Search result for "an-mit" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "an-mit"

Nazm MATCHES FOR "an-mit"

Nazm

aao mil kar chalen

aa.o mil kar chale.n
aa.o mil kar chale.n
ek duuje kaa ab ham sahaaraa bane.n

Saqib Mahmood

Nazm

sang-e-mil

vo ek patthar
ki jis se TuuTe
samundaro.n kaa sukuut aksar
vo ek patthar
ki jis ko phe.nkaa hai
dosto.n ne hamaare sar par
vo ek patthar
ki jis se larze hai.n
saare shiisha-nagar ke ghar ghar
vahii milaa sang-e-miil ban kar

Jamal Naqvi

Nazm

sang-e-mil

vo ek patthar
vo saKHt kaalaa siyaah patthar
lahuu se tar
jis kii tiirgii naag ban ke Dastii thii
jis kii saKHtii se kohsaaro.n ke dil dahalte the
jis kii KHuu.n-tishnagii se komal shajar faqat Tahniyo.n kii hasrat ke zaaviye the
vo ek patthar
jo tuu ne phe.nkaa
mire samundar me.n harakat-e-laa-zavaal kaa ek taaziyaana banaa
vo lahre.n uTThii.n
ki KHaamosh chaa.ndnii kii rupahlii chaadar bhii thartharaa.ii
vo jhaag kaa nuur tiirgii ke siyaah pardo.n ko chaak karne lagaa
vo shiishe kii ek diivaar
jis ko tuu ye samajh rahaa thaa
ki ek Thokar se chuur hogii
vo ek sone kaa thaal ban kar damak rahii hai

Ejaz Farooqi

Nazm

azim sach

mire KHudaayaa
bichha.D na jaa.e
jo mujh se ab tak milaa nahii.n hai
vo merii raato.n kaa rat-jagaa bhii
hai mere KHvaabo.n kii chaa.ndnii bhii
mai.n us ko dekhuu.n
to sub.h nikhre
mai.n us ko sochuu.n
to shaam mahke
vo mere aa.ngan me.n paa.nv rakkhe
to kahkashaa.n aasmaa.n se utre
mire KHayaalo.n se us kaa rishta
tamaam rishto.n kii
saarii sachchaa.iyo.n se bartar
aTuuT an-miT aziim rishta
mirii du.aa hai
vo shaKHs
is shahr-e-aarzuu se
jo ab ke jaa.e
aziim sach us ke saath jaa.e

Naushaba Nargis

Nazm

KHushi ka shahr

aa.o mil kar sapnaa dekhe.n
ulaT palaT kar is duniyaa ko
manzar ko.ii apnaa dekhe.n
vaqt kii ye diivaar giraa kar
vaqt se tho.Daa aage jaa kar
hare bhare maidaano.n vaalaa
ba.De ba.De daalaano.n vaalaa
duniyaa se duur ik kone me.n
shahr KHushii kaa bastaa dekhe.n
jis me.n sab ko ha.nstaa dekhe.n

Ashfaq Amir

Nazm

ek zindagi aur mil jae

agar mujhe ek zindagii
aur mil jaa.e
to mai.n apne safar ko
apne asbaab ke saath
baa.ndh kar rakhkhuu.n

Azra Abbas

Nazm

aao mil kar khelen kho kho

bandar bolaa saathii aa.o
ham sab mil kar khele.n kho kho
lekin chuhiyaa kuchh na bolii
chupke chupke khele golii
baara-singhe kaa kahnaa hai
cricket sab se khel achchhaa hai
giida.D bhii ho gayaa nikhaTTuu
chho.D pa.Dhaa.ii khele laTTuu
bhaaluu kii mazbuut hai haDDii
roz kheltaa KHuub kabaDDii
haathii apnaa naam hai kartaa
hai mister KHargosh kaa kahnaa
dau.D bhaag kaa khel hai achchhaa
billii ne jab khaayaa anDaa
vo le aa.ii gillii Da.nDaa
saare mil kar khel rahe the
itne me.n un ke piichhe se
sher jab aayaa un ke aage
sab apnii dum dabaa ke bhaage

Faryad Aazar

Nazm

main ek sang-e-mil hun

mai.n ek sa.ng-e-miil huu.n
har musaafir merii jaanib
dekhtaa hai laa-shu.uurii taur par
aur apne zehn me.n rakkhe hu.e
har qadam tasKHiir-e-manzil kaa KHayaal
ba.Dhtaa jaataa hai vo apnii raah par
bebasii kaa merii aalam dekhiye
jaamid-o-saakit huu.n mai.n apnii jagah
kyuu.n ki
mai.n ek sa.ng-e-miil huu.n
jaane kitne log guzre
aur guzre.nge isii ik raah se
har kisii ko apnii manzil kii hai dhun
ko.ii ha.nstaa aur ko.ii rotaa hai
ko.ii apnii fikr me.n Duubaa hu.aa
tund tuufaa.n kii tarah ba.Dhtaa ko.ii
la.Dkha.Daate paa.nv aur thakan se chuur jism
sab ke chehro.n kaa ta.assur
dekhtaa rahtaa huu.n mai.n
har musaafir ke ta.ii.n
sochtaa rahtaa huu.n mai.n aksar yahii
us kii manzil us ko mil paa.egii kyaa

Amanullah Khalid

Nazm

aazadi ka baja

aa.o mil kar aaj bajaa.e.n aazaadii kaa baajaa
bhaarat des pe raaj hai apnaa gayaa fara.ngii raaja

Syeda Farhat

Nazm

miTTi ka diya

jhuTpuTe ke vaqt ghar se ek miTTii kaa diyaa
ek bu.Dhiyaa ne sar-e-rah laa ke raushan kar diyaa
taaki rah-giir aur pardesii kahii.n Thokar na khaa.e.n
raah se aasaa.n guzar jaa.e har ek chhoTaa ba.Daa
ye diyaa behtar hai un jhaa.Do.n se aur us lamp se
raushnii mahlo.n ke andar hii rahii jin kii sadaa
gar nikal kar ik zaraa mahlo.n se baahar dekhiye
hai a.ndheraa ghup dar-o-diivaar par chhaayaa hu.aa
surKH-ruu aafaaq me.n vo rahnumaa miinaar hai.n
raushnii se jin kii mallaaho.n ke be.De paar hai.n

Altaf Hussain Hali

Nazm

waqt ka taqaza

chalo aa.o mil-jul ke baiThe.n zaraa ham
hai kyo.n itnii nafrat ye soche.n zaraa ham

Faraaz Arif

Nazm

accident

mujh se roz yahii kahtaa hai pakkii sa.Dak par vo kaalaa saa daaG jo kuchh din pahle
surKH lahuu kaa thaa ik chhii.nTaa chiknaa giilaa chamkiilaa chamkiilaa
miTTii us pe girii aur mailii sii ik pii.Dhii us par se utrii
aur phir sinduurii saa ik KHaaka ubhraa
jo ab pakkii sa.Dak par kaalaa saa dhabba hai
pisii hu.ii bajrii me.n jazb aur jaamid an-miT
mujh se roz yahii kahtaa hai pakkii sa.Dak par maslaa hu.aa vo daaG lahuu kaa
mai.n ne to pahlii baar us din
apnii ra.ng-bira.ngii qaasho.n vaalii ge.nd ke piichhe
yuu.n hii zaraa ik jast-bharii thii
abhii to meraa roGan bhii kachchhaa thaa
kis ne u.nDel diyaa yuu.n mujh ko is miTTii par
uu.n uu.n mai.n nahii.n miTtaa mai.n to huu.n ab bhii huu.n
mai.n ye sun kar Dar jaataa huu.n
kaalii bajrii ke roGan me.n jiine vaale is ma.asuum lahuu kii kaun sunegaa
mamtaa bik bhii chukii hai chand Tako.n me.n
qaanuun aa.nkhe.n miiche hu.e hai
qaatil pahiye be-pahraa hai.n

Majeed Amjad

Nazm

bhulti hui yaad

tumhe.n jab yaad kartaa huu.n to ik miTtii hu.ii duniyaa
mirii aa.nkho.n ke aa.iine me.n pahro.n jhilmilaatii hai
kahii.n dam ghuT rahaa hai muskuraate surKH phuulo.n kaa
kahii.n kaliyo.n ke siine me.n havaa ruk ruk ke aatii hai
kahii.n kajlaa ga.e hai.n din ke chamkaa.e hu.e zarre
kahii.n raato.n kii ha.nstii raushnii Gam me.n nahaatii hai
vahii duniyaa jo kal tak dil kaa daaman thaam letii thii
usii duniyaa ke har zarre me.n ab be-iltifaatii hai
tamannaa apnii naakaamii pe kaa.np uThtii hai yuu.n jaise
baguule me.n ko.ii suukhii sii pattii thartharaatii hai
ghane kohre me.n jaise Dha.nkte jaate ho.n hare sabze
yuu.n hii biite dino.n kii shakl dhundlii pa.Dtii jaatii hai
javaanii kii a.ndherii raat aadhii bhii nahii.n guzrii
mohabbat ke diye kii lau abhii se thartharaatii hai

Ali Jawad Zaidi

Nazm

sang-e-mil pahron chalta hai

aasmaan ke siine me.n Gam charKHaa kaat rahaa hai
sang-e-miil
pahro.n chaltaa hai aur saakit hai
raat mujh se pahle jaag ga.ii hai
libaas par pa.De hu.e dhabbe
mere bachcho.n ke dukh the

Sara Shagufta

Nazm

ab dhup chaDhi diwaron par

ab vaqt-e-safar aa pahu.nchaa hai aa mil baiThe.n do-chaar gha.Dii
jab pahle-pahal tum aa.e the aaGaaz-e-sahar kaa mela thaa
kuchh kirne.n maddham maddham thii.n kuchh ujlaa ujlaa dhu.ndlakaa thaa
kuchh aisii uma.nge.n thii.n dil me.n
jo sarkash bhii ma.asuum bhii thii.n
kuchh hastii boltii nazre.n thii.n
jo shoKH bhii be-mafhum bhii thii.n
suuraj kii ubhartii kirne.n bhii yuu.n khel rahii thii.n pahaa.Do.n par
jis tarah havaa a.ngaaro.n par
nazre.n thii.n mirii kohsaaro.n par
phir dhuup cha.Dhii mausam badlaa
haalaat kii gardish tez hu.ii
baahar kii fazaa haijaanii thii
andar ke talaatum KHez hu.ii
kuchh aisii balaa kii shiddat se Takraa.o hu.aa tuufaano.n kaa
jo qadre.n thii.n paamaal hu.ii.n
jo KHvaab the chaknaa-chuur hu.e
chand ek lamhe haa.n lekin
fardaa ke jo KHadd-o-KHaal bane
jo haal se istiqbaal bane
kuchh yaade.n jii kaa vabaal hu.ii.n
kuchh zaKHm ki jo naasuur bane
kuchh ashk jo Gaalib aa ke rahe tuufaan ke sarkash dhaaro.n par
tuufaa.n ke thape.Do.n me.n bhii kabhii
jab mu.D ke dekhaa kinaaro.n par
paa.nv the anaa kii rakaabo.n me.n nazre.n thii.n mirii kohsaaro.n par
ab din kaa mela KHatm hu.aa
ab dhuup cha.Dhii diivaaro.n par
ab a.ndhiyaaro.n kaa mela hai Gaaro.n shahro.n kohsaaro.n par
ab raakh cha.Dhii a.ngaaro.n par
ab vaqt-e-safar aa pahu.nchaa hai aa mil baiThe.n do-chaar gha.Dii

Rabia Fakhri

Nazm

yagangat

zamaane me.n ko.ii buraa.ii nahii.n hai
faqat ik tasalsul kaa jhuulaa ravaa.n hai
ye mai.n kah rahaa huu.n
mai.n ko.ii buraa.ii nahii.n huu.n zamaana nahii.n huu.n tasalsul kaa jhuulaa nahii.n huu.n
mujhe kyaa KHabar kyaa buraa.ii me.n hai kyaa zamaane me.n hai aur phir mai.n to ye bhii kahuu.ngaa
ki jo shai akelii rahe us kii manzil fanaa hii fanaa hai
buraa.ii bhalaa.ii zamaana tasalsul ye baate.n baqaa ke gharaane se aa.ii hu.ii hai.n
mujhe to kisii bhii gharaane se ko.ii ta'alluq nahii.n hai
mai.n huu.n ek aur mai.n akelaa huu.n ek ajnabii huu.n
ye bastii ye jangal ye bahte hu.e raste aur dariyaa
ye parbat achaanak nigaaho.n me.n aatii hu.ii ko.ii uu.nchii imaarat
ye uj.De hu.e maqbare aur marg-e-musalsal kii suurat mujaavir
ye ha.nste hu.e nanhe bachche ye gaa.Dii se Takraa ke martaa hu.aa ek andhaa musaafir
havaa.e.n nabaataat aur aasmaa.n par udhar se udhar aate jaate hu.e chand baadal
ye kyaa hai.n
yahii to zamaana hai ye ek tasalsul kaa jhuulaa ravaa.n hai
ye mai.n kah rahaa huu.n
ye bastii ye jangal ye raste ye dariyaa ye parbat imaarat mujaavir musaafir
havaa.e.n nabaataat aur aasmaa.n par udhar se udhar aate jaate hu.e chand baadal
ye sab kuchh ye har shai mire hii gharaane se aa.ii hu.ii hai
zamaana huu.n mai.n mere hii dam se an-miT tasalsul kaa jhuulaa ravaa.n hai
magar mujh me.n ko.ii buraa.ii nahii.n hai
ye kaise kahuu.n mai.n
ki mujh me.n fanaa aur baqaa dono.n aa kar mile hai.n

Meeraji

Nazm

aage baDhne wale

aage ba.Dhne vaale
badan ko kap.Do.n par o.Dhte
aur chhuriyaa.n tez kar ke nikalte hai.n
bhii.D ko chiir kar raasta banaate
naaKHuno.n se noch lete hai.n
libaas aur izzate.n-
surKH mircho.n se har aa.nkh ko andhaa kar dete hai.n
aur ba.Dh jaate hai.n
ra.uunat-bharii muskuraahaT ke saath
chiiKHte aur chup karaa dete hai.n
sar-e-aam raqs karte hai.n
aur gaa.Diyaa.n Takraa jaatii hai.n
la.Dke la.D pa.Dte
mard, patluune.n kas lete
aur buu.Dhe, tambaakuu me.n
gu.D kii miqdaar ba.Dhaa dete hai.n
ko.ii mez un ke saamne jamaa nahii.n rah saktaa
aur ko.ii mahfil
un kaa daaKHila rok nahii.n saktii
vo Thokar se darvaaza kholte hai.n
aur har kursii un ke liye KHaalii ho jaatii hai
un ke dabdabe se
diivaaro.n ke palastar ukha.D jaataa hai
kaaGaz, shor karnaa bhuul jaate hai.n
aur mausam, iraada tabdiil kar lete hai.n
aage ba.Dhne vaalo.n se panaah maa.ngte hai.n
un ke saath
Darte hai.n
zamiin par jhuk kar chalne vaale
bojhal KHaamoshii se unhe.n dekhte
aur guzar jaate hai.n
aage ba.Dhne vaale nahii.n jaante
ki aage ba.Dhaa jaa hii nahii.n saktaa
phir bhii vo ba.Dhte hai.n
pahu.nch kar dam lete hai.n
be-hayaa.ii kii shiddat
aa.nkho.n me.n
motiyaa utarne kii raftaar tez kar detii hai
har tane kii chhaal
badan par an-miT KHaraashe.n chho.D jaatii hai
phiTkirii aur vezliin se chiknaayaa hu.aa maas
haDDiyo.n se hamesha ju.Daa nahii.n rah saktaa
har badan aur har kursii kii
ek umr hu.aa kartii hai
aur phir ham unhe.n dekh sakte hai.n
ek din
lipTe hu.e libaas me.n
KHalaa ko ghuurte hu.e
kisii niim-taariik nasheb me.n
par-kaTe parinde kii tarah
miTTii par loTte hu.e
aage ba.Dhne kii paiham koshish me.n

Abrar Ahmad

Nazm

tarana-e-watan

terii dhartii ko jhuk jhuk ke chuume gagan zindabaad ai vatan
tere zarro.n me.n hai.n chaa.nd suuraj magan zindabaad ai vatan
terii nadiyo.n me.n amrit kii mauje.n ravaa.n
terii jhiilo.n me.n aab-e-shifaa kaa samaa.n
terii nahro.n me.n hai daulat-e-jaavedaa.n
tere jharno.n me.n kundan kaa nikhre badan zindabaad ai vatan
ye himaala tiraa jis ko chuume falak
husn-e-kashmiir hai KHuld kii ik jhalak
taaj kii zau pe hairaa.n hai.n jinn-o-malak
terii 'azmat kii shobhaa ajantaa kaa fan zindabaad ai vatan
husn-e-charKH-e-barii.n terii parchhaa.iyaa.n
jannato.n kaa yaqii.n terii raa'naa.iyaa.n
raahato.n kaa amii.n terii purvaa.iyaa.n
terii a.ng.Daa.iyaa.n amn kaa baa.nkpan zindabaad ai vatan
terii shaamo.n se jashn-e-charaaGaa.n kii lau
terii sub.ho.n kii muskaan me.n kaif-e-nau
terii raato.n ke jalvo.n me.n fitrat kii zau
terii tanhaa.ii hai rashk-e-sad-anjuman zindabaad ai vatan
terii ho.nTo.n ko puuje madhur baa.nsurii
terii godii me.n khele.n kalaa raagnii
shyaam liilaa adaa terii muskaan kii
tere naGmo.n kii lai raadhiikaa kii lagan zindabaad ai vatan
tere mizhgaa.n pe kailaash kaa naaz KHam
tere maathe ko chuume jamaal-e-iram
paa.o.n dho.e tiraa husn-e-rameshwaram
terii baa.nho.n kaa ehsaan gang-o-jaman zindabaad ai vatan
tere bangaal-o-madras fikr-o-nazar
'azm punjab gujraat KHuun-e-jigar
terii u.p zabaa.n nutq dillii nagar
bamba.ii shaan armaan arz-e-dakan zindabaad ai vatan
zehn keral to mysore tadbiir hai
raajpuutaana baazuu kii shamshiir hai
madhya pardesh KHvaabo.n kii taa'biir hai
tere an-miT bihaar-o-u.Diisa hai.n dhan zindabaad ai vatan
giit tagore ke har Gazal 'miir' kii
yaa'nii parchhaa.iyaa.n husn-e-tanviir kii
yaa lakiire.n hasii.n terii tasviir kii
teraa har naqsh mauzuu'-e-she'r-o-suKHan zindabaad ai vatan
tere ehsaas-e-vahdat me.n naanak pale
raaste me.n ahinsaa ke 'gautam' chale
bazm-e-chishtii me.n tere hii diipak jale
tujh se duniyaa ne apnaa sa.nvaaraa chalan zindabaad ai vatan
motiyo.n kii tire khet me.n baaliyaa.n
tere khaliyaan hiiro.n bharii thaaliyaa.n
jhuule.n baaGo.n me.n yaaquut kii Daaliyaa.n
terii miTTii se laa'l aur javaahar kaa pan zindabaad ai vatan

Bekal Utsahi

Nazm

jangal

aa.o mil kar pe.D lagaa.e.n
pe.Do.n se hariyaalii laa.e.n

Kausar Siddiqi

Nazm

jago aur jagao

aa.o mil kar qadam ba.Dhaa.o
KHud jaago auro.n ko jagaa.o

Syeda Farhat

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now