Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "topic"

نظم کے متعلقہ نتیجہ "topic"

نظم

جواب آیا شيرنی
میری شریک حیات میرے بچوں کی ماں
میری جاں
تم ملنے آؤ تو ٹھیک ورنہ اس ٹاپک کو ختم کرتے ہیں

زہرا علوی
نظم

بہت پہلے میں اپنی ماں کی باتیں سن کے
ان پہ خوب ہنستی تھی
کہ امی آپ سارا دن کبھی ٹانگوں کبھی بازو
کبھی سر یا کمر کے درد کے قصے سناتی ہیں
الرجی کے کئی حملے دوائیوں کے کئی شکوے
ہمیشہ ہی بتاتی ہیں
ہمیشہ شہر کے سارے کلینک ڈاکٹر نرسیں
کہاں پہ ہیں یا کیسے ہیں
سبھی کچھ جانتی ہیں
ان کی باتیں بھی سناتی ہیں
کبھی تو اور کوئی بات بھی مجھ سے کیا کیجے
تو امی ہنس کے کہتی تھیں
ثمینہؔ عمر کے اس دور میں اور کوئی بات باقی ہی نہیں رہتی
اور اب میں خود پہ ہنستی ہوں
مرے ٹاپک بدلتے جا رہے ہیں
میرے اندر عمر کی دیمک
کئی برسوں سے مجھ کو کھا رہی ہے
اور میں چاہوں بھی تو کچھ کر نہیں سکتی
مجھے جب لوگ کہتے ہیں
ثمینہؔ آپ تو اس عمر میں بھی
تو میں اب خود پہ ہنستی ہوں
میں ہنستی ہوں
میں ہنستی ہوں

ثمینہ تبسم
نظم

یہ بچہ کس کا بچہ ہے
یہ بچہ کیسا بچہ ہے
جو ریت پہ تنہا بیٹھا ہے
نا اس کے پیٹ میں روٹی ہے
نا اس کے تن پر کپڑا ہے
نا اس کے سر پر ٹوپی ہے
نا اس کے پیر میں جوتا ہے
نا اس کے پاس کھلونوں میں
کوئی بھالو ہے، کوئی گھوڑا ہے
نا اس کا جی بہلانے کو
کوئی لوری ہے، کوئی جھولا ہے
نا اس کی جیب میں دھیلا ہے
نا اس کے ہاتھ میں پیسا ہے
نا اس کے امی ابو ہیں
نا اس کی آپا خالا ہے

ابن انشا
نظم

آج محبت کا جنم دن ہے
آج ہم اداسی کی چھری سے
اپنے دل کو کاٹیں گے
آج ہم اپنی پلکوں پر
جلتی ہوئی موم بتی رکھ کے
ایک تار پر سے گزریں گے
ہمیں کوئی نہیں دیکھے گا
مگر ہم ہر بند کھڑکی کی طرف
دیکھیں گے
ہر دروازے کے سامنے پھول رکھیں گے
کسی نہ کسی بات پر
ہم روئیں گے اور اپنے رونے پر
ہم ہنسیں گے
آج محبت کا جنم دن ہے
آج ہم ہر درخت کے سامنے سے
گزرتے ہوئے
ٹوپی اتار کر اسے سلام کریں گے
ہر بادل کو دیکھ کے
ہاتھ ہلائیں گے
ہر ستارے کا شکریہ ادا کریں گے
ہمارے آنسوؤں نے
ہمارے ہتھیلیوں کو چھلنی کر دیا ہے
آج ہم اپنے دونوں ہاتھ
جیبوں میں ڈال کر چلیں گے
اور اگلے برس تک چلتے رہیں گے

ذیشان ساحل
نظم

جب آدمی کے حال پہ آتی ہے مفلسی
کس کس طرح سے اس کو ستاتی ہے مفلسی
پیاسا تمام روز بٹھاتی ہے مفلسی
بھوکا تمام رات سلاتی ہے مفلسی
یہ دکھ وہ جانے جس پہ کہ آتی ہے مفلسی
کہیے تو اب حکیم کی سب سے بڑی ہے شاں
تعظیم جس کی کرتے ہیں تو اب اور خاں
مفلس ہوئے تو حضرت لقماں کیا ہے یاں
عیسیٰ بھی ہو تو کوئی نہیں پوچھتا میاں
حکمت حکیم کی بھی ڈوباتی ہے مفلسی
جو اہل فضل عالم و فاضل کہاتے ہیں
مفلس ہوئے تو کلمہ تلک بھول جاتے ہیں
وہ جو غریب غربا کے لڑکے پڑھاتے ہیں
ان کی تو عمر بھر نہیں جاتی ہے مفلسی
مفلس کرے جو آن کے محفل کے بیچ حال
سب جانیں روٹیوں کا یہ ڈالا ہے اس نے جال
گر گر پڑے تو کوئی نہ لیے اسے سنبھال
مفلس میں ہوویں لاکھ اگر علم اور کمال
سب خاک بیچ آ کے ملاتی ہے مفلسی
جب روٹیوں کے بٹنے کا آ کر پڑے شمار
مفلس کو دیویں ایک تونگر کو چار چار
گر اور مانگے وہ تو اسے جھڑکیں بار بار
مفلس کا حال آہ بیاں کیا کروں میں یار
مفلس کو اس جگہ بھی چباتی ہے مفلسی
مفلس کی کچھ نظر نہیں رہتی ہے آن پر
دیتا ہے اپنی جان وہ ایک ایک نان پر
ہر آن ٹوٹ پڑتا ہے روٹی کے خوان پر
جس طرح کتے لڑتے ہیں اک استخوان پر
ویسا ہی مفلسوں کو لڑاتی ہے مفلسی
کرتا نہیں حیا سے جو کوئی وہ کام آہ
مفلس کرے ہے اس کے تئیں انصرام آہ
سمجھے نہ کچھ حلال نہ جانے حرام آہ
کہتے ہیں جس کو شرم و حیا ننگ و نام آہ
وہ سب حیا و شرم اڑاتی ہے مفلسی
یہ مفلسی وہ شے ہے کہ جس گھر میں بھر گئی
پھر جتنے گھر تھے سب میں اسی گھر کے در گئی
زن بچے روتے ہیں گویا نانی گزر گئی
ہم سایہ پوچھتے ہیں کہ کیا دادی مر گئی
بن مردے گھر میں شور مچاتی ہے مفلسی
لازم ہے گر غمی میں کوئی شور غل مچائے
مفلس بغیر غم کے ہی کرتا ہے ہائے ہائے
مر جاوے گر کوئی تو کہاں سے اسے اٹھائے
اس مفلسی کی خواریاں کیا کیا کہوں میں ہائے
مردے کو بے کفن کے گڑاتی ہے مفلسی
کیا کیا مفلسی کی کہوں خواری پھکڑیاں
جھاڑو بغیر گھر میں بکھرتی ہیں جھکڑیاں
کونے میں جالے لپٹے ہیں چھپر میں مکڑیاں
پیسا نہ ہووے جن کے جلانے کو لکڑیاں
دریا میں ان کے مردے بہاتی ہے مفلسی
بی بی کی نتھ نہ لڑکوں کے ہاتھوں کڑے رہے
کپڑے میاں کے بنیے کے گھر میں پڑے رہے
جب کڑیاں بک گئیں تو کھنڈر میں پڑے رہے
زنجیر نے کواڑ نہ پتھر گڑے رہے
آخر کو اینٹ اینٹ کھداتی ہے مفلسی
نقاش پر بھی زور جب آ مفلسی کرے
سب رنگ دم میں کر دے مصور کے کرکرے
صورت بھی اس کی دیکھ کے منہ کھنچ رہے پرے
تصویر اور نقش میں کیا رنگ وہ بھرے
اس کے تو منہ کا رنگ اڑاتی ہے مفلسی
جب خوب رو پہ آن کے پڑتا ہے دن سیاہ
پھرتا ہے بوسے دیتا ہے ہر اک کو خواہ مخواہ
ہرگز کسی کے دل کو نہیں ہوتی اس کی چاہ
گر حسن ہو ہزار روپے کا تو اس کو آہ
کیا کوڑیوں کے مول بکاتی ہے مفلسی
اس خوب رو کو کون دے اب دام اور درم
جو کوڑی کوڑی بوسہ کو راضی ہو دم بہ دم
ٹوپی پرانی دو تو وہ جانے کلاہ جسم
کیوں کر نہ جی کو اس چمن حسن کے ہو غم
جس کی بہار مفت لٹاتی ہے مفلسی
عاشق کے حال پر بھی جب آ مفلسی پڑے
معشوق اپنے پاس نہ دے اس کو بیٹھنے
آوے جو رات کو تو نکالے وہیں اسے
اس ڈر سے یعنی رات و دھنا کہیں نہ دے
تہمت یہ عاشقوں کو لگاتی ہے مفلسی
کیسے ہی دھوم دھام کی رنڈی ہو خوش جمال
جب مفلسی ہو کان پڑے سر پہ اس کے جال
دیتے ہیں اس کے ناچ کو ٹھٹھے کے بیچ ڈال
ناچے ہے وہ تو فرش کے اوپر قدم سنبھال
اور اس کو انگلیوں پہ نچاتی ہے مفلسی
اس کا تو دل ٹھکانے نہیں بھاؤ کیا بتائے
جب ہو پھٹا دوپٹہ تو کاہے سے منہ چھپائے
لے شام سے وہ صبح تلک گو کہ ناچے گائے
اوروں کو آٹھ سات تو وہ دو ٹکے ہی پائے
اس لاج سے اسے بھی لجاتی ہے مفلسی
جس کسبی رنڈی کا ہو ہلاکت سے دل حزیں
رکھتا ہے اس کو جب کوئی آ کر تماش بیں
اک پون پیسے تک بھی وہ کرتی نہیں نہیں
یہ دکھ اسی سے پوچھئے اب آہ جس کے تئیں
صحبت میں ساری رات جگاتی ہے مفلسی
وہ تو یہ سمجھے دل میں کہ ڈھیلا جو پاؤں گی
دمڑی کے پان دمڑی کے مسی منگاؤں گی
باقی رہی چھدام سو پانی بھراؤں گی
پھر دل میں سوچتی ہے کہ کیا خاک کھاؤں گی
آخر چبینا اس کا بھناتی ہے مفلسی
جب مفلسی سے ہووے کلاونت کا دل اداس
پھرتا ہے لے طنبورے کو ہر گھر کے آس پاس
اک پاؤ سیر آنے کی دل میں لگا کے آس
گوری کا وقت ہووے تو گاتا ہے وہ ببھاس
یاں تک حواس اس کے اڑاتی ہے مفلسی
مفلس بیاہ بیٹی کا کرتا ہے بول بول
پیسا کہاں جو جا کے وہ لاوے جہیز مول
جورو کا وہ گلا کہ پھوٹا ہو جیسے ڈھول
گھر کی حلال خوری تلک کرتی ہے ٹھٹھول
ہیبت تمام اس کی اٹھاتی ہے مفلسی
بیٹے کا بیاہ ہو تو نہ بیاہی نہ ساتھی ہے
نے روشنی نہ باجے کی آواز آتی ہے
ماں پیچھے ایک میلی چدر اوڑھے جاتی ہے
بیٹا بنا ہے دولہا تو باوا براتی ہے
مفلس کی یہ برات چڑھاتی ہے مفلسی
گر بیاہ کر چلا ہے سحر کو تو یہ بلا
شہدار نانا ہیجڑا اور بھاٹ منڈ چڑھا
کھینچے ہوئے اسے چلے جاتے ہیں جا بہ جا
وہ آگے آگے لڑتا ہوا جاتا ہے چلا
اور پیچھے تھپڑیوں کو بجاتی ہے مفلسی
دروازے پر زنانے بجاتے ہیں تالیاں
اور گھر میں بیٹھی ڈومنی دیتی ہیں گالیاں
مالن گلے کی ہار ہو دوڑی لے ڈالیاں
سقا کھڑا سناتا ہے باتیں رزالیاں
یہ خواری یہ خرابی دکھاتی ہے مفلسی
کوئی شوم بے حیا کوئی بولا نکھٹو ہے
بیٹی نے جانا باپ تو میرا نکھٹو ہے
بیٹے پکارتے ہیں کہ بابا نکھٹو ہے
بی بی یہ دل میں کہتی ہے اچھا نکھٹو ہے
آخر نکھٹو نام دھراتی ہے مفلسی
مفلس کا درد دل میں کوئی ٹھانتا نہیں
مفلس کی بات کو بھی کوئی مانتا نہیں
ذات اور حسب نسب کو کوئی جانتا نہیں
صورت بھی اس کی پھر کوئی پہچانتا نہیں
یاں تک نظر سے اس کو گراتی ہے مفلسی
جس وقت مفلسی سے یہ آ کر ہوا تباہ
پھر کوئی اس کے حال پہ کرتا نہیں نگاہ
دالیدری کہے کوئی ٹھہرا دے رو سیاہ
جو باتیں عمر بھر نہ سنی ہوویں اس نے آہ
وہ باتیں اس کو آ کے سناتی ہیں مفلسی
چولہا توانا پانی کے مٹکے میں آبی ہے
پینے کو کچھ نہ کھانے کو اور نے رکابی ہے
مفلس کے ساتھ سب کے تئیں بے حجابی ہے
مفلس کی جورو سچ ہے کہ یاں سب کی بھابی ہے
عزت سب اس کے دل کی گنواتی ہے مفلسی
کیسا ہی آدمی ہو پر افلاس کے طفیل
کوئی گدھا کہے اسے ٹھہرا دے کوئی بیل
کپڑے پھٹے تمام بڑھے بال پھیل پھیل
منہ خشک دانت زرد بدن پر جما ہے میل
سب شکل قیدیوں کی بناتی ہے مفلسی
ہر آن دوستوں کی محبت گھٹاتی ہے
جو آشنا ہیں ان کی تو الفت گھٹاتی ہے
اپنے کی مہر غیر کی چاہت گھٹاتی ہے
شرم و حیا و عزت و حرمت گھٹاتی ہے
ہاں ناخن اور بال بڑھاتی ہے مفلسی
جب مفلسی ہوئی تو شرافت کہاں رہی
وہ قدر ذات کی وہ نجابت کہاں رہی
کپڑے پھٹے تو لوگوں میں عزت کہاں رہی
تعظیم اور تواضع کی بابت کہاں رہی
مجلس کی جوتیوں پہ بٹھاتی ہے مفلسی
مفلس کسی کا لڑکا جو لے پیار سے اٹھا
باپ اس کا دیکھے ہاتھ کا اور پاؤں کا کڑا
کہتا ہے کوئی جوتی نہ لیوے کہیں چرا
نٹ کھٹ اچکا چور دغاباز گٹھ کٹا
سو سو طرح کے عیب لگاتی ہے مفلسی
رکھتی نہیں کسی کی یہ غیرت کی آن کو
سب خاک میں ملاتی ہے حرمت کی شان کو
سو محنتوں میں اس کی کھپاتی ہے جان کو
چوری پہ آ کے ڈالے ہی مفلس کے دھیان کو
آخر ندان بھیک منگاتی ہے مفلسی
دنیا میں لے کے شاہ سے اے یار تا فقیر
خالق نہ مفلسی میں کسی کو کرے اسیر
اشراف کو بناتی ہے اک آن میں فقیر
کیا کیا میں مفلسی کی خرابی کہوں نظیرؔ
وہ جانے جس کے دل کو جلاتی ہے مفلسی

نظیر اکبرآبادی
نظم

ہلکی ٹوپی سر پہ رکھتے ہیں تو چکراتا ہے سر
اور جوتے کی طرف بڑھیے تو جھک جاتا ہے سر

جوش ملیح آبادی
نظم

باتوں میں دودھ کی خوشبو تھی
جو کچھ بھی سینت کے رکھا تھا
میں ساری چیزیں لے آئی
اک لعل بدخشاں کی چڑیا
سونے کا ہاتھ چھوٹا سا
چاندی کی اک ننھی تختی
ریشم کی پھول بھری ٹوپی
اطلس کا نام لکھا جزدان
جزدان میں لپٹا اک قرآں
پر وہ کیسا دیوانہ تھا
کچھ چھوڑ گیا کچھ توڑ گیا
اور لے بھی گیا ہے وہ تو کیا
لوہے کی بد صورت گاڑی
پٹرول کی بو بھی آئے گی
جس کے پہیے بھی ربر کے ہیں
جو بات نہیں کر پائے گی
بچہ پھر آخر بچہ ہے

زہرا نگاہ
نظم

دیس میں بسنے والا ہر اک سچ پسند
ظلم و وحشت سے دوری پر ہر کار بند
سانس لینے کا حق مانگنے والا ہر نوجواں
زندگی کی رمق کھوجنے والا ہر خانداں
سارے غدار ہیں
سارے جاسوس ہیں
حاکم و سپہ سالار و اشرافیہ
کے اشاروں پہ نہ ناچنے والے کفار ہیں
ناقدیں سازشی
سوچنے والے
گستاخ ہیں
اور وہ سارے قلم کار
ایجنٹ ہیں
جو نگوں سر نہیں
وہ جنہیں فطرت سبز نے
جاں فشانی سے لوگوں کے چہروں پہ اگتی تھکن
وحشتیں تیرگی
دور پر شور کی سچی تاریخ میں ٹانک دینے کی گستاخیوں
کا جریدہ کیا
آیت مفلسی سے کوئی سرکشی
گنبد تشنگی پر شکایت کوئی
مذہب تیرہ بختی کی توہین ہے
اپنی دھرتی کے گلے سے اپنے لیے کوئی حصہ طلب کرنا الحاد ہے
اور ویسے بھی گندم تو شیطانیت ہی کی ایجاد ہے
بھوک غدار ہے

عاطف توقیر
نظم

دوست ہیں اپنے بھائی بھلکڑ
باتیں ان کی ساری گڑبڑ
راہ چلیں تو رستہ بھولیں
بس میں جائیں تو بستہ بھولیں
پورب جائیں پچھم پہنچیں
منزل پر اپنی کم پہنچیں
ٹوپی ہے تو جوتا غائب
جوتا ہے تو موزہ غائب
پیالی میں ہے چمچہ الٹا
پھیر رہے ہیں کنگھا الٹا
کام ہے ان کا سارا الٹا
اور تو اور پجامہ الٹا
لوٹ پڑیں گے چلتے چلتے
چونک اٹھیں گے بیٹھے بیٹھے
سودا دے کر دام نہ دیں گے
دام دئے تو چیز نہ لیں گے
کوئی پکارے دام تو لاؤ
کوئی کہے بنڈل تو اٹھاؤ
تیرنے جائیں گھڑی بھول آئیں
باغ میں جائیں چھڑی بھول آئیں
وہ تو یہ کہئے کہ خدا نے
جوڑ دئے ہیں اعضا تن سے
باندھ رکھے ہیں سب کل پرزے
ورنہ ہر روز آپ یہ سنتے
گر گئی میری داہنی چھنگلی
ڈھونڈ رہا ہوں بیچ کی انگلی
کیا کہئے اوسان ہیں غائب
کل سے دونوں کان ہیں غائب
ایک تو صابن دان میں پایا
ایک نہ جانے کس نے اڑایا
ران ایک لپٹی شال سے نکلی
ناک بندھی رومال میں نکلی
تم نے تو نہیں دیکھی بھائی
کھونٹی پر تھی کھال ہماری
بھولے کہیں سر اور کہیں دھڑ
ہائے بچارے بھائی بھلکڑ

شان الحق حقی
نظم

سناؤں تمہیں بات اک رات کی
کہ وہ رات اندھیری تھی برسات کی
چمکنے سے جگنو کے تھا اک سماں
ہوا پر اڑیں جیسے چنگاریاں
پڑی ایک بچہ کی ان پہ نظر
پکڑ ہی لیا ایک کو دوڑ کر
چمکدار کیڑا جو بھایا اسے
تو ٹوپی میں جھٹ پٹ چھپایا اسے
وہ جھم جھم چمکتا ادھر سے ادھر
پھرا کوئی رستہ نہ پایا مگر
تو غمگین قیدی نے کی التجا
جگنو
اے چھوٹے شکاری مجھے کر رہا
خدا کے لئے تو مجھے چھوڑ دے
میری قید کے جال کو توڑ دے
بچہ
کروں گا نہ آزاد اس وقت تک
کہ میں دیکھ لوں دن میں تیری چمک
جگنو
چمک میری دن میں نہ دیکھو گے تم
اجالے میں ہو جائے گی وہ تو گم
بچہ
ارے چھوٹے کیڑے نہ دے دم مجھے
کہ ہے واقفیت ابھی کم تجھے
اجالے میں دن کے کھلے گا کمال
کہ اتنے سے کیڑے میں کیا ہے کمال
دھواں ہے نہ شعلہ نہ گرمی نہ آنچ
چمکنے کی تیرے کروں گا میں جانچ
جگنو
یہ قدرت کی کاریگری ہے جناب
کہ ذرہ کو چمکائے جوں آفتاب
مجھے دی ہے اس واسطے یہ چمک
کہ تم دیکھ کر مجھ کو جاؤ ٹھٹک
نہ الھڑ پنے سے کرو پائمال
سنبھل کر چلو آدمی کی سی چال

اسماعیل میرٹھی
نظم

پڑھا کر اٹھے جیسے قاضی نکاح
کسی نے چھوہاروں کی دے دی صلاح
چھوہاروں کی تھالی لٹائی گئی
شکر بھی مزے لے کے کھائی گئی
کسی نے چھوہاروں سے ٹوپی بھری
شکر بھی کہیں خوب پھانکی گئی
مگر ایک صاحب کمند ہوا
کہیں کس سے اپنا عجب ماجرا
یہ ہر چند بچپن کے ہشیار تھے
چھوہاروں کی لٹس پہ تیار تھے
مگر بھیڑ میں ایسے کچھ یہ دبے
کہ ہر پاؤں کے نیچے کچلے گئے
پٹا پٹ چھوہارے برستے رہے
مگر یہ بچارے ترستے رہے
کوئی ناک پر کوئی سر پر لگا
مگر ان کے منہ تک نہ کوئی گیا
شکر آنکھ اور کان میں گھس گئی
بچارے کی پوری ہی درگت بنی
نتیجہ یہ سب جلد بازی کا تھا
کہ ان کا مزہ کرکرا ہو گیا

اخگر مشتاق رحیم آبادی
نظم

مجھ کو ''ٹوپی'' بھی ضروری ہے یہاں ''ٹائی'' بھی
جمعہ بھی پڑھنا ہے ڈیٹنگ پہ بھی جانا ہے مجھے

خالد عرفان
نظم

بے میل سوٹ ہو تو بن جائے منہ زمن کا
سستی اگر ہو ٹوپی فیضان بھنبھنائے
بچو تمہاری عیدی کیسے بڑھائی جائے

مظفر حنفی
نظم

ادھر ہے پتھر ادھر ہے لاٹھی ذرا یہ ٹوپی سنبھال رکھنا
میں اپنے سر کا خیال رکھوں تم اپنے سر کا خیال رکھنا

خالد عرفان
نظم

سڑک مسافت کی عجلتوں میں
گھرے ہوئے سب مسافروں کو
بہ‌ غور فرصت سے دیکھتی ہے
کسی کے چہرے پہ سرخ وحشت چمک رہی ہے
کسی کے چہرے سے زرد حیرت چھلک رہی ہے
کسی کی آنکھیں ہری بھری ہیں
کبیر حد سے ابھر رہا ہے
صغیر قد سے گزر رہا ہے
کسی کا ٹائر کسی کے پہیے کو کھا رہا ہے
کسی کا جوتا کسی کی چپل چبا رہا ہے
کسی کے پیروں میں آ رہا ہے کسی کا بچہ
کسی کا بچہ کسی کے شانے پہ جا رہا ہے
کوئی ٹھکانے پہ کوئی کھانے پہ جا رہا ہے
حبیب دست رقیب تھامے
غریب خانے پہ جا رہا ہے
امیر پنجرہ بنا رہا ہے
غلام کرتب دکھا رہا ہے
اور اپنے بیٹے کے ساتھ چھت پر
امین کنڈا لگا رہا ہے
نظام ٹانگہ چلا رہا ہے
کسی کلائی پہ جگمگاتی ہوئی گھڑی ہے
مگر ابھی وہ رکی ہوئی ہے
کسی کے چہرے پہ بارہ بجنے میں پانچ سیکنڈ رہ گئے ہیں
کسی کی ہاتھی نما پراڈو
سڑک سے ایسے گزر رہی ہے
سوائے اس کے کہیں بھی جیسے کوئی نہیں ہو
کسی کی مونچھیں جھکی ہوئی ہیں
کسی کی بانچھیں کھلی ہوئی ہیں
کسی کی ٹیکسی کسی کی فوکسی ملی ہوئی ہیں
کسی کے لب اور کسی کی آنکھیں سلی ہوئی ہیں
کسی کے کپڑے پھٹے ہوئے ہیں
کسی کی پگڑی چمک رہی ہے
کسی کی رنگت کسی کی ٹوپی اڑی ہوئی ہے
شریف نظریں اٹھا اٹھا کر
کمان جسموں پہ اپنی وحشت کے تیر کب سے چلا رہا ہے
نظیر نظریں چرا رہا ہے
نفیس اپنے کلف کی شکنوں کو رو رہا ہے
حکیم اپنے مطب کے شیشوں کو دھو رہا ہے
کسی کی آنکھوں کے دھندلے شیشوں میں اس کے ماضی کی جھلکیاں ہیں
کسی کی آنکھوں میں آنے والے حسین لمحوں کی مستیاں ہیں
کسی کی آنکھوں میں رت جگوں کی کچھ ارغوانی سی ڈوریاں ہیں
کسی کے کاندھے پہ اس کے خوابوں کی بوریاں ہیں
کباڑ خانے پہ باسی ٹکڑوں کی اور کتابوں کی بوریاں ہیں
بزرگ برگد کے نیچے بوڑھا کھڑا ہوا ہے
اور اس کے ہاتھوں میں ٹیپ لپٹی ہوئی چھڑی ہے
پولیس کی گاڑی پکٹ لگا کر
سڑک پہ ترچھی کھڑی ہوئی ہے
اور ایک مزدور اپنا دامن اٹھائے بے بس کھڑا ہوا ہے
اور اک سپاہی کہ اس کے نیفے میں انگلیوں کو گھما رہا ہے
وہیں پہ شاہد سیاہ چشمہ لگا کے خود کو چھپا رہا ہے
نیوز چینل کی چھوٹی گاڑی بڑی خبر کی تلاش میں ہے
دو سبزی والے بھی اپنی پھیری لگا رہے ہیں
تو پھول والے کے سر پہ پھولوں کی ٹوکری ہے
کسی کی آنکھوں میں نوکری ہے
کسی کی آنکھوں میں چھوکری ہے
وقار سر کو جھکا رہا ہے
فراز کھائی میں جا رہا ہے
تو گیلی سگریٹ کے کش لگا کر
نواب رکشا چلا رہا ہے
سلیم کنی گھما رہا ہے
وکیل وردی میں جا رہا ہے
ضمیر بغلیں بجا رہا ہے
اور ایک واعظ بتا رہا ہے
خدا کو ناراض کرنے والے جہنمی ہیں
خدا کو راضی کرو خدارا
خدا کو راضی کرو خدارا
اور اس کے آگے نصیر اکمل کمال شاداب غلام سارے
نظر جھکائے کھڑے ہوئے ہیں
کہ چشم بینا اگر کہیں ہے
تو سمجھو پاتال تک گڑھی ہے
کسی کو اے سی خریدنا ہے
کسی کو پی سی خریدنا ہے
کسی کی بس اور کسی کی بی سی نکل رہی ہے
عقیلہ خالہ کے دونوں ہاتھوں میں آٹھ تھیلے لٹک رہے ہیں
اور آتے جاتے سبھی مسافر
انہیں مسلسل کھٹک رہے ہیں
ضیا اندھیرے میں جا رہا ہے
گلاب کچرا جلا رہا ہے
عظیم مکھی اڑا رہا ہے
کلیم گٹکا چبا رہا ہے
تو گھنٹہ پیکج پہ جانے کب سے
فہیم گپیں لڑا رہا ہے
سبق مساوات کا سکھانے
وزیر گاڑی میں جا رہا ہے
ثنا ندا کو نئے لطیفے سنا رہی ہے
حنا ہتھیلی کو تکتے تکتے پرانے رستے سے آ رہی ہے
اور اپنی بھاوج کا ہاتھ تھامے
زبیدہ چیک اپ کو جا رہی ہے
وہ اپنی نظریں کبھی ادھر کو کبھی ادھر کو گھما رہی ہے
مگر کوئی شے اسے مسلسل بلا رہی رہی ہے
عجیب عجلت عجیب وحشت عجیب غفلت کا ماجرا ہے
کہوں میں کس سے مرے خدایا یہ کیسی خلقت کا ماجرا ہے
کہ اپنی مستی میں مست ہو کر
یہ سب مسافر گزر رہے
نئے مسافر ابھر رہے ہیں
سڑک جہاں تھی وہیں کھڑی ہے
مگر حقیقت بہت بڑی ہے
سڑک پہ بلی مری پڑی ہے

عمران شمشاد نرمی
نظم

پی مرے گھر آئیں گے شاید نہیں تجھ کو خبر
اے پپیہے باورے ٹوپی کہاں بولا نہ کر

میکش اکبرآبادی
نظم

بہت خوب صورت ہمارا وطن ہے
انوکھا ہے سب سے نرالا وطن ہے
سبھی رنگ کے پھول اس میں کھلے ہیں
بہشتی مناظر بھی اس کو ملے ہیں
کہیں رات رانی کی خوشبو بسی ہے
کہیں پر چنبیلی کی نکہت گھلی ہے
کہیں پر دھنک سات رنگی تنی ہے
کہیں نور کی کوئی چادر بچھی ہے
کسی سمت میں کوئی دریا رواں ہے
کہیں کوہساروں کا دل کش سماں ہے
کہیں لال پیلے ہرے قمقمے ہیں
کہیں پانیوں میں دیے جل رہے ہیں
کہیں پائے جاموں میں ٹوپی کھڑی ہے
کہیں پاؤں میں کوئی دھوتی بندھی ہے
کہیں سوٹ ساڑی کی رونق لگی ہے
کہیں گھاگھرے کی عجب دل کشی ہے
کسی کی ہتھیلی پہ مہندی رچی ہے
کسی پاؤں میں کوئی لالی لگی ہے
کسی سر پہ بالوں کے گچھے بنے ہیں
کہیں بال پیروں پہ لٹکے ہوئے ہیں
کہیں سات رنگوں کی پچکاریاں ہیں
کہ جن سے بدن بیچ گل کاریاں ہیں
کہیں گیند بلے سے لگ کر ہے اڑتی
کہیں کوئی ڈنڈے سے گلی اچھلتی
زمیں کو بچھائے کوئی سو رہا ہے
کئی خواب بھی نیند میں بو رہا ہے
کوئی پانیوں میں چھلانگیں لگاتا
خلاؤں میں کوئی ہے کرتب دکھاتا
کوئی سانپ کو اپنا ساتھی بناتا
اسے بین کی اپنی دھن پر نچاتا
کوئی اپنے انگوں کا آسن لگاتا
کوئی اپنے تن کا تماشا دکھاتا
کوئی اپنی آنکھوں سے من جیتتا ہے
اداؤں سے دنیا کا دھن جیتتا ہے
جدھر دیکھیے اک انوکھا سماں ہے
اداسی میں بھی زندگی شادماں ہے
ہر اک طرح سے یہ نیارا وطن ہے
بہت خوب صورت ہمارا وطن ہے

غضنفر
نظم

بستر کی سبز چادر خرگوش کو اڑھا دیں
منو کی لال ٹوپی بکرے کو ہم پہنا دیں

ظفر کمالی
نظم

یہ میں ہوں میں
جیسے آپ آپ ہیں
میں پیدا ہوتے ہی الجھن میں ہوں
اگر میں عشق ہوں تو فنا کیوں نہیں ہو جاتی
میں سمندر کی بیتاب لہر ہوں تو بہہ کیوں نہیں جاتی
میں رقص جنوں میں ہوں تو دیوانگی سر کیوں نہیں چڑھتی
بے چین روح ہوں تو جسم سے نجات کیوں نہیں پاتی
میں ڈرتی ہوں انسانی اشکال میں گھومتے بھیڑیوں سے
میں نفرت کی آگ میں جلے ہوئے دلوں سے خوف کھاتی ہوں
مجھے صحرا سے ڈر لگتا ہے
ویرانوں سے بھاگ آئی ہوں
زیست کی تمام تر رنگینیوں اور ان کی حقیقتوں سے آگاہی ہے
ہجوم دوستاں کے سرور میں بچکانہ کائنات بناتی ہوں
کبھی آئینہ رو نظر آتی ہوں
کبھی ہنستی ہوں خود اپنی نادانی پر
کبھی بے سبب اداس بہت ہوتی ہوں
کبھی سوچتی بے تحاشا ہوں
کبھی لکھتی ہوں ایسے کہ ہر لفظ روح کا درد اگل دیتا ہے
اور کبھی تمام کے تمام الفاظ کھو جاتے ہیں
بناوٹ اور دکھاوے ان کو نگل جاتے ہیں
میں کبھی بنجر ہوں اور کبھی جنم کو جنم دیتی ہوں
میں جذبوں خوابوں اور دعاؤں کو بہت سنبھال کے رکھتی ہوں
اور ان سے دھاگے لے کر خود کو بنتی ہوں
میں روشنی نہیں مگر میں تاریکی بھی نہیں
ایک شام کا سا ملگجا ہوں کبھی
تو کبھی دن کا دھندلکا ہوں
ایسی بہتی ہوئی ندی ہوں
جس کے کنارے کئی گیت
کئی نغمے مدھر تانوں میں لپٹے اترتے ہیں
میں زندگی کے سمندر کی تمام لہروں کو چھوتی ہوں
اور موتی موتی کہانیوں میں ٹانک دیتی ہوں
سچے سلمیٰ اور روپہلے گوٹے کی طرح
میں خواب جیتی ہوں
میں حقیقت کو پینٹ کرتی ہوں کہ میں حقیقت ہوں
اپنے ارد گرد ہر اچھی بری حقیقت کا حصہ ہوں
میں سر تا پا موم ہوں
ہر عام عورت کی طرح مجھے جو بنا دو میں بن جاتی ہوں
ہر ماحول میں ڈھل جاتی ہوں
مجھے برا سمجھا جائے تو بھی اچھا
اور اچھا سمجھا جائے تو بھی کیا برا
!!!
یہ میں ہوں میں

مریم تسلیم کیانی
نظم

ٹوپی میں گھنٹی لٹکا کر ہم ہولے ہولے جھومیں گے
سب بچے مارے خوف کے کھانا پینا بھولیں گے
ہم بھوت آیا چلائیں گے وہ زور سے آنکھیں موندیں گے
جب رونے پر آئیں گے تب گھنٹی کا راز بتائیں گے
آج اپنے ہر ہمجولی کو ہم الو خوب بنائیں گے

احمد ندیم قاسمی
Load More
Best poetry resource in urdu
تلاش
Get App
URD
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
بولیے