Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for ",lPC"

Nazm MATCHES FOR ",lpc"

Nazm

jugnu

kabhii na khii.nchaa sharaarat se jis kaa aa.nchal bhii
rachaa sakii mirii aa.ankho.n me.n jo na kaajal bhii
vo maa.n jo mere liye titliyaa.n paka.D na sakii
jo bhaagte hu.e baazuu mire jaka.D na sakii
ba.Dhaayaa pyaar kabhii kar ke pyaar me.n na kamii
jo mu.nh banaa ke kisii din na mujh se ruuTh sakii
jo ye bhii kah na sakii jaa na boluu.ngii tujh se
jo ek baar KHafaa bhii na ho sakii mujh se
vo jis ko juuThaa lagaa mu.nh kabhii dikhaa na sakaa
kasaafato.n pe mirii jis ko pyaar aa na sakaa
jo miTTii khaane pe mujh ko kabhii na piiT sakii
na haath thaam ke mujh ko kabhii ghasiiT sakii
vo maa.n jo guftuguu kii rau me.n sun ke merii ba.D
kabhii jo pyaar se mujh ko na kah sakii ghaama.D
sharaarato.n se mirii jo kabhii ulajh na sakii
himaaqato.n kaa mirii falsafa samajh na sakii
vo maa.n kabhii jise chau.nkaane ko mai.n luk na sakaa
mai.n raah chhe.nkne ko jis ke aage ruk na sakaa
jo apne haath se bahruup mere bhar na sakii
jo apnii aa.ankho.n ko aa.iina meraa kar na sakii
gale me.n Daalii na baaho.n kii phuul-maalaa bhii
na dil me.n lauh-e-jabii.n se kiyaa ujaalaa bhii
vo maa.n kabhii jo mujhe baddhiyaa.n pahnaa na sakii
kabhii mujhe na.e kap.Do.n se jo sajaa na sakii
vo maa.n na jis se la.Dakpan ke jhuuT bol sakaa
na jis ke dil ke daraa.n kunjiyo.n se khol sakaa
vo maa.n mai.n paise bhii jis ke kabhii churaa na sakaa
sazaa se bachne ko jhuuTii qasam bhii khaa na sakaa

Firaq Gorakhpuri
Nazm

parchhaiyan

1
ye shaam ik aa.iina-e-niil-guu.n ye nam ye mahak
ye manzaro.n kii jhalak khet baaG dariyaa gaa.nv
vo kuchh sulagte hu.e kuchh sulagne vaale alaav
siyaahiyo.n kaa dabe-paa.nv aasmaa.n se nuzuul
laTo.n ko khol de jis tarah shaam kii devii
puraane vaqt ke bargad kii ye udaas jaTaa.e.n
qariib o duur ye go dhuul kii ubhartii ghaTaa.e.n
ye kaa.enaat kaa Thahraa.o ye athaah sukuut
ye niim-tiirah fazaa roz-e-garm kaa taabuut
dhu.aa.n dhu.aa.n sii zamii.n hai ghulaa ghulaa saa falak
2
ye chaa.ndnii ye havaa.e.n ye shaaKH-e-gul kii lachak
ye daur-e-baada ye saaz-e-KHamosh fitrat ke
sunaa.ii dene lagii jagmagaate siino.n me.n
dilo.n ke naazuk o shaffaaf aabgiino.n me.n
tire KHayaal kii pa.Dtii hu.ii kiran kii khanak
3
ye raat chhantii havaa.o.n kii so.ndhii so.ndhii mahak
ye khet kartii hu.ii chaa.ndnii kii narm damak
sugandh raat kii raanii kii jab machaltii hai
fazaa me.n ruuh-e-tarab karvaTe.n badaltii hai
ye ruup sar se qadam tak hasiin jaise gunaah
ye aarizo.n kii damak ye fusuun-e-chashm-e-siyaah
ye dhaj na de jo ajantaa kii san.ato.n ko panaah
ye siina pa.D hii ga.ii dev lok kii bhii nigaah
ye sar-zamiin se aakaash kii parastish-gaah
utaarte hai.n tirii aartii sitaara o maah
sajal badan kii bayaa.n kis tarah ho kaifiyyat
sarasvatii ke bajaate hu.e sitaar kii gat
jamaal-e-yaar tire gulsitaa.n kii rah rah ke
jabiin-e-naaz tirii kahkashaa.n kii rah rah ke
dilo.n me.n aa.iina-dar-aa.iina suhaanii jhalak
4
ye chhab ye ruup ye joban ye saj ye dhaj ye lahak
chamakte taaro.n kii kirno.n kii narm narm phuvaar
ye rasmasaate badan kaa uThaan aur ye ubhaar
fazaa ke aa.iina me.n jaise lahlahaa.e bahaar
ye be-qaraar ye be-iKHtiyaar josh-e-numuud
ki jaise nuur kaa favvaara ho shafaq-aaluud
ye jalve paikar-e-shab-taab ke ye bazm-e-shohuud
ye mastiyaa.n ki mai-e-saaf-o-durd sab be-buud
KHajil ho laal-e-yaman uzv uzv kii vo Dalak
5
bas ik sitaara-e-shi.ngaraf kii jabii.n pe jhamak
vo chaal jis se labaalab gulaabiyaa.n chhalke.n
sakuu.n-numaa KHam-e-abru ye adh-khulii.n palke.n
har ik nigaah se aiman kii bijliyaa.n lapke.n
ye aa.nkh jis me.n ka.ii aasmaa.n dikhaa.ii pa.De.n
u.Daa de.n hosh vo kaano.n kii saada saada lave.n
ghaTaa.e.n vajd me.n aa.e.n ye gesu.o.n kii laTak
6
ye kaif-o-ra.ng-e-nazaara ye bijliyo.n kii lapak
ki jaise krishn se raadhaa kii aa.nkh ishaare kare
vo shoKH ishaare ki rabbaaniyat bhii jaa.e jhapak
jamaal sar se qadam tak tamaam sho.ala hai
sukuun jumbish o ram tak tamaam sho.ala hai
magar vo sho.ala ki aa.nkho.n me.n Daal de ThanDak
7
ye raat nii.nd me.n Duube hu.e se hai.n diipak
fazaa me.n bujh ga.e u.D u.D ke jugnu.o.n ke sharaar
kuchh aur taaro.n kii aa.nkho.n kaa ba.Dh chalaa hai KHumaar
fasurda chhiTkii hu.ii chaa.ndnii kaa dhundlaa Gubaar
ye bhiigii bhiigii uudaahaT ye bhiigaa bhiigaa nuur
ki jaise chashma-e-zulmaat me.n jale kaafuur
ye Dhaltii raat sitaaro.n ke qalb kaa ye gudaaz
KHunuk fazaa me.n tiraa shabnamii tabassum-e-naaz
jhalak jamaal kii ta.abiir KHvaab aa.iina-saaz
jahaa.n se jism ko dekhe.n tamaam naaz-o-niyaaz
jahaa.n nigaah Thahar jaa.e raaz-andar-raaz
sukuut-e-niim-shabii lahlahe badan kaa nikhaar
ki jaise nii.nd kii vaadii me.n jaagtaa sansaar
hai bazm-e-maah ki parchhaa.iyo.n kii bastii hai
fazaa kii oT se vo KHaamushii barastii hai
ki buu.nd buu.nd se paidaa ho gosh o dil me.n khanak
8
kisii KHayaal me.n hai Garq chaa.ndnii kii chamak
havaa.e.n nii.nd ke kheto.n se jaise aatii ho.n
hayaat o maut me.n sargoshiyaa.n sii hotii hai.n
karo.Do.n saal ke jaage sitaare nam-diida
siyaah gesu.o.n ke saa.np niim-KHvaabiida
ye pichhlii raat ye rag rag me.n narm narm kasak

Firaq Gorakhpuri
Nazm

dil mere sahra-naward-e-pir dil

naGma-dar-jaa.n raqs barpaa KHanda-bar-lab
dil tamannaa.o.n ke be-paayaa.n alaav ke qariib
dil mire sahraa-navard-e-piir dil
reg ke dil-shaad shahrii reg tuu
aur reg hii terii talab
reg kii nik.hat tire paikar me.n terii jaa.n me.n hai
reg sub.h-e-iid ke maanind zartaab-o-jaliil
reg sadiyo.n kaa jamaal
jashn-e-aadam par bichha.D kar milne vaalo.n kaa visaal
shauq ke lamhaat ke maanind aazaad-o-aziim
reg naGma-zan
ki zarre reg-zaaro.n kii vo paazeb-e-qadiim
jis pe pa.D saktaa nahii.n dast-e-la.iim
reg-e-sahraa zar-garii kii ek kii lahro.n se duur
chashma-e-makr-o-riyaa shahro.n se duur
reg shab-bedaar hai suntii hai har jaabir kii chaap
reg shab-bedaar hai nigaraa.n hai maanind-e-naqiib
dekhtii hai saaya-e-aamir kii chaap
reg har ayyaar Gaarat-gar kii maut
reg istibdaad ke tuGyaa.n ke shor-o-shar kii maut
reg jab uThtii hai u.D jaatii hai har faateh kii nii.nd
reg ke nezo.n se zaKHmii sab shahanshaaho.n ke KHvaab
reg ai sahraa kii reg
mujh ko apne jaagte zarro.n ke KHvaabo.n kii
na.ii ta.abiir de
reg ke zarro.n ubhartii sub.h tum
aa.o sahraa kii hado.n tak aa gayaa roz-e-tarab
dil mire sahraa-navard-e-piir dil
aa chuum reg
hai KHayaalo.n ke parii-zaado.n se bhii ma.asuum reg
reg-e-raqsaa.n maah-o-saal nuur tak raqsaa.n rahe
us kaa abresham mulaa.em narm-KHuu KHandaa.n rahe
dil mire sahraa-navard-e-piir dil
ye tamannaa.o.n kaa be-paayaa.n alaav
raah gum kar duu.n kii mash.al is ke lab par aa.o aa.o
tere maazii ke KHazaf rezo.n se jaagii hai ye aag
aag kii qurmuz zabaa.n par imbisaat-e-nau ke raag
dil mire sahraa-navard-e-piir dil
sargiraanii kii shab-e-rafta se jaag
kuchh sharar aaGosh sarsar me.n hai.n gum
aur kuchh ziina ba ziina sho.alo.n ke miinaar par cha.Dhte hu.e
aur kuchh tah me.n alaav kii abhii
muztarib lekin muzabzab tifl-e-kam-sin kii tarah
aag ziina aag ra.ngo.n kaa KHaziina
aag un lazzaat kaa sar-chashma hai
jis se letaa hai Gizaa ushshaaq ke dil kaa tapaak
chob-e-KHushk anguur us kii mai hai aag
sarsaraatii hai rago.n me.n iid ke din kii tarah
aag kaahin yaad se utrii hu.ii sadiyo.n kii ye afsaana-KHvaa.n
aane vaale qarnahaa kii daastaane.n lab pe hai.n
dil miraa sahraa-navard-e-piir dil sun kar javaa.n
aag aazaadii kaa dil-shaadii kaa naam
aag paidaa.ish kaa afzaa.ish kaa naam
aag ke phuulo.n me.n nasrii.n yaasman sumbul shafiiq-o-nastaran
aag aaraa.ish kaa zebaa.ish kaa naam
aag vo taqdiis dhul jaate hai.n jis se sab gunaah
aag insaano.n kii pahlii saa.ns ke maanind ik aisaa karam
umr kaa ik tuul bhii jis kaa nahii.n kaafii javaab
ye tamannaa.o.n kaa be-paayaa.n alaav gar na ho
is laq-o-daq me.n nikal aa.e.n kahii.n se bhe.Diye
is alaav ko sadaa raushan rakho
reg-e-sahraa ko bashaarat ho ki zinda hai alaav
bhe.Diyo.n kii chaap tak aatii nahii.n
aag se sahraa kaa rishta hai qadiim
aag se sahraa ke Te.Dhe re.ngne vaale
girah-aaluud zholiida daraKHt
jaagte hai.n naGma-dar-jaa.n raqs barpaa KHanda-bar-lab
aur manaa lete hai.n tanhaa.ii me.n jashn-e-maahtaab
un kii shaaKHe.n Gair-mara.ii tabl kii aavaaz par detii hai.n taal
biikH-o-bun se aane lagtii hai KHudaavandii jalaajil kii sadaa
aag se sahraa kaa rishta hai qadiim
rahravo.n sahraa-navardo.n ke liye hai rahnumaa
kaarvaano.n kaa sahaaraa bhii hai aag
aur sahraa.o.n kii tanhaa.ii ko kam kartii hai aag
aag ke chaaro.n taraf pashmiina-o-dastaar me.n lipTe hu.e
afsaana-go
jaise gird-e-chashm mizhgaa.n kaa hujuum
un ke hairat-naak dilkash tajrabo.n se
jab damak uThtii hai ret
zarra zarra bajne lagtaa hai misaal-e-saaz-e-jaa.n
gosh-bar-aavaaz rahte hai.n daraKHt
aur ha.ns dete hai.n apnii aarifaana be-niyaazii se kabhii
ye tamannaa.o.n kaa be-paayaa.n alaav gar na ho
reg apnii KHalvat-e-be-nuur-o-KHud-bii.n me.n rahe
apnii yaktaa.ii kii tahsii.n me.n rahe
is alaav ko sadaa raushan rakho
ye tamannaa.o.n kaa be-paayaa.n alaav gar na ho
asia africa pahnaa.ii kaa naam
be-kaar pahnaa.ii kaa naam
europe aur america daaraa.ii kaa naam
takraar-e-daaraa.ii kaa naam
meraa dil sahraa-navard-e-piir dil
jaag uThaa hai mashriq-o-maGrib kii aisii yak-dilii
ke kaarvaano.n kaa nayaa ruuyaa liye
yak-dilii aisii ki hogii fahm-e-insaa.n se varaa
yak-dilii aisii ki ham sab kah uThe.n
is qadar ujlat na kar
izhdihaam-e-gul na ban
kah uThe.n ham
tuu Gam-e-kul to na thii
ab lazzat-e-kul bhii na ban
roz-e-aasaa.ish kii bedardii na ban
yak-dilii ban aisaa sannaaTaa na ban
jis me.n taabistaa.n kii dopahro.n kii
be-haasil kasaalat ke sivaa kuchh bhii na ho
is jafaa-gar yak-dilii ke kaarvaa.n yuu.n aa.e.nge
dast-e-jaaduu-gar se jaise phuuT nikle ho.n tilism
ishq-e-haasil-KHez se yaa zor-e-paidaa.ii se jaise naa-gahaa.n
khul ga.e ho.n mashriq-o-maGrib ke jism
jism sadiyo.n ke aqiim
kaarvaa.n farKHanda-pai aur un kaa baar
kiisa kiisa taKHt-e-jam aur taaj-e-kai
kuuza kuuza fard kii satvat kii mai
jaama jaama roz-o-shab mehnat kaa KHai
naGma naGma hurriyat kii garm lai
saaliko firoz-baKHto aane vaale qaaflo
shahr se lauToge tum to paa.oge
ret ke sarhad pe jo ruuh-e-abad KHvaabiida thii
jaag uThii hai shikva-haa-e-nai se vo
ret kii tah me.n jo sharmiilii sahar ro.iida thii
jaag uThii hai hurriyat kii lai se vo
itnii doshiiza thii itnii mard-e-naa-diida thii sub.h
puuchh sakte the na us kii umr ham
dard se ha.nstii na thii
zarro.n kii ra.anaa.ii pe bhii ha.nstii na thii
ek mahjuubaana be-KHabarii me.n ha.ns detii thii sub.h
ab manaatii hai vo sahraa kaa jalaal
jaise izz-o-jal ke paa.nv kii yahii mehraab ho
zer-e-mehraab aa ga.ii ho us ko bedaarii kii raat
KHud janaab-e-izz-o-jal se jaise umiid-e-zafaaf
saare naa-karda gunaah is ke mu.aaf
sub.h-e-sahraa shaad-baad
ai uruus-e-izz-o-jal farKHanda ro taabinda kho
tuu ik aise hujra-e-shab se nikal kar aa.ii hai
dast-e-qaatil ne bahaayaa thaa jahaa.n har sej par
sai.nka.Do.n taaro.n kaa raKHshanda lahuu phuulo.n ke paas
sub.h-e-sahraa sar mire zaanuu pe rakh kar daastaa.n
un tamannaa ke shahiido.n kii na kah
un kii niima-ras uma.ngo.n aarzuu.o.n kii na kah
jin se milne kaa ko.ii imkaa.n nahii.n
shahd teraa jin ko nashsh-e-jaa.n nahii.n
aaj bhii kuchh duur is sahraa ke paar
dev kii diivaar ke niiche nasiim
roz-o-shab chaltii hai mub.ham KHauf se sahmii hu.ii
jis tarah shahro.n kii raaho.n par yatiim
naGma-bar-lab taaki un kii jaa.n kaa sannaaTaa ho duur
aaj bhii is reg ke zarro.n me.n hai.n
aise zarre aap hii apne Ganiim
aaj bhii is aag ke sho.alo.n me.n hai.n
vo sharar jo us kii tah me.n par-buriida rah ga.e
misl-e-harf naa-shuniida rah ga.e
sub.h-e-sahraa ai uruus-e-izz-o-jal
aa ki un kii daastaa.n dohraa.e.n ham
un kii izzat un kii azmat gaa.e.n ham
sub.h ret aur aag ham sab kaa jalaal
yak-dilii ke kaarvaa.n un kaa jamaal
aa.o
is tahliil ke halqe me.n ham mil jaa.e.n
aa.o
shaad-baaG apnii tamannaa.o.n kaa be-paayaa.n alaav

Noon Meem Rashid
Nazm

holi

'naziir' holii to hai har nagar me.n achchhii KHuub
va-lek KHatm hu.aa aagare pe ye usluub
kahaa.n hai.n aise sanam aur kahaa.n hai.n ye mahbuub
jinho.n ke dekhe se aashiq kaa hove taaza quluub
tirii niraalii hai yaa.n chaal-Dhaal holii me.n

Nazeer Akbarabadi
Nazm

machhli ki bu

bistar me.n leTe leTe
us ne sochaa
''mai.n moTaa hotaa jaataa huu.n
kal mai.n apne niile suiT ko
alter karne
darzii ke haa.n de aa.uu.ngaa
nayaa suiT do-chaar mahiine baa'd sahii!
darzii kii duukaan se lag kar
jo hotel hai
us hotel kii
machhlii testy hotii hai
kal khaa.uu.ngaa
lekin machhlii kii buu saalii
haatho.n me.n bas jaatii hai
kal saabun bhii laanaa hai
ghar aate
letaa aa.uu.ngaa
ab ke ''yardley'' laa.uu.ngaa
office me.n kal kaam bahut hai
boss agar naaraaz hu.aa to
do din kii chhuTTii le luu.ngaa
aur agar mood hu.aa to
chhe ke show me.n
''raam-aur-shyaam'' bhii dekh aa.uu.n gaa
picture achchhii hai saalii
nau se baara
club ramii
do din se luck achchhaa hai
kal bhii saaTh ruupe jiitaa thaa
aaj bhii tiis ruupe jiitaa huu.n
aur ummiid hai
kal bhii jiit ke aa.uu.ngaa
bas ab nii.nd aa.e to achchhaa
kal bhii
jiit ke
nii.nd aa.e to
ikkaa-dukkii nahla-dahla
ii.nT kii begam
machhlii kii buu
taash ke patte
joker joker
suiT pahan kar
moTaa-tag.Daa joker....
itnaa bahut saa soch ke vo
soyaa thaa magar
phir na uThaa!!
duusre din jab
us kaa janaaza
darzii kii duukaan ke paas se guzraa to
hotel se machhlii kii buu
duur duur tak aa.ii thii!!!

Mohammad Alvi
Nazm

ai watan ki sarzamin

terii KHaak me.n basii
maa.n ke duudh kii mahak
tere ruup me.n rachii
svarg lok kii jhalak
ham me.n hai.n kamii rahii
tujh me.n kuchh kamii nahii.n
ai vatan kii sarzamii.n

Sahir Ludhianvi
Nazm

zindagi

zindagii ik ga.Driye kaa lok-giit
zindagii aavaara la.Dko.n kaa dimaaG
zindagii mahruumii-e-masruufiyat
zindagii KHaana-badosho.n kaa faraaG

Mohammad Tanviruzzaman
Nazm

aaina dekhna

aa.ina dekhne kaa shauq hai vo
is kaa har shaKHs mubtalaa dekhaa
saamne aa.ine ke ban-Than kar
ham ne ahbaab ko kha.Daa dekhaa
ko.ii muuchho.n pe taa.o detaa hai
ko.ii Daa.Dhii sa.nvaartaa dekhaa
ko.ii kap.Do.n ko saaf kartaa hai
ko.ii mu.nh dekhtaa hu.aa dekhaa
shaana hai yaa barash hai yaa ruumaal
haath KHaalii na ek kaa dekhaa
shauq hai aam jaama-zebii kaa
jis ko dekhaa hai KHud-numaa dekhaa
dekhaa sab ne hii apnaa jism-o-libaas
lek ye tarfa maajraa dekhaa
dekhne se kabhii nahii.n serii
rose go chehra baarhaa dekhaa
apnii suurat ke sab hai.n shaidaa.ii
sab ko apnaa farefta dekhaa
suurat-e-zaahirii magar ai dost
jis ne dekhii hai us ne kyaa dekhaa
dekhne vaalaa us ko kahte hai.n
jis ne baatin bhii barmalaa dekhaa
dil kaa aa.iina paas hai sab ke
saaf aisaa kam aa.inaa dekhaa
mujh se puuchho to vo hai nek-nasiib
jis ne ye aa.ina zaraa dekhaa
suurat-e-haal hai KHabar paa.ii
aur apnaa buraa bhalaa dekhaa
nutq o atvaar diin aur iimaa.n
sab ko jaise hai.n barmalaa dekhaa
aur phir le ke sa.ii kaa ruumaal
naqs jo jo ki jaa-ba-jaa dekhaa
us kii is tarah se safaa.ii kii
ki na aa.nkho.n ne phir zaraa dekhaa
ye hai aa.iina dekhnaa ai dost
dekhaa is tarah to bajaa dekhaa

Suraj Narayan Mehr
Nazm

chand

ujjal ujjal komal komal chamkiilaa chamkiilaa chaa.nd
na.ii navelii dulhan jaisaa sharmiilaa sharmiilaa chaa.nd
vo dekho vo muskaata bal khaataa le kar a.ng.Daa.ii
ik baadal kii oT se niklaa chanchal shoKH sajiilaa chaa.nd
ujlii ra.ngat goraa mukh.Daa us pe rupahlii hai poshaak
taaro.n ke jhurmuT me.n kaisaa lagtaa hai bha.Dkiila chaa.nd
ruup anuup kii naav pe baiThaa kirno.n kii patvaar liye
niil gagan me.n tair rahaa hai sundar chhail-chhabiilaa chaa.nd
ham bhii chor sipaahii luk-chhup aa.nkh michaulii khele.nge
taaro.n ke sang khel rahaa hai uu.nchaa niichaa Tiila chaa.nd
ammii meraa chaa.nd to dekho baaluu-shaahii jaisaa hai
nik.hat baajii kaa hai kaisaa ka.Dvaa aur kasiilaa chaa.nd
kirno.n kii sii.Dhii ke sahaare chhat par to aa pahu.nchaa hai
aa.ngan me.n paanii na giraa.o ho jaa.egaa giilaa chaa.nd
chandaa maamuu.n chandaa maamuu.n kahte kahte mu.nh suukhe
phir bhii apne paas na aa.e ziddii aur haTiilaa chaa.nd
munnaa aaGuu.n aaGuu.n kar ke jab bhii apne paas bulaa.e
dham se aa.ngan me.n aa kuude 'aKHtar' ra.ng-ra.ngiilaa chaa.nd

Aleem Akhtar muzaffarnagri
Nazm

unT

laqq-o-daq sahraa me.n yaa maidaan me.n
yaa arab ke garm registaan me.n
saya-afgan hai na vaa.n ko.ii chaTaan
sard paanii kaa na dariyaa kaa nishaan
chilchilaatii dhuup hai aur chup havaa
vaa.n parinda bhii nahii.n par maartaa
tuu vahaa.n ke marhale kartaa hai tai
din-ba-din aur hafta hafta pai-ba-pai
qiimtii ashyaa hai.n terii pusht par
taajiro.n kaa resham aur shaaho.n kaa zar
toda toda tere uupar lad rahaa
hai bharaa goyaa jahaaz-e-pur-bahaa
chand hafte jab ki jaate hai.n guzar
aur thakaa detaa hai raakib ko safar
uu.nT! ghabraataa nahii.n tuu baar se
dekhtaa hai us kii jaanib pyaar se
goyaa kahtaa hai ki ai mere savaar
ek din tuu aur bhii himmat na haar
haa.n na be-dil ho na raste me.n ThiThak
saaf sar-chashma hai aage dhar lapak
mujh ko aatii hai havaa se buu-e-aab
naa-umiidii se na kar tuu iztiraab
uu.nT tuu kartaa hai us kii rahbarii
yuu.n banaa detaa hai raakib ko jarii
aaKHirash manzil pe pahu.nchaataa hai tuu
aur suukhe KHaar-o-KHas khaataa hai tuu
sabr se kartaa hai tai raah-e-daraaz
sach kahaa hai tuu hai KHushkii kaa jahaaz
al-Garaz tuu hai haliim o KHush-KHisaal
tarbiyat me.n chhoTe bachcho.n kii misaal

Ismail Merathi
Nazm

raqs

ye sard daalaan
is se aage Gulaam-gardish
ye laq-o-daq sahn Dev.Dhiyaa.n aur ba.Daa ahaata
mire jilau me.n
ye kaisii parchhaa.iyaa.n sii har samt raqs kartii guzar rahii hai.n
ye mere aabaa ke zar-KHariid aur Gulaam hai.n sab
hazaaro.n ruuhe.n ba-yak zabaa.n chiiKHtii ho.n jaise
Gulaam gardish me.n
ghu.ngruu.o.n kii ye kaisii chham-chham baras rahii hai

Ishrat Afreen
Nazm

jila-watan hone se pahle

is KHabar ke aane ke ba.ad
mai.n apne ghar kii khi.Dkiyaa.n
band kartii huu.n
bijlii ke taar switch-off kar detii huu.n
freeze me.n rakhaa khaanaa
pa.Dos me.n de detii huu.n
bachaa hu.aa duudh galii kii billii ke aage
Daal detii huu.n
aur ek gilass ThanDaa paanii piitii huu.n
tamaam darvaaze lock kar ke
sa.Dak par nikal jaatii huu.n
dopahar se pahle
yaa raat ke kisii pahar
sarkaarii gaa.Dii me.n
sarkaarii murda-KHaane me.n
mujhe baaqii jilaa-vatano.n ke saath
phe.nk diyaa jaa.egaa
aur ek KHabar chhapegii
mulzima fulaa.n-bint-e-fulaa.n ke ghar
puraane sanduuq me.n
puraane kap.Do.n kii taho.n me.n
bahut sii nazme.n
qaabil-e-e'tiraaz haalat me.n paa.ii ga.ii.n

Azra Abbas
Nazm

panchhi te pardesi

parinde aur pardesii
agar vaapas kabhii aa.e.n to
saare lok giito.n daastaano.n
aur miTTii me.n amaanat kii hu.ii aa.nkho.n ko
apne saath le jaa.e.n!

Bushra Ejaz
Nazm

na-KHalaf mizaj ki musaddaqa taslimat

mere badan kii chaar diivaarii ke liye
khanaktii hu.ii miTTii kam thii
is liye KHudaa ne aa.nkho.n me.n kaa.nch bhar diyaa
aur jahannam ke lapakte hu.e sho.alo.n kii jalan lahuu me.n rakh dii
mere haatho.n me.n laq-o-daq sahraa.o.n kii retiilii vahshat
chabaa.e hu.e aks kii lakiire.n banaatii rahtii hai
aur zehn ke riste hu.e patiile me.n
din bhar bardaasht kaa laavaa khaultaa hai

Sidra Sahar Imran
Nazm

purani diwar

puraanii bahut puraanii kaa.ii lagii diivaar
lakhorii ii.nTo.n kii
itihaas ne apne lambe lambe haatho.n se jo.Do.n ko jis ke baa.ndhaa hai
aur gulaabii bhuure sabz mile-jule dhabbo.n se jis par laakh kahaanii
likh Daalii hai
albelii kirne.n roz sub.h chupke se us par cha.Dh jaatii hai.n
idhar udhar phir jhaa.nktii hai.n
aur ek ek karke dabe paa.nv
kono.n me.n is ke luk jaatii hai.n
dau.D dau.D kar aa.nkh-michaulii kheltii hai.n
lajjaa se chuur lataa nihu.Daa.e sar muskaatii hai
halke se us ke daaman se do-chaar phuul Tapak jaate hai.n
sahar uThtaa hai sabza
aasmaan ne aaj use phir
rang lataafat KHushbuu kaa ye komal tohfa
bhe.nT kiyaa hai
man us kaa ye daulat
paa kar bhii bhar aataa hai
ye aanand anant nahii.n hai
magar yahii sparsh
hazaaro.n taaro.n me.n jiivan duniyaa ke
ras bhartaa hai
aur phir is se aise raag nikalte hai.n
jo kabhii nahii.n marte
is diivaar ke saa.e me.n
is upvan me.n
sard kha.De hai.n bilkul siidhe
saakit chup
ashok ba.Dii gambhiir soch me.n gum
puraane mandir jaise
ka.nval kii kaliyaa.n
harii harii saarii phailaa.e
tair rahii hai.n
aur favvaara halke halke yuu.n chaltaa hai
jaise sub.h ko baalak
so.ii maa.n ke Dar se
sisak sisak kar bilke

Sajjad Zaheer
Nazm

suhana KHwab

jaise saraabo.n kaa piichhaa karte karte laq-o-daq sahraa me.n
achaanak naKHlistaan mil jaataa hai
jaise kuu.De karkaT ke Dher me.n
KHuubsuurat phuul khil jaate hai.n
jaise Tu.nDmu.nD daraKHto.n par
na.ii ko.nple.n phuuT nikaltii hai.n
jaise chaar suu chhaa.ii hu.ii KHaamoshii me.n
diivaanii koyal kuuk uThtii hai
jaise maayuusiyo.n aur tanhaa.iyo.n me.n
mahbuub kii bhuulii bisrii yaad aa jaatii hai
jaise kaale baadalo.n ke piichhe se
chamaktaa chaa.nd nikal aataa hai
jaise hijr kii lambii raat ke ba.ad
sub.h-e-visaal tuluu.a ho jaatii hai
vaise hii zindagii kaa bojh sahte sahte
maut ek suhaanaa KHvaab ban jaatii hai
aur KHudaa kii ne.amato.n me.n se
ek ne.amat

Mohammad Haneef Rame
Nazm

firing

firing ho rahii hai
firing ho rahii hai
cricket khelte hu.e bachche
shor machaate hai.n
magar ghar me.n nahii.n jaate
jaise firing ek jadiid lok giit hai
jis kii dhun par
shor machaate dau.Dte hu.e
cricket khelii jaa saktii hai
yaa phir
bachcho.n gintii sikhaane kaa
ko.ii nayaa tariiqa
vo rozaana ek se das
das se sau
aur phir baGair ruke sau se hazaar tak jaa pahu.nche hai.n
magar firing band nahii.n hotii
vo musalsal jaarii rahtii hai

Zeeshan Sahil
Nazm

kitni sundar titli hai

diide lak lak
karte Tuk Tuk
la.al javaahar titlii hai

Ataur Rahman Tariq
Nazm

lok-gatha ka jadu

is ik lok gaathaa ne
bachpan ke vo din
mujhe phir dilaa.e hai.n yaad
ki jab mai.n ka.ii baar
paapaa ki godii me.n baiThii
ba.Dii aa.nkh vaale
bhayaanak ba.De azhdahaa kii kathaa sun rahii thii
jise shaahzaade ne hii maar Daalaa thaa aaKHir
ye kuchh is tarah lag rahaa thaa
ki jaise ye kal hii hu.aa ho
bhaya.nkar nazar aane vaalaa ba.Daa azhdahaa jab
idhar shaahzaade ko khaane ko lapkaa
to mai.n ne jhaT apnaa chehra
chhupaa Daalaa paapaa ke kaa.ndho.n ke biich
yahii jaan kar mere paapaa bachaa le.nge mujh ko
agar azhdahe ne yahii faisla kar liyaa ho ki meraa badan
shaahzaade se ziyaada laziiz hii to hogaa
jo ab is qadar apne paapaa se duur
miluu.n azhdahaa se
la.Duu.ngii mai.n us se zaruur
apne paapaa kii gahrii mohabbat ke bal par
ki vo azhdahaa ab bhii rahtaa hai
tahziib ke maare logo.n ke biich
ki aaKHir mire paapaa kii lok-gaathaa.o.n ne hii
dikhaayaa hai mujh ko
ki achchhaa.iyo.n hii kii hotii jiit is jahaa.n me.n
chunaa.nche mujhe jis qadar apne paapaa pe pakkaa yaqii.n hai
un kii sab lok-gaathaa.o.n par bhii hai utnaa yaqii.n

Anjum Shakeel
Nazm

wapsi ki KHwahish

vo barfaanii raat
baadaam aKHroT aur sattuu
sarmaa kaa shahd aur saag kii KHushbuu
aur ik lok kahaanii me.n gum
aag ke gird
mai.n aur tum

Yameen
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now