aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

غدار

MORE BYعاطف توقیر

    بھوک غدار ہے

    بھوک میں پیٹ پر ہاتھ رکھنا گنہ

    پیاس غدار ہے

    پیاس میں آسمانوں کو تکنا گنہ

    لفظ غدار ہیں

    سچ میں لپٹے ہوئے

    جستجو کے نئے راستے کھولتے لفظ غدار ہیں

    سچ بھی غدار ہے

    فہم و ادراک دیتا ہوا سچ کسی دوسرے ملک کا کوئی جاسوس ہے

    خواب غدار ہیں

    زندگی کو نئی کروٹیں بخشنے والے سارے تصور

    نئی جستجو کے قرینے

    نئے راستے پر اٹھائے گئے سب قدم سب سوالات غدار ہیں

    وقت غدار ہے

    وقت کا ساز‌ و آہنگ بھی اور نئی لے پر اگتی صدائیں بھی خطرات ہیں

    بھوک کے راج پر

    خوف کے آج پر

    غم کی آواز پر

    ناچنے والے ساری مداری محب وطن

    دیس میں بسنے والا ہر اک سچ پسند

    ظلم و وحشت سے دوری پر ہر کار بند

    سانس لینے کا حق مانگنے والا ہر نوجواں

    زندگی کی رمق کھوجنے والا ہر خانداں

    سارے غدار ہیں

    سارے جاسوس ہیں

    حاکم و سپہ سالار و اشرافیہ

    کے اشاروں پہ نہ ناچنے والے کفار ہیں

    ناقدیں سازشی

    سوچنے والے

    گستاخ ہیں

    اور وہ سارے قلم کار

    ایجنٹ ہیں

    جو نگوں سر نہیں

    وہ جنہیں فطرت سبز نے

    جاں فشانی سے لوگوں کے چہروں پہ اگتی تھکن

    وحشتیں تیرگی

    دور پر شور کی سچی تاریخ میں ٹانک دینے کی گستاخیوں

    کا جریدہ کیا

    آیت مفلسی سے کوئی سرکشی

    گنبد تشنگی پر شکایت کوئی

    مذہب تیرہ بختی کی توہین ہے

    اپنی دھرتی کے گلے سے اپنے لیے کوئی حصہ طلب کرنا الحاد ہے

    اور ویسے بھی گندم تو شیطانیت ہی کی ایجاد ہے

    بھوک غدار ہے

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے