دیے
چھین لے مجھ سے کوئی کاش نگاہیں میری
اے مری شمع وفا اے مری منزل کے چراغ
آج تاریک ہوئی جاتی ہیں راہیں میری
تجھ کو روؤں بھی تو کیا روؤں کہ ان آنکھوں میں
اشک پتھر کی طرح جم سے گئے ہیں میرے
زندگی عرصہ گہ جہد مسلسل ہی سہی
ایک لمحے کو قدم تھم سے گئے ہیں میرے
پھر بھی اس عرصہ گہ جہد مسلسل سے مجھے
کوئی آواز پہ آواز دئیے جاتا ہے
آج سوتا ہی تجھے چھوڑ کے جانا ہوگا
ناز یہ بھی غم دوراں کا اٹھانا ہوگا
زندگی دیکھ مجھے حکم سفر دیتی ہے
اک دل شعلہ بجاں ساتھ لیے جاتا ہوں
ہر قدم تو نے کبھی عزم جواں بخشا تھا!
میں وہی عزم جواں ساتھ لیے جاتا ہوں
چوم کر آج تری خاک لحد کے ذرے
ان گنت پھول محبت کے چڑھاتا جاؤں
جانے اس سمت کبھی میرا گزر ہو کہ نہ ہو
آخری بار گلے تجھ کو لگاتا جاؤں
لکھنؤ میرے وطن میرے چمن زار وطن
دیکھ اس خاک کو آنکھوں میں بسا کر رکھنا
اس امانت کو کلیجے سے لگا کر رکھنا

جاں نثار اختر

نظم

کتنے دن میں آئے ہو ساتھی
میرے سوتے بھاگ جگانے
مجھ سے الگ اس ایک برس میں
کیا کیا بیتی تم پہ نہ جانے

جاں نثار اختر

نظم

آج بھی کتنی ان گنت شمعیں
میرے سینے میں جھلملاتی ہیں
کتنے عارض کی جھلکیاں اب تک
دل میں سیمیں ورق لٹاتی ہیں
کتنے ہیرا تراش جسموں کی
بجلیاں دل میں کوند جاتی ہیں
کتنی تاروں سے خوش نما آنکھیں
میری آنکھوں میں مسکراتی ہیں
کتنے ہونٹوں کی گل فشاں آنچیں
میرے ہونٹوں میں سنسناتی ہیں
کتنی شب تاب ریشمی زلفیں
میرے بازو پہ سرسراتی ہیں
کتنی خوش رنگ موتیوں سے بھری
بالیاں دل میں ٹمٹماتی ہیں
کتنی گوری کلائیوں کی لویں
دل کے گوشوں میں جگمگاتی ہیں
کتنی رنگیں ہتھیلیاں چھپ کر
دھیمے دھیمے کنول جلاتی ہیں
کتنی آنچل سے پھوٹتی کرنیں
میرے پہلو میں رسمساتی ہیں
کتنی پائل کی شوخ جھنکاریں
دل میں چنگاریاں اڑاتی ہیں
کتنی انگڑائیاں دھنک بن کر
خود ابھرتی ہیں ٹوٹ جاتی ہیں
کتنی گل پوش نقرئی بانہیں
دل کو حلقے میں لے کے گاتی ہیں
آج بھی کتنی ان گنت شمعیں
میرے سینے میں جھلملاتی ہیں
اپنے اس جلوہ گر تصور کی
جاں فزا دل کشی سے زندہ ہوں
ان ہی بیتے جوان لمحوں کی
شوخ تابندگی سے زندہ ہوں
یہی یادوں کی روشنی تو ہے
آج جس روشنی سے زندہ ہوں
آؤ میں تم سے اعتراف کروں
میں اسی شاعری سے زندہ ہوں

جاں نثار اختر

نظم

یہ دیش کہ ہندو اور مسلم تہذیبوں کا شیرازہ ہے
صدیوں کی پرانی بات ہے یہ پر آج بھی کتنی تازہ ہے
تاریخ ہے اس کی ایک عمل تحلیلوں کا ترکیبوں کا
سمبندھ وہ دو آدرشوں کا سنجوگ وہ دو تہذیبوں کا
وہ ایک تڑپ وہ ایک لگن کچھ کھونے کی کچھ پانے کی
وہ ایک طلب دو روحوں کے اک قالب میں ڈھل جانے کی
دو شمعوں کی لو پیچاں جیسے اک شعلۂ نو بن جانے کی
دو دھاریں جیسے مدرا کی بھرتی ہوئی کسی پیمانے کی
یوں ایک تجلی جاگ اٹھی نظروں میں حقیقت والوں کی
جس طرح حدیں مل جاتی ہوں دو سمت سے دو اجیالوں کی
آوازۂ حق جب لہرا کر بھگتی کا ترانہ بنتا ہے
یہ ربط بہم یہ جذب دروں خود ایک زمانہ بنتا ہے
چشتی کا قطب کا ہر نعرہ یک رنگی میں ڈھل جاتا ہے
ہر دل پہ کبیر اور تلسی کے دوہوں کا فسوں چل جاتا ہے
نانک کا کبت بن جاتی ہے میرا کا بھجن بن جاتا ہے
دل دل سے جو ہم آہنگ ہوئے اطوار ملے انداز ملے
اک اور زباں تعمیر ہوئی الفاظ سے جب الفاظ ملے
یہ فکر و بیاں کی رعنائی دنیائے ادب کی جان بنی
یہ میرؔ کا فن چکبستؔ کی لے غالبؔ کا امر دیوان بنی
تہذیب کی اس یکجہتی کو اردو کی شہادت کافی ہے
کچھ اور نشاں بھی ملتے ہیں تھوڑی سی بصیرت کافی ہے
تعمیر کے پردے میں بھی کئی بے لوث فسوں مل جاتے ہیں
رنپور کے مندر میں ہم کو مسجد کے ستوں مل جاتے ہیں
وحدت کی اسی چنگاری سے دل موم ہوا ہے پتھر کا
اجمیر کی جامع مسجد میں خود عکس ہے اجنبی مندر کا
پھر اور ذرا یہ فن بڑھ کر مانند غزل بن جاتا ہے
مرمر کی رو پہلی چاندی سے اک تاج محل بن جاتا ہے
یہ نقش بہم تہذیبوں کا موجود ہے سو تصویروں میں
منصورؔ منوہرؔ دولتؔ اور ہاشمؔ کی سبک تحریروں میں
دل ساتھ دھڑکتے آئے ہیں خود ساز پتا دے دیتے ہیں
ترتیب سروں کی کیسے ہوئی خود راگ صدا دے دیتے ہیں

جاں نثار اختر

نظم

ہمیں ناموس کی وراثت کو
شعلۂ جاں بنا کے رکھنا ہے
اپنے ماضی سے رابطے کے لئے
اپنا ورثہ بچا کے رکھنا ہے

نور شمع نور

نظم

خیر اب ہم مطمئن یوں ہیں کہ جان آرزو
ہم نے کچھ کھو بھی دیا ہے اور کچھ پایا بھی ہے
کیسے کیسے عقل کو دے کر دلاسے جان جاں
روح کو تسکین دی ہے دل کو سمجھایا بھی ہے

سیدہ شانِ معراج

نظم

جب بھی ظلمت کے جگر چاک کئے ہیں ہم نے
اک نئی صبح کا پیغام دیا کرتے ہیں
جب بھی مہتاب زر افشاں کے ہو چہرے پہ نقاب
جان ہم رکھ کے ہتھیلی پر الٹ دیتے ہیں

نور شمع نور

نظم

شہر دل کی گلیوں میں
شام سے بھٹکتے ہیں
چاند کے تمنائی
بے قرار سودائی
دل گداز تاریکی
روح و جاں کو ڈستی ہے
روح و جاں میں بستی ہے
شہر دل کی گلیوں میں
تاک شب کی بیلوں پر
شبنمیں سرشکوں کی
بیقرار لوگوں نے
بے شمار لوگوں نے
یادگار چھوڑی ہے
اتنی بات تھوڑی ہے

ابن انشا

نظم

شہر دل کی گلیوں میں
شام سے بھٹکتے ہیں
چاند کے تمنائی
بے قرار سودائی
دل گداز تاریکی
جاں گداز تنہائی
روح و جاں کو ڈستی ہے
روح و جاں میں بستی ہے
شہر دل کی گلیوں میں
تاک شب کی بیلوں پر
شبنمیں سرشکوں کی
بے قرار لوگوں نے
بے شمار لوگوں نے
یادگار چھوڑی ہے
اتنی بات تھوڑی ہے
صد ہزار باتیں تھیں
حیلۂ شکیبائی
صورتوں کی زیبائی
قامتوں کی رعنائی
ان سیاہ راتوں میں
ایک بھی نہ یاد آئی
جا بجا بھٹکتے ہیں
کس کی راہ تکتے ہیں
چاند کے تمنائی
یہ نگر کبھی پہلے
اس قدر نہ ویراں تھا
کہنے والے کہتے ہیں
قریۂ نگاراں تھا
خیر اپنے جینے کا
یہ بھی ایک ساماں تھا
آج دل میں ویرانی
ابر بن کے گھر آئی
آج دل کو کیا کہئے
با وفا نہ ہرجائی
پھر بھی لوگ دیوانے
آ گئے ہیں سمجھانے
اپنی وحشت دل کے
بن لئے ہیں افسانے
خوش خیال دنیا نے
گرمیاں تو جاتی ہیں
وہ رتیں بھی آتی ہیں
جب ملول راتوں میں
دوستوں کی باتوں میں
جی نہ چین پائے گا
اور اوب جائے گا
آہٹوں سے گونجے گی
شہر دل کی پنہائی
اور چاند راتوں میں
چاندنی کے شیدائی
ہر بہانے نکلیں گے
آرزو کی گیرائی
ڈھونڈنے کو رسوائی
سرد سرد راتوں کو
زرد چاند بخشے گا
بے حساب تنہائی
بے حجاب تنہائی
شہر دل کی گلیوں میں

ابن انشا

نظم

ہاں گاہے گاہے دید کی دولت ہاتھ آئی
یا ایک وہ لذت نام ہے جس کا رسوائی
بس اس کے سوا تو جو بھی ثواب کمایا ہے
سب مایا ہے
اک نام تو باقی رہتا ہے، گر جان نہیں
جب دیکھ لیا اس سودے میں نقصان نہیں
تب شمع پہ دینے جان پتنگا آیا ہے
سب مایا ہے

ابن انشا

نظم

خاکستر دل کو ہے پھر شعلہ بجاں ہونا
حیرت کا جہاں ہونا حسرت کا نشاں ہونا
اے شخص جو تو آکر یوں دل میں سمایا ہے
تو درد کہ درماں ہے تو دھوپ کہ سایا ہے؟
نیناں ترے جادو ہیں گیسو ترے خوشبو ہیں
باتیں کسی جنگل میں بھٹکا ہوا آہو ہیں
مقصود وفا سن لے کیا صاف ہے سادہ ہے
جینے کی تمنا ہے مرنے کا ارادہ ہے

ابن انشا

نظم

دفعتاً سیل ظلمات کو چیرتا
جل اٹھا دور بستی کا پہلا دیا
پنچھیوں نے بھی پچھم کا رستہ لیا
خیر جاؤ عزیزو مگر دیکھنا
ایک جگنو بھی مشعل سی لے کے چلا
ہے اسے بھی کوئی جستجو شہر میں؟

ابن انشا

نظم

اے متوالو ناقوں والو دیتے ہو کچھ اس کا پتا
نجد کے اندر مجنوں نامی ایک ہمارا بھائی تھا
آخر اس پر کیا کچھ بیتی جانو تو احوال کہو
موت ملی یا لیلیٰ پائی؟ دیوانے کا مآل کہو
عقل کی باتیں کہنے والے دوستوں نے اسے سمجھایا
اس کو تو لیکن چپ سی لگی تھی نا بولا نا باز آیا
خیر اب اس کی بات کو چھوڑو دیوانا پھر دیوانا
جاتے جاتے ہم لوگوں کا ایک سندیسا لے جانا

ابن انشا

نظم

زندگی وہم ہے حقیقت ہے
شجر درد سایۂ غم ہے

مسلم شمیم

نظم

دیکھ کر یہ اقتباس کار گاہ انس و جاں
کار پردازان قدرت میں ہوئیں سرگوشیاں

شاد عارفی

نظم

اندھیری رات میں جب مسکرا اٹھتے ہیں سیارے
ترنم پھوٹ پڑتا ہے مرے ساز رگ جاں سے

شاطرحکیمی

نظم

چہرۂ جبر و تشدد سے تقدس کا نقاب
نوچ پھینکا سر مقتل ترے دیوانوں نے
بارش خون دل و جاں سے بجھا دی سر بزم
جھوٹ کی شمع فروزاں ترے پروانوں نے

مسلم شمیم

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے