کی تلاش کا نتیجه | موضو - نظم, صفحہ ta.DaKH

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "ta.DaKH"

نظم کے متعلقہ نتیجہ "ta.DaKH"

نظم

کئی لاپتہ میری لعبتیں
جو کسی طرف کی نہ ہو سکیں
جو نہ آنے والوں کے ساتھ تھیں
جو نہ جانے والوں کو رو سکیں

احمد فراز

نظم

تڑخ کے گرد کی تہ سے اگر کہیں کچھ پھول
کھلے بھی، کوئی تو دیکھے گا کون دیکھے گا

مجید امجد

نظم

جب وہ خالی بوتل پھینک کے کہتا ہے
''دنیا! تیرا حسن، یہی بد صورتی ہے''
دنیا اس کو گھورتی ہے
شور سلاسل بن کر گونجنے لگتا ہے
انگاروں بھری آنکھوں میں یہ تند سوال
کون ہے یہ جس نے اپنی بہکی بہکی سانسوں کا جال
بام زماں پر پھینکا ہے
کون ہے جو بل کھاتے ضمیروں کے پر پیچ دھندلکوں میں
روحوں کے عفریت کدوں کے زہر اندوز محلکوں میں
لے آیا ہے یوں بن پوچھے اپنے آپ
عینک کے برفیلے شیشوں سے چھنتی نظروں کی چاپ
کون ہے یہ گستاخ
تاخ تڑاخ!

مجید امجد

نظم

مجھے شام آئی ہے شہر میں
جہاں آسماں کی وسعتوں سے
سوال کاسہ بدست لوٹے تھے
یاد ہے
شب حیلہ جو تجھے یاد ہے
وہ صلیب
جس پہ مچان نجم سحر کی تھی
وہ خطیب
جس کا خطاب ابرو ہوا سے تھا
وہ صدائے ضبط عجیب تھی
کہیں کوڑھیوں کی شفا بنی
کہیں ابر و باد سے
چوب خشک تڑخ رہی تھی سویر سے
بڑی دیر سے یہاں مرقدوں کے گلاب
پاؤں کی دھول ہیں
میں سفر میں ہوں
مجھے شام آئی ہے شہر میں
مرے ہاتھ میں بھی کمان ہے
مجھے تیر دے

جاوید انور

نظم

درخت دن رات کانپتے ہیں
پرند کتنے ڈرے ہوئے ہیں
فلک پہ تارے زمیں پہ جگنو
گھروں کے اندر چھپے خزانے
کٹے پھٹے سب بدن پرانے
قدیم چکنی طویل ڈوری میں بندھ گئے ہیں
کثیف ڈر کی غلیظ مٹھی میں آ گئے ہیں
کہاں گئے وہ دلوں کے بندھن
گلاب ہونٹوں کی نرم قوسیں
زمیں جو راکھی سی بن کے
سورج کے ہاتھ پر مسکرا رہی تھی
کہاں گئی وہ ہوا جو پینگیں بڑھا رہی تھی
وہ سبز خوشبو جو بند نافع
گلی گلی پھر کے بانٹتی تھی
وہ ہاتھ تھامے
نحیف جسموں کی ایک لمبی قطار جس میں
کہیں بھی کوئی تڑخ نہیں تھی
یہ کون ہیں ہم
جو سہمے پیڑوں
ڈرے پرندوں لرزتے تاروں
سے بندھ گئے ہیں
خود اپنے سایوں سے ڈر گئے ہیں

وزیر آغا

نظم

تو مجھے گود میں لے کے یاروں عزیزوں میں بازار و دفتر کو جاتا
مجھے یاد ہے یہ
شہر کی نیم تاریک گلیوں میں اکثر میں سنتا تھا اک ڈر کی چاپ اپنے پیچھے سے آتی
میرے بچپن کی شفاف معصوم آنکھوں میں نامہرباں جانے پہچانے چہروں کا ڈر تھا
میرے دل کا یہ شیشہ اک انہونے ڈر سے تڑخ سا گیا تھا کہ جس کی صدا تک نہیں تھی
یہ وہ ڈر تھا کہ جس کی کوئی ایک تشریح ممکن نہیں تھی
مگر میرے کچے سے دل میں
ایک آسیبی پیپل کی جڑ تھی مجھ کو تو اک دن انہی میں اکیلا چھوڑ دے گا
جس کی شاخیں ہراساں نگاہوں سے نکلی وہ شاخیں مجھے بید مجنوں سا لرزائے رکھتیں
تیرا سینہ وہ دیوار کعبہ تھا جس سے چمٹ کر میں دنیا کے ہر غم سے بیگانہ ہوتا
تیرے مشفق دو لب گویا باب حرم تھے
وہ بوسہ نہیں تھا حلاوت کا در اک کھلا تھا
جس سے شیریں لطافت میں گوندھی تمازت مرے دن کو تاباں مری رات کو گرم رکھتی
ڈر اندھیرے کا ڈر شہر کی تنگ و تاریک گلیوں کا ڈر میرے بچپن کا حصہ رہا ہے
ڈر وہ اسکول کے راستے میں کھڑے ایک مجہول انساں کا ڈر جس کو خود ہم سے ڈر تھا
ڈر وہ متروک بالیں پہ ڈیرا کیے کچھ چڑیلوں کا ڈر جو ہمیشہ کا قصہ رہا ہے
خیر یہ ڈر تو بچپن کا حصہ ہوئے بے مروت شناسا سے چہروں کا ڈر ہے ابھی بھی
میرے اندر کا سہما سا بچہ وہ دیوار کعبہ ابھی ڈھونڈھتا ہے کہ جس میں اماں تھی
آج دفتر سلامت ہے بازار و کوچہ کی رونق وہی ہے
وہ دیوار کعبہ مگر اب نہیں ہے
میں نومبر کے اس سرد دن میں ٹھٹھرتا ہوں اب بھی کہ جب تو اکیلا مجھے کر گیا تھا

بلال احمد

نظم

اسفنج نما جسم پھولے ہوئے ہوں گے
مردہ مچھلی گھاس اگل دے گی
غیر متوازی اور تعفن زدہ خلیوں کو
نامیاتی ذرے چبا جائیں گے
جن سے دھاتی تھکن کشید کی جائے گی
کیا ہم نہیں جانتے
ہڈیوں اور ناخنوں کے ٹکڑوں سے
خدائے زرد رو اپنی آخری جنگ کے واسطے
کارتوس اور گن پاؤڈر بنا رہا ہے
ہم یقیناً بے خبر ہیں
خدا کے نتھنوں سے بہتی وحشت کا ارتکاز
اور مریخی باشندے کی چیخ ہم پر ٹوٹ پڑے گی
جینیاتی عدم تغیر کے باوجود پیدائشی معذور بچے کے لئے
بوکھلاہٹ اور بد ہیئتی کا محلول پیتی ہوئی بوڑھیاں
نحوست کے اولیں دنوں میں
بلیک وڈو کی رال سے نیلی رگیں کات رہی ہوں گی
بانجھ عورت کا ترانہ ہمارا قومی گیت ہوگا
بعد از مرگ ہونے والی سختی کا وائرس
لمس آلود اعضا کے شگافوں میں کود پڑے گا
ناکارہ جہاز کے پروپیلر کے مانند
یا پھر
ادھیڑ عمر کسان کی بد دعا میں کھنکتے
مذموم اور نعش خوردہ کھیت کے جیسے
جسم جن میں شہوت کی مقدار صفر ہے اکڑ جائیں گے
اور پھر تڑاخ سے ٹوٹ جائیں گے
ہم وہ مردار لوگ ہیں جو سمجھتے تھے
ہمیں سنستھیسیا سے نجات مل گئی تھی

حسن علوی

نظم

(1)
موسم سرما کی ٹھٹھراتی ہوئی شام حزیں
چوٹیوں پر برف کی اک لاش
سارے پیڑ ننگے ٹنڈ منڈ
صحن میں وہ چرمراتے بھورے پتوں کا کفن
ایک سناٹا
وہ اک ٹہنی تڑخ کر گر پڑی
اک سانس ٹوٹا
(۲)
میں نے کل ہی اپنے بوڑھے باپ کے ٹھنڈے بدن کو
غسل دے کے اپنے ہاتھوں
کالی دھرتی کے دہانے میں اتارا
کہ یہی ہے رسم
میں زندہ بھی پامال رسوم
زندگی میں وہ چٹکتی روشنی کا ایک مینار بلند
اس کی کرنوں نے ہزاروں قمقمے روشن کیے
اور یہ رسم زمانہ
عمر بھر جو دوسروں کو روشنی دیتا رہا
اک اندھیری قبر اس کے واسطے
(۳)
آنے والے موسموں میں سینکڑوں ہی ٹہنیاں پھوٹیں گی
لیکن جس جگہ اس پیڑ سے یہ شاخ ٹوٹی
وہ نشاں اک دائرہ بن کر رہے گا
میں نے جن ہاتھوں سے اپنے باپ کے ٹھنڈے بدن کو
کالی دھرتی کے دہانے میں اتارا
اس کی پوروں سے وہ بوڑھی دھڑکنیں قرطاس پر بہتی رہیں گی

اعجاز فاروقی

نظم

پرانی بات ہے
لیکن یہ انہونی سی لگتی ہے
سواد شرق کا اک شہر
تاریکی میں ڈوبا تھا
اچانک شور سا اٹھا
زمیں جیسے تڑخ جائے
ندی میں باڑھ آ جائے
کوئی کوہ گراں جیسے جگہ سے اپنی ہٹ جائے
بڑا کہرام تھا
خلقت
متاع و مال سے محروم ننگے سر
گھروں سے چیخ کر نکلی
مگر آل صفا و صدق کے خیمے نہیں اکھڑے
وہ اپنی خواب گاہوں سے نہیں نکلے
روایت ہے
صفا و صدق کے بیٹے
ہمیشہ رات آتے ہی
حصار حمد
اپنے چار جانب کھینچ لیتے تھے
مقدس آیتوں کو اپنے پہ دم کر کے سوتے تھے
روایت ہے
بلائیں ان کے دروازوں سے
واپس لوٹ جاتی تھیں
سواد شرق کا وہ شہر
اس شب ڈھیر تھا لیکن
صفا و صدق کی اولاد کے خیمے نہیں اکھڑے

زبیر رضوی

نظم

چلو اک بار پھر سے اجنبی بن جائیں ہم دونوں
نہ میں تم سے کوئی امید رکھوں دل نوازی کی
نہ تم میری طرف دیکھو غلط انداز نظروں سے
نہ میرے دل کی دھڑکن لڑکھڑائے میری باتوں سے
نہ ظاہر ہو تمہاری کشمکش کا راز نظروں سے

ساحر لدھیانوی

نظم

ہر طرف بکھری ہوئی رنگینیاں رعنائیاں
ہر قدم پر عشرتیں لیتی ہوئی انگڑائیاں
بڑھ رہی ہیں گود پھیلائے ہوئے رسوائیاں
اے غم دل کیا کروں اے وحشت دل کیا کروں

اسرار الحق مجاز

نظم

اٹھ مری جان مرے ساتھ ہی چلنا ہے تجھے
قلب ماحول میں لرزاں شرر جنگ ہیں آج
حوصلے وقت کے اور زیست کے یک رنگ ہیں آج
آبگینوں میں تپاں ولولۂ سنگ ہیں آج
حسن اور عشق ہم آواز و ہم آہنگ ہیں آج
جس میں جلتا ہوں اسی آگ میں جلنا ہے تجھے
اٹھ مری جان مرے ساتھ ہی چلنا ہے تجھے
تیرے قدموں میں ہے فردوس تمدن کی بہار
تیری نظروں پہ ہے تہذیب و ترقی کا مدار
تیری آغوش ہے گہوارۂ نفس و کردار
تا بہ کے گرد ترے وہم و تعین کا حصار
کوند کر مجلس خلوت سے نکلنا ہے تجھے
اٹھ مری جان مرے ساتھ ہی چلنا ہے تجھے
تو کہ بے جان کھلونوں سے بہل جاتی ہے
تپتی سانسوں کی حرارت سے پگھل جاتی ہے
پاؤں جس راہ میں رکھتی ہے پھسل جاتی ہے
بن کے سیماب ہر اک ظرف میں ڈھل جاتی ہے
زیست کے آہنی سانچے میں بھی ڈھلنا ہے تجھے
اٹھ مری جان مرے ساتھ ہی چلنا ہے تجھے
زندگی جہد میں ہے صبر کے قابو میں نہیں
نبض ہستی کا لہو کانپتے آنسو میں نہیں
اڑنے کھلنے میں ہے نکہت خم گیسو میں نہیں
جنت اک اور ہے جو مرد کے پہلو میں نہیں
اس کی آزاد روش پر بھی مچلنا ہے تجھے
اٹھ مری جان مرے ساتھ ہی چلنا ہے تجھے
گوشہ گوشہ میں سلگتی ہے چتا تیرے لیے
فرض کا بھیس بدلتی ہے قضا تیرے لیے
قہر ہے تیری ہر اک نرم ادا تیرے لیے
زہر ہی زہر ہے دنیا کی ہوا تیرے لیے
رت بدل ڈال اگر پھولنا پھلنا ہے تجھے
اٹھ مری جان مرے ساتھ ہی چلنا ہے تجھے
قدر اب تک تری تاریخ نے جانی ہی نہیں
تجھ میں شعلے بھی ہیں بس اشک فشانی ہی نہیں
تو حقیقت بھی ہے دلچسپ کہانی ہی نہیں
تیری ہستی بھی ہے اک چیز جوانی ہی نہیں
اپنی تاریخ کا عنوان بدلنا ہے تجھے
اٹھ مری جان مرے ساتھ ہی چلنا ہے تجھے
توڑ کر رسم کا بت بند قدامت سے نکل
ضعف عشرت سے نکل وہم نزاکت سے نکل
نفس کے کھینچے ہوئے حلقۂ عظمت سے نکل
قید بن جائے محبت تو محبت سے نکل
راہ کا خار ہی کیا گل بھی کچلنا ہے تجھے
اٹھ مری جان مرے ساتھ ہی چلنا ہے تجھے
توڑ یہ عزم شکن دغدغۂ پند بھی توڑ
تیری خاطر ہے جو زنجیر وہ سوگند بھی توڑ
طوق یہ بھی ہے زمرد کا گلوبند بھی توڑ
توڑ پیمانۂ مردان خرد مند بھی توڑ
بن کے طوفان چھلکنا ہے ابلنا ہے تجھے
اٹھ مری جان مرے ساتھ ہی چلنا ہے تجھے
تو فلاطون و ارسطو ہے تو زہرا پرویں
تیرے قبضہ میں ہے گردوں تری ٹھوکر میں زمیں
ہاں اٹھا جلد اٹھا پائے مقدر سے جبیں
میں بھی رکنے کا نہیں وقت بھی رکنے کا نہیں
لڑکھڑائے گی کہاں تک کہ سنبھلنا ہے تجھے
اٹھ مری جان مرے ساتھ ہی چلنا ہے تجھے

کیفی اعظمی

نظم

ہدف ہوں گے تمہارا کون تم کس کے ہدف ہوگے
نہ جانے وقت کی پیکار میں تم کس طرف ہوگے
ہے رن یہ زندگی اک رن جو برپا لمحہ لمحہ ہے
ہمیں اس رن میں کچھ بھی ہو کسی جانب تو ہونا ہے
سو ہم بھی اس نفس تک ہیں سپاہی ایک لشکر کے
ہزاروں سال سے جیتے چلے آئے ہیں مر مر کے
شہود اک فن ہے اور میری عداوت بے فنوں سے ہے
مری پیکار ازل سے
یہ خسروؔ میرؔ غالبؔ کا خرابہ بیچتا کیا ہے
ہمارا غالبؔ اعظم تھا چور آقائے بیدلؔ کا
سو رزق فخر اب ہم کھا رہے ہیں میرؔ بسمل کا
سدھارت بھی تھا شرمندہ کہ دو آبے کا باسی تھا
تمہیں معلوم ہے اردو جو ہے پالی سے نکلی ہے
وہ گویا اس کی ہی اک پر نمو ڈالی سے نکلی ہے

جون ایلیا

نظم

یہ شرط نامہ جو دیکھا تو ایلچی سے کہا
اسے خبر نہیں تاریخ کیا سکھاتی ہے
کہ رات جب کسی خورشید کو شہید کرے
تو صبح اک نیا سورج تراش لاتی ہے

احمد فراز

نظم

اگر میں سمجھوں
کے یہ جو مہرے ہیں
صرف لکڑی کے ہیں کھلونے
تو جیتنا کیا ہے ہارنا کیا
نہ یہ ضروری
نہ وہ اہم ہے
اگر خوشی ہے نہ جیتنے کی
نہ ہارنے کا ہی کوئی غم ہے
تو کھیل کیا ہے
میں سوچتا ہوں
جو کھیلنا ہے
تو اپنے دل میں یقین کر لوں
یہ مہرے سچ مچ کے بادشاہ و وزیر
سچ مچ کے ہیں پیادے
اور ان کے آگے ہے
دشمنوں کی وہ فوج
رکھتی ہے جو کہ مجھ کو تباہ کرنے کے
سارے منصوبے
سب ارادے
مگر ایسا جو مان بھی لوں
تو سوچتا ہوں
یہ کھیل کب ہے
یہ جنگ ہے جس کو جیتنا ہے
یہ جنگ ہے جس میں سب ہے جائز
کوئی یہ کہتا ہے جیسے مجھ سے
یہ جنگ بھی ہے
یہ کھیل بھی ہے
یہ جنگ ہے پر کھلاڑیوں کی
یہ کھیل ہے جنگ کی طرح کا
میں سوچتا ہوں
جو کھیل ہے
اس میں اس طرح کا اصول کیوں ہے
کہ کوئی مہرہ رہے کہ جائے
مگر جو ہے بادشاہ
اس پر کبھی کوئی آنچ بھی نہ آئے
وزیر ہی کو ہے بس اجازت
کہ جس طرف بھی وہ چاہے جائے

جاوید اختر

نظم

جو زندگی کے نئے سفر میں
تجھے کسی وقت یاد آئیں
تو ایک اک حرف جی اٹھے گا
پہن کے انفاس کی قبائیں
اداس تنہائیوں کے لمحوں
میں ناچ اٹھیں گی یہ اپسرائیں
مجھے ترے درد کے علاوہ بھی
اور دکھ تھے یہ مانتا ہوں
ہزار غم تھے جو زندگی کی
تلاش میں تھے یہ جانتا ہوں
مجھے خبر تھی کہ تیرے آنچل میں
درد کی ریت چھانتا ہوں
مگر ہر اک بار تجھ کو چھو کر
یہ ریت رنگ حنا بنی ہے
یہ زخم گلزار بن گئے ہیں
یہ آہ سوزاں گھٹا بنی ہے
یہ درد موج صبا ہوا ہے
یہ آگ دل کی صدا بنی ہے
اور اب یہ ساری متاع ہستی
یہ پھول یہ زخم سب ترے ہیں
یہ دکھ کے نوحے یہ سکھ کے نغمے
جو کل مرے تھے وہ اب ترے ہیں
جو تیری قربت تری جدائی
میں کٹ گئے روز و شب ترے ہیں
وہ تیرا شاعر ترا مغنی
وہ جس کی باتیں عجیب سی تھیں
وہ جس کے انداز خسروانہ تھے
اور ادائیں غریب سی تھیں
وہ جس کے جینے کی خواہشیں بھی
خود اس کے اپنے نصیب سی تھیں
نہ پوچھ اس کا کہ وہ دوانہ
بہت دنوں کا اجڑ چکا ہے
وہ کوہ کن تو نہیں تھا لیکن
کڑی چٹانوں سے لڑ چکا ہے
وہ تھک چکا تھا اور اس کا تیشہ
اسی کے سینے میں گڑ چکا ہے

احمد فراز

نظم

بات نکلے گی تو پھر دور تلک جائے گی
لوگ بے وجہ اداسی کا سبب پوچھیں گے
یہ بھی پوچھیں گے کہ تم اتنی پریشاں کیوں ہو
جگمگاتے ہوئے لمحوں سے گریزاں کیوں ہو
انگلیاں اٹھیں گی سوکھے ہوئے بالوں کی طرف
اک نظر دیکھیں گے گزرے ہوئے سالوں کی طرف
چوڑیوں پر بھی کئی طنز کیے جائیں گے
کانپتے ہاتھوں پہ بھی فقرے کسے جائیں گے
پھر کہیں گے کہ ہنسی میں بھی خفا ہوتی ہیں
اب تو روحیؔ کی نمازیں بھی قضا ہوتی ہیں
لوگ ظالم ہیں ہر اک بات کا طعنہ دیں گے
باتوں باتوں میں مرا ذکر بھی لے آئیں گے
ان کی باتوں کا ذرا سا بھی اثر مت لینا
ورنہ چہرے کے تأثر سے سمجھ جائیں گے
چاہے کچھ بھی ہو سوالات نہ کرنا ان سے
میرے بارے میں کوئی بات نہ کرنا ان سے
بات نکلے گی تو پھر دور تلک جائے گی

کفیل آزر امروہوی

نظم

یہ کس طرح یاد آ رہی ہو یہ خواب کیسا دکھا رہی ہو
کہ جیسے سچ مچ نگاہ کے سامنے کھڑی مسکرا رہی ہو
یہ جسم نازک، یہ نرم باہیں، حسین گردن، سڈول بازو
شگفتہ چہرہ، سلونی رنگت، گھنیرا جوڑا، سیاہ گیسو
نشیلی آنکھیں، رسیلی چتون، دراز پلکیں، مہین ابرو
تمام شوخی، تمام بجلی، تمام مستی، تمام جادو
ہزاروں جادو جگا رہی ہو
یہ خواب کیسا دکھا رہی ہو

کیفی اعظمی

نظم

دھند چھائی ہوئی ہے جھیلوں پر
اڑ رہے ہیں پرند ٹیلوں پر
سب کا رخ ہے نشیمنوں کی طرف
بستیوں کی طرف بنوں کی طرف

جون ایلیا

نظم

خودی کا سر نہاں لا الہ الا اللہ
خودی ہے تیغ فساں لا الہ الا اللہ
یہ دور اپنے براہیم کی تلاش میں ہے
صنم کدہ ہے جہاں لا الہ الا اللہ
کیا ہے تو نے متاع غرور کا سودا
فریب سود و زیاں لا الہ الا اللہ
یہ مال و دولت دنیا یہ رشتہ و پیوند
بتان وھم و گماں لا الہ الا اللہ
خرد ہوئی ہے زمان و مکاں کی زناری
نہ ہے زماں نہ مکاں لا الہ الا اللہ
یہ نغمہ فصل گل و لالہ کا نہیں پابند
بہار ہو کہ خزاں لا الہ الا اللہ
اگرچہ بت ہیں جماعت کی آستینوں میں
مجھے ہے حکم اذاں لا الہ الا اللہ

علامہ اقبال

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے