Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "'afsar'"

Nazm MATCHES FOR "'afsar'"

Nazm

daraKHt-e-zard

mohabbat ek paspaa.ii hai pur-ahvaal haalat kii
mohabbat apnii yak-taurii me.n dushman hai mohabbat kii
suKHan maal-e-mohabbat kii dukaan-aaraa.ii kartaa hai
suKHan sau tarah se ik ramz kii rusvaa.ii kartaa hai
suKHan bakvaas hai bakvaas jo Thahraa hai fan meraa
vo hai ta.abiir kaa aflaas jo Thahraa hai fan meraa
suKHan ya.anii labo.n kaa fan suKHan-var ya.anii ik pur-fan
suKHan-var iizad achchhaa thaa ki aadam yaa phir ahriman
maziid aa.nkii suKHan me.n vaqt hai vaqt ab se ab ya.anii

Jaun Eliya
Nazm

naya hukm-nama

kisii kaa hukm hai saarii havaa.e.n
hamesha chalne se pahle bataa.e.n
ki un kii samt kyaa hai
kidhar jaa rahii hai.n
havaa.o.n ko bataanaa ye bhii hogaa
chale.ngii ab to kyaa raftaar hogii
havaa.o.n ko ye ijaazat nahii.n hai
ki aa.ndhii kii ijaazat ab nahii.n hai
hamaarii ret kii sab ye fasiile.n
ye kaaGaz ke mahal jo ban rahe hai.n
hifaazat un kii karnaa hai zaruurii
aur aa.ndhii hai puraanii in kii dushman
ye sabhii jante hai.n
kisii kaa hukm hai dariyaa kii lahre.n
zaraa ye sar-kashii kam kar le.n apnii had me.n Thahre.n
ubharnaa phir bikharnaa aur bikhar kar phir ubharnaa
Galat hai ye un kaa ha.ngaama karnaa
ye sab hai sirf vahshat kii alaamat
baGaavat kii alaamat
baGaavat to nahii.n bardaasht hogii
ye vahshat to nahii.n bardaasht hogii
agar lahro.n ko hai dariyaa me.n rahnaa
to un ko hogaa ab chup-chaap bahnaa
kisii kaa hukm hai
is gulistaa.n me.n bas ik rang ke hii phuul ho.nge
kuchh afsar ho.nge jo ye tai kare.nge
gulistaa.n kis tarah ban.naa hai kal kaa
yaqiinan phuul to yak-ra.ngii.n ho.nge
magar ye rang hogaa kitnaa gahraa kitnaa halkaa
ye afsar tai kare.nge
kisii ko ye ko.ii kaise bataa.e
gulistaa.n me.n kahii.n bhii phuul yak-rangii.n nahii.n hote
kabhii ho hii nahii.n sakte
ki har ik rang me.n chhup kar bahut se rang rahte hai.n
jinho.nne baaG-e-yakrangii.n banaanaa chaahe the
un ko zaraa dekho
ki jab ik rang me.n sau rang zaahir ho ga.e hai.n to
kitne pareshaa.n hai.n kitne ta.ng rahte hai.n
kisii ko ye ko.ii kaise bataa.e
havaa.e.n aur lahre.n kab kisii kaa hukm suntii hai.n
havaa.e.n haakimo.n kii muTThiyo.n me.n hathka.Dii me.n
qaid-KHaano.n me.n nahii.n ruktii.n
ye lahre.n rokii jaatii hai.n
to dariyaa kitnaa bhii ho pur-sukuu.n betaab hotaa hai
aur is betaabii kaa aglaa qadam sailaab hotaa hai

Javed Akhtar
Nazm

clerk ka naghma-e-mohabbat

jab aadhaa din Dhal jaataa hai to ghar se afsar aataa hai
aur apne kamre me.n mujh ko chapraasii se bulvaataa hai
yuu.n kahtaa hai vuu.n kahtaa hai lekin bekaar hii rahtaa hai
mai.n us kii aisii baato.n se thak jaataa huu.n thak jaataa huu.n
pal-bhar ke liye apne kamre ko file lene aataa huu.n
aur dil me.n aag sulagtii hai mai.n bhii jo ko.ii afsar hotaa
is shahr kii dhuul aur galiyo.n se kuchh duur miraa phir ghar hotaa
aur tuu hotii
lekin mai.n to ik munshii huu.n tuu uu.nche ghar kii raanii hai
ye merii prem-kahaanii hai aur dhartii se bhii puraanii hai

Meeraji
Nazm

chand mein pariyan rahti hain

ammaa.n baajii kahtii hai.n
chaa.nd me.n pariyaa.n rahtii hai.n
raat ko par phailaatii hai.n
aur utar kar aatii hai.n
sab bachcho.n ko sulaatii hai.n
aur phir KHvaab dikhaatii hai.n
ammaa.n baajii kahtii hai.n
chaa.nd me.n pariyaa.n rahtii hai.n
mai.n to aaj na so.uu.ngaa
raat ga.e tak jaaguu.ngaa
baahar baaG me.n baiThuu.ngaa
chaa.nd kii pariyaa.n dekhuu.ngaa
ammaa.n baajii kahtii hai.n
chaa.nd me.n pariyaa.n rahtii hai.n

Hamidullah Afsar
Nazm

sarkari aur ghair-sarkari do iden

beTaa kahtaa thaa ki mai.n sarkaarii afsar huu.n janaab
roza rakkhuu.ngaa to mujh se maa.ngaa jaa.egaa javaab

Dilawar Figar
Nazm

aata hai yaad mujhko

afsar bane hai.n is dam mere hii ham-jamaa.at
un se hayaa ke maare pa.Dtaa hai mu.nh chhupaanaa

Zafar Kamali
Nazm

ek bachcha chhoTa sa bachcha

ik bachcha chhoTaa saa bachcha
ek haath me.n us ke taKHtii thii
ek haath me.n us ke basta thaa
aur paa.nv ke niiche duur talak
school ko jaataa rasta thaa
vo afsar ban.naa chaahtaa thaa
vo sach-much pa.Dhnaa chaahtaa thaa
kuchh KHvaab the us kii aa.nkho.n me.n
jo rafta rafta TuuT ga.e
Gurbat ne use majbuur kiyaa
yuu.n pa.Dhne se vo duur hu.aa
phir paa.nv se raste ruuTh ga.e
aur haath se baste chhuuT ga.e

Hamza Daim
Nazm

ek shahr-ashob ka aaghaz

ab bazm-e-suKHan sohbat-e-lab-soKHtagaa.n hai
ab halqa-e-mai taa.efaa-e-be-talabaa.n hai
ghar rahiye to viiraani-e-dil khaane ko aave
rah chaliye to har gaam pe GauGaa-e-sagaa.n hai
paivand-e-rah-e-kuucha-e-zar chashm-e-Gazaalaa.n
paabos-e-havas afsar-e-shamshaad-qadaa.n hai
yaa.n ahl-e-junuu.n yak-ba-digar dast-o-girebaa.n
vaa.n jaish-e-havas teG-ba-kaf darpa-e-jaa.n hai
ab saahab-e-insaaf hai KHud taalib-e-insaaf
mohr us kii hai miizaan ba-dast-e-digraa.n hai
ham sahal-talab kaun se farhaad the lekin
ab shahr me.n tere ko.ii ham saa bhii kahaa.n hai

Faiz Ahmad Faiz
Nazm

watan ka rag

bhaarat pyaaraa desh hamaaraa sab desho.n se nyaaraa hai
har rut har ik mausam is kaa kaisaa pyaaraa pyaaraa hai
kaisaa suhaanaa kaisaa sundar pyaaraa des hamaaraa hai
dukh me.n sukh me.n har haalat me.n bhaarat dil kaa sahaaraa hai
bhaarat pyaaraa desh hamaaraa sab desho.n se nyaaraa hai

Hamidullah Afsar
Nazm

coffee-house

din-bhar coffee-house me.n baiThe kuchh duble-patle naqqaad
bahs yahii karte rahte hai.n sust adab kii hai raftaar
sirf adab ke Gam me.n Galtaa.n chalne phirne se laachaar
chehro.n se zaahir hotaa hai jaise barso.n ke biimaar
urdu-adab me.n Dhaa.ii hai.n shaa.er 'miir' o 'Gaalib' aadhaa 'josh'
yaa ik-aadh kisii kaa misra yaa 'iqbaal' ke chand ash.aar
yaa phir nazm hai ik chuuhe par haamid-'madnii' kaa shahkaar
ko.ii nahii.n hai achchhaa shaa.er ko.ii nahii.n afsaana-nigaar
'manTo' 'kirshn' 'nadiim' aur 'bedii' in me.n jaan to hai lekin
aib ye hai in ke haatho.n me.n kund zabaa.n kii hai talvaar
'aalii' afsar 'inshaa' baabuu 'naasir' 'miir' ke bar-KHurdaar
'faiz' ne jo ab tak likkhaa hai kyaa likkhaa hai sab be-kaar
un ko adab kii sehhat kaa Gam mujh ko un kii sehhat kaa
ye bechaare dukh ke maare jiine se hai.n kyuu.n be-zaar
husn se vahshat ishq se nafrat apnii hii suurat se pyaar
KHanda-e-gul par ek tabassum girya-e-shabnam se inkaar

Habib Jalib
Nazm

KHuda ki shan

milaa thaa post pe custam kaa ik ba.Daa afsar
zaraa sii ghaas jo Daalii to dam hilaane lagaa

Khalid Irfan
Nazm

yakum may

hotaa hai 'may-day' kaa aur 'may-poll' kaa jab intizaam
naachte hai.n baa.ns ke gird aa ke europii avaam
lekin ab naachegaa vo zaalim ki jo hai bad-lagaam
baa.ns ke bal par dikhaa.e jaise bandar apnaa kaam
vo jo pahle thaa kabhii bandar madaarii ban gayaa
ya.anii mazduur afsar-e-sarmaaya-kaarii ban gayaa

Syed Mohammad Jafri
Nazm

KHuda ki jagah Khaali hai

sha.nkar Damruu kaa mutabaadil talaash kar chukaa
gopiyaa.n ab kisii uudhau kii muhtaaj nahii.n
trunk call
un kii samasyaa.o.n kaa hal hai
izraa.iil!
atom aur helium ke haq me.n
dast-bardaar hone kii fikr me.n hai
israafiil kii jamaaliyaatii his ko jilaa mil ga.ii
ab vo kisii music-school me.n daaKHila le legaa
food-corporation kaa mutaalbaa:
'mikhail kaa retirement' maan liyaa gayaa hai
wireless-telegraphy kaa mahkama
afsar-e-aalaa ke ohde ke liye
jibra.iil kii darKHvaast par Gaur kar rahaa hai
'KHudaa kii jagah KHaalii hai'
mutamannii hazraat fauran se pesh-tar darKHvaast de.n!

Aashufta Changezi
Nazm

kitab

har dam ilm sikhaatii hai
aql ke raaz bataatii hai
pyaaraa naam kitaab hai us kaa
ma.aluumaat ba.Dhaatii hai
ko.ii bachcha ho yaa buu.Dhaa
sab ko yaksaa.n bhaatii hai
daadaa abbaa mol agar le.n
pote ke kaam aatii hai
ghar baiThe hii duniyaa bhar kii
ham ko sair karaatii hai
agle vaqto.n ke logo.n kaa
saaraa haal sunaatii hai
is kii daanaa.ii to dekho
jo puuchho samjhaatii hai
jaahil se jaahil ko aaKHir
qaabil shaKHs banaatii hai
har daftar ke har afsar ko
ye parvaan cha.Dhaatii hai
dil kii aa.nkhe.n raushan karke
haq kii raah dikhaatii hai
pa.Dhne vaale KHush hote hai.n
un kaa ranj miTaatii hai
tanhaa.ii me.n hamdam ban kar
'faiz' hame.n pahu.nchaatii hai

Faiz Ludhianvi
Nazm

nadamat

ham jo ik jaa.n ke safar par hai.n ravaa.n barso.n se
ham ko maaluum nahii.n kab aur kahaa.n KHatm ho ye
ham to bas tishna-dahan lab-ba-du.aa kushta-e-Gam
apne hone hii me.n gum pa.Dh na sake hai.n ab tak
vaqt ke baab-e-nadaamat me.n nihaa.n tahriire.n
un ko pa.Dh lete to shaayad na yuu.n hairaa.n hote
ik tamaashe kii tarah vaqt pe uryaa.n hote
apnii KHvaahish ko sar-e-bazm na rusvaa karte
apne lamho.n ko kisii taur na zindaa.n karte

Mohammad Afsar Sajid
Nazm

mustaqbil ki aawaz

abhii ham log bachche hai.n magar ik din javaa.n ho.nge
hamii.n ik din vaqaar-e-maadar-e-hindostaa.n ho.nge
hamii.n gautam hamii.n 'gaa.ndhii' hamii.n 'zaakir' hamii.n 'nehruu'
hamii.n 'chishtii' hamii.n naanak hamii.n haidar hamii.n Tiipuu
hamii.n apne vatan kii sarhado.n ke paasbaa.n ho.nge
abhii ham log bachche hai.n magar ik din javaa.n ho.nge
hamii.n me.n ko.ii teacher aur ko.ii doctor hogaa
ko.ii ta.aliim kaa afsar ko.ii engineer hogaa
hamii.n har chiiz ke mahram hamii.n sciencedaa.n ho.nge
abhii ham log bachche hai.n magar ik din javaa.n ho.nge
hamii.n raushan kare.nge chaa.nd kaa har raaz-e-poshiida
hamii.n zaahir kare.nge haq kii har aavaaz-e-poshiida
hamii.n qudrat ke har raaz-e-nihaa.n ke raaz-daa.n ho.nge
abhii ham log bachche hai.n magar ik din javaa.n ho.nge
hamii.n hai.n 'suur'-o-'tulsii' 'Gaalib'-o-'tagore' bhii ho.nge
hamii.n kyaa 'kaif' ham logo.n se behtar aur bhii ho.nge
ki jo duniyaa ke gulshan me.n bahaar-e-jaavedaa.n ho.nge
abhii ham log bachche hai.n magar ik din javaa.n ho.nge
hamii.n ik din vaqaar-e-maadar-e-hindostaa.n ho.nge

Kaif Ahmed Siddiqui
Nazm

chand

tum naddii par jaa kar dekho
jab naddii me.n nahaa.e chaa.nd
kaisii lagaa.ii Dupkii us ne
Dar hai Duub na jaa.e chaa.nd
kirno.n kii ik sii.Dhii le kar
chham chham utraa jaa.e chaa.nd
jab tum use paka.Dne jaa.o
paanii me.n chhup jaa.e chaa.nd
ab paanii me.n chup baiThaa hai
kyaa kyaa ruup dikhaa.e chaa.nd
chaahe jidhar ko jaa.o 'afsar'
saath hamaare jaa.e chaa.nd

Hamidullah Afsar
Nazm

rah-numa ban jaun

dard jis dil me.n ho us dil kii davaa ban jaa.uu.n
ko.ii biimaar agar ho to shifaa ban jaa.uu.n
dukh me.n hilte hu.e lab kii mai.n du.aa ban jaa.uu.n
uf vo aa.nkhe.n ki hai.n biinaa.ii se mahruum kahii.n
raushnii jin me.n nahii.n nuur jin aa.nkho.n me.n nahii.n
mai.n in aa.nkho.n ke liye nuur-e-ziyaa ban jaa.uu.n
haa.e vo dil jo ta.Daptaa hu.aa ghar se nikle
uf vo aa.nsuu jo kisii diida-e-tar se nikle
mai.n us aa.nsuu ke sukhaane ko havaa ban jaa.uu.n
duur manzil se agar raah me.n thak jaa.e ko.ii
jab musaafir kahii.n raste se bhaTak jaa.e ko.ii
KHizr kaa kaam karuu.n raah-numaa ban jaa.uu.n
umr ke bojh se jo log dabe jaate hai.n
naa-tavaanii se jo har roz jhuke jaate hai.n
un za.iifo.n ke sahaare ko asaa ban jaa.uu.n
KHidmat-e-KHalq kaa har samt me.n charchaa kar duu.n
maadar-e-hind ko jannat kaa namuuna kar duu.n
ghar kare dil me.n jo 'afsar' vo sadaa ban jaa.uu.n

Hamidullah Afsar
Nazm

lapata

mai.n laapataa ho gayaa huu.n
ka.ii hafte hu.e
police ko report likhvaa.e
tab se roz thaane jaataa huu.n
havaldaar se puuchhtaa huu.n
meraa kuchh pataa chalaa
hamdard police afsar maayuusii se sar hilaataa hai
pha.nsii pha.nsii aavaaz me.n kahtaa hai
abhii tak tumhaaraa kuchh suraaG nahii.n milaa
phir vo tasallii detaa hai
kisii na kisii din
tum mil hii jaa.oge
behosh
kisii sa.Dak ke kinaare
yaa burii tarah zaKHmii
kisii aspataal me.n
yaa laash kii suurat
kisii nadii me.n
merii aa.nkho.n me.n aa.nsuu aa jaate hai.n
mai.n baazaar chalaa jaataa huu.n
apnaa istiqbaal karne ke liye
gul-farosh se phuul KHariidtaa huu.n
apne zaKHmo.n ke liye
chemist se
marham-paTTii kaa saamaan
tho.Dii ruu.ii
aur dard-kushaa goliyaa.n
apnii aaKHirii rusuumaat ke liye
masjid kii dukaan se ek kafan
aur apnii yaad manaane ke liye
ka.ii mom-battiyaa.n
kuchh log kahte hai.n
kisii ke marne par
mom-battii nahii.n jalaanii chaahiye
lekin vo ye nahii.n bataate
ki aa.nkh kaa taara laapataa ho jaa.e
to raushnii kahaa.n se laa.e.n
ghar kaa charaaG bujh jaa.e
to phir kyaa jalaa.e.n

Mubashshir Ali Zaidi
Nazm

duniya mein jannat

baaGo.n ne pahnaa
phuulo.n kaa gahnaa
nahro.n kaa bahnaa
vaarafta rahnaa
duniyaa me.n jannat meraa vatan hai
bhuurii ghaTaa.e.n
laa.e.n havaa.e.n
baaGo.n me.n jaa.e.n
kaliyaa.n khilaa.e.n
duniyaa me.n jannat meraa vatan hai
ik jho.npa.Dii hai
sab kuchh yahii hai
kyaa saadgii hai
kyaa zindagii hai
duniyaa me.n jannat meraa vatan hai
'krishn' kanhaiyaa
raadhaa kaa rasiyaa
bachcho.n ke 'afsar'
thaa is zamii.n kaa
raushan sitaaraa
duniyaa me.n jannat meraa vatan hai
vo turk aa.e
bhaarat pe chhaa.e
jhanDe u.Daa.e
qur.aan laa.e
duniyaa me.n jannat meraa vatan hai
chishtii ne baKHshaa
dil ko sahaaraa
hamdard aisaa
kis ko milaa thaa
duniyaa me.n jannat meraa vatan hai
gautam kaa ghar hai
jannat kaa dar hai
'afsar' kidhar hai
kyaa be-KHabar hai
duniyaa me.n jannat meraa vatan hai

Hamidullah Afsar
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now