ghaddar

Atif tauqeer

ghaddar

Atif tauqeer

MORE BYAtif tauqeer

    bhuuk ġhaddār hai

    bhuuk meñ peT par haath rakhnā gunah

    pyaas ġhaddār hai

    pyaas meñ āsmānoñ ko taknā gunah

    lafz ġhaddār haiñ

    sach meñ lipTe hue

    justujū ke na.e rāste kholte lafz ġhaddār haiñ

    sach bhī ġhaddār hai

    fahm-o-idrāk detā huā sach kisī dūsre mulk koī jāsūs hai

    ḳhvāb ġhaddār haiñ

    zindagī ko na.ī karvaTeñ baḳhshne vaale saare tasavvur

    na.ī justujū ke qarīne

    na.e rāste par uThā.e ga.e sab qadam sab savālāt ġhaddār haiñ

    vaqt ġhaddār hai

    vaqt sāz-o-āhañg bhī aur na.ī lai par ugtī sadā.eñ bhī ḳhatrāt haiñ

    bhuuk ke raaj par

    ḳhauf ke aaj par

    ġham āvāz par

    nāchne vaale saarī madārī muhibb-e-vatan

    des meñ basne vaalā har ik sach-pasand

    zulm-o-vahshat se duurī par har kār-band

    saañs lene haq māñgne vaalā har naujavāñ

    zindagī ramaq khojne vaalā har ḳhāndāñ

    saare ġhaddār haiñ

    saare jāsūs haiñ

    hākim-o-sipah-sālār-o-ashrāfiya

    ke ishāroñ pe na nāchne vaale kuffār haiñ

    nāqidīñ sāzishī

    sochne vaale

    gustāḳh haiñ

    aur vo saare qalamkār

    agnet haiñ

    jo nigūñ-sar nahīñ

    vo jinheñ fitrat-e-sabz ne

    jāñ-fishānī se logoñ ke chehroñ pe ugtī thakan

    vahshateñ tīrgī

    duur pur-shor sachchī tārīḳh meñ tonic dene gustāḳhiyoñ

    jarīda kiyā

    āyat-e-muflisī se koī sar-kashī

    gumbad-e-tishnagī par shikāyat koī

    maz.hab-e-tīra-baḳhtī tauhīn hai

    apnī dhartī ke gale se apne liye koī hissa talab karnā ilhād hai

    aur vaise bhī gandum to shaitāniyat ījād hai

    bhuuk ġhaddār hai

    bhuk ghaddar hai

    bhuk mein peT par hath rakhna gunah

    pyas ghaddar hai

    pyas mein aasmanon ko takna gunah

    lafz ghaddar hain

    sach mein lipTe hue

    justuju ke nae raste kholte lafz ghaddar hain

    sach bhi ghaddar hai

    fahm-o-idrak deta hua sach kisi dusre mulk ka koi jasus hai

    KHwab ghaddar hain

    zindagi ko nai karwaTen baKHshne wale sare tasawwur

    nai justuju ke qarine

    nae raste par uThae gae sab qadam sab sawalat ghaddar hain

    waqt ghaddar hai

    waqt ka saz-o-ahang bhi aur nai lai par ugti sadaen bhi KHatraat hain

    bhuk ke raj par

    KHauf ke aaj par

    gham ki aawaz par

    nachne wale sari madari muhibb-e-watan

    des mein basne wala har ek sach-pasand

    zulm-o-wahshat se duri par har kar-band

    sans lene ka haq mangne wala har naujawan

    zindagi ki ramaq khojne wala har KHandan

    sare ghaddar hain

    sare jasus hain

    hakim-o-sipah-salar-o-ashrafiya

    ke ishaaron pe na nachne wale kuffar hain

    naqidin sazishi

    sochne wale

    gustaKH hain

    aur wo sare qalamkar

    agnet hain

    jo nigun-sar nahin

    wo jinhen fitrat-e-sabz ne

    jaan-fishani se logon ke chehron pe ugti thakan

    wahshaten tirgi

    dur pur-shor ki sachchi tariKH mein tonic dene ki gustaKHiyon

    ka jarida kiya

    aayat-e-muflisi se koi sar-kashi

    gumbad-e-tishnagi par shikayat koi

    mazhab-e-tira-baKHti ki tauhin hai

    apni dharti ke gale se apne liye koi hissa talab karna ilhad hai

    aur waise bhi gandum to shaitaniyat hi ki ijad hai

    bhuk ghaddar hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now