Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "prado"

Nazm MATCHES FOR "prado"

Nazm

saDak

sa.Dak masaafat kii ujlato.n me.n
ghire hu.e sab musaafiro.n ko
ba-Gaur fursat se dekhtii hai
kisii ke chehre pe surKH vahshat chamak rahii hai
kisii ke chehre se zard hairat chhalak rahii hai
kisii kii aa.nkhe.n harii-bharii hai.n
kabiir had se ubhar rahaa hai
saGiir qad se guzar rahaa hai
kisii kaa tyre kisii ke pahiye ko khaa rahaa hai
kisii kaa juutaa kisii kii chappal chabaa rahaa hai
kisii ke pairo.n me.n aa rahaa hai kisii kaa bachcha
kisii kaa bachcha kisii ke shaane pe jaa rahaa hai
ko.ii Thikaane pe ko.ii khaane pe jaa rahaa hai
habiib dast-e-raqiib thaame
Gariib-KHaane pe jaa rahaa hai
amiir pi.njra banaa rahaa hai
Gulaam kartab dikhaa rahaa hai
aur apne beTe ke saath chhat par
amiin kunDaa lagaa rahaa hai
nizaam Taa.nga chalaa rahaa hai
kisii kalaa.ii pe jagmagaatii hu.ii gha.Dii hai
magar abhii vo rukii hu.ii hai
kisii ke chehre pe baara bajne me.n paa.nch second rah ga.e hai.n
kisii kii haathii-numaa prado
sa.Dak se aise guzar rahii hai
sivaa.e is ke kahii.n bhii jaise ko.ii nahii.n ho
kisii kii mo.nchhe.n jhukii hu.ii hai.n
kisii kii baa.nchhe.n khilii hu.ii hai.n
kisii kii taxi kisii kii foksii milii hu.ii hai.n
kisii ke lab aur kisii kii aa.nkhe.n silii hu.ii hai.n
kisii ke kap.De phaTe hu.e hai.n
kisii kii pag.Dii chamak rahii hai
kisii kii ra.ngat kisii kii Topii u.Dii hu.ii hai
shariif nazre.n uThaa uThaa kar
kamaan jismo.n pe apnii vahshat ke tiir kab se chalaa rahaa hai
naziir nazre.n churaa rahaa hai
nafiis apne cluff kii shikno.n ko ro rahaa hai
hakiim apne matab ke shiisho.n ko dho rahaa hai
kisii kii aa.nkho.n ke dhu.ndle shiisho.n me.n us ke maazii kii jhalkiyaa.n hai.n
kisii kii aa.nkho.n me.n aane vaale hasiin lamho.n kii mastiyaa.n hai.n
kisii kii aa.nkho.n me.n rat-jago.n kii kuchh arGavaanii sii Doriyaa.n hai.n
kisii ke kaa.ndhe pe us ke KHvaabo.n kii boriyaa.n hai.n
kabaa.D-KHaane pe baasii Tuk.Do.n kii or kitaabo.n kii boriyaa.n hai.n
buzurg bargad ke niiche buu.Dhaa kha.Daa hu.aa hai
aur us ke haatho.n me.n tape lipTii hu.ii chha.Dii hai
police kii gaa.Dii pikiT lagaa kar
sa.Dak pe tirchhii kha.Dii hu.ii hai
aur ek mazduur apnaa daaman uThaa.e be-bas kha.Daa hu.aa hai
aur ik sipaahii ki us ke nefe me.n u.ngliyo.n ko ghumaa rahaa hai
vahii.n pe shaahid siyaah chashma lagaa ke KHud ko chhupaa rahaa hai
news channel kii chhoTii gaa.Dii ba.Dii KHabar kii talaash me.n hai
do sabzii vaale bhii apnii pherii lagaa rahe hai.n
to phuul vaale ke sar pe phuulo.n kii Tokarii hai
kisii kii aa.nkho.n me.n naukrii hai
kisii kii aa.nkho.n me.n chhokrii hai
vaqaar sar ko jhukaa rahaa hai
faraaz khaa.ii me.n jaa rahaa hai
to giilii cigarette ke kash lagaa kar
navaab rickshaw chalaa rahaa hai
saliim kannii ghumaa rahaa hai
vakiil vardii me.n jaa rahaa hai
zamiir baGle.n bajaa rahaa hai
aur ek vaa.iz bataa rahaa hai
KHudaa ko naaraaz karne vaale jahannamii hai.n
KHudaa ko raazii karo KHudaaraa
KHudaa ko raazii karo KHudaaraa
aur us ke aage nasiir akmal kamaal shaadaab Gulaam saare
nazar jhukaa.e kha.De hu.e hai.n
ki chashm-e-biinaa agar kahii.n hai
to samjho paataal tak ga.Dhii hai
kisii ko a-c KHariidnaa hai
kisii ko pii sii KHariidnaa hai
kisii kii bas aur kisii kii bii-sii nikal rahii hai
aqiila KHaala ke dono.n haatho.n me.n aaTh thaile laTak rahe hai.n
aur aate jaate sabhii musaafir
unhe.n musalsal khaTak rahe hai.n
ziyaa a.ndhere me.n jaa rahaa hai
gulaab kachraa jalaa rahaa hai
aziim makkhii a.Daa rahaa hai
kaliim guTkaa chabaa rahaa hai
to ghanTa-package pe jaane kab se
fahiim gappe.n la.Daa rahaa hai
sabaq musaavaat kaa sikhaane
vaziir gaa.Dii me.n jaa rahaa hai
sanaa nidaa ko na.e latiife sunaa rahii hai
hinaa hathelii ko takte takte puraane raste se aa rahii hai
aur apnii bhaavaj kaa haath thaame
zubaida check-up ko jaa rahii hai
vo apnii nazre.n kabhii idhar ko kabhii adhar ko gumaa rahii hai
magar ko.ii shai use musalsal bulaa rahii rahii hai
ajiib ujlat ajiib vahshat ajiib Gaflat kaa maajraa hai
kahuu.n mai.n kis se mire KHudaayaa ye kaisii KHilqat kaa maajraa hai
ki apnii mastii me.n mast ho kar
ye sab musaafir guzar rahe
na.e musaafir ubhar rahe hai.n
sa.Dak jahaa.n thii vahii.n kha.Dii hai
magar haqiiqat bahut ba.Dii hai
sa.Dak pe billii marii pa.Dii hai

Imran Shamshad Narmi
Nazm

baDhe chalo

uTho uTho uTho uTho
kamar kaso kamar kaso
sahar se pahle chal pa.Do
ka.Dii hai raah dosto
thakan kaa naam bhii na lo
ba.Dhe chalo ba.Dhe chalo

Ahmaq Phaphoondvi
Nazm

safar aur musafir

sub.h jaldii se safar par chal pa.Do
shab se pahle ghar ko tum lauT aa.iyo

Hafiz Karnataki
Nazm

baDhe chalo

uTho uTho uTho uTho
kamar kaso kamar kaso
sahar se pahle chal pa.Do
ka.Dii hai raah dosto
thakan kaa naam bhii na lo
ba.Dhe chalo ba.Dhe chalo
jhijak na dil me.n laa.o tum
bas ab qadam uThaa.o tum
zaraa na Dagmagaa.o tum
KHudaa se lau lagaa.o tum
maluul-o-muztarib na ho
ba.Dhe chalo ba.Dhe chalo
uThaa diyaa qadam agar
to KHatm hai bas ab safar
hai raah saaf-o-be-KHatar
na ko.ii KHauf hai na Dar
chale chalo ba.Dhe chalo
ba.Dhe chalo ba.Dhe chalo
tumhaare ham-safar jo the
vo manzilo.n pe jaa lage
sab aage tum se ba.Dh ga.e
magar ho tum pa.De hu.e
zaraa samajh se kaam lo
ba.Dhe chalo ba.Dhe chalo
dilo.n me.n jo ho valvala
to Daal doge zalzala
rahe buland hausla
vo saamne hai marhala
vahii.n pahu.nch ke saa.ns lo
ba.Dhe chalo ba.Dhe chalo

Mohammad Mustafa Khan Maddah
Nazm

Intizar

kabhii tum ha.ns pa.Do
kabhii

Aslam Emadi
Nazm

jawaz

pyaare la.Dko pataa hai KHudaa ne tumhe.n kyuu.n banaayaa hai
is liye ki tum har har us muhim me.n be-KHatar kuud pa.Do jo ba.De sar karnaa chaahte the
lekin buz-dilii yaa KHauf kii vaj.h se na kar sake

Mohammad Haneef Rame
Nazm

parchhain ka safar

ye sach hai ki haatho.n me.n tirshuul thaame
biraagii tumhii.n the
khule aasmaa.n ko tumhii.n tak rahe the
hazaaro.n baras tak tumhii.n devtaa.o.n ne kuchh na diyaa us jaziire se tum lauT aa.e
usii dam puraane samundar ke kone me.n mo.nge chaTaane.n banaate hu.e thak ga.e the
unhe.n machhliyaa.n khaa ga.ii thii.n
aneko.n bano.n apuuno.n se guzartii hu.ii dau.Dtii sansanaahaT unhe.n Dhuu.nDne jaa rahii thii
zamii.n ek chakkar lagaa ke rukii thii
ki tum lauT aa.e
aur phir bhiik maa.ngii hu.ii siipiyo.n sard gho.ngho.n se tum ne ka.ii sar-phire but banaa.e
magar ab kahaa.n ho
sirishTi kahaa.n hai!
yahaa.n ek kamre me.n bijlii ke kaale plug kii chamaktii lakiiro.n se do jhaa.nkte gol suraaKH
aur taak me.n gupt baiThii hu.ii maut kii bhuuk, laalach, havaa me.n sulagtii hu.ii suukhtii tirishnaa
kaun hai ....raushnii.... nahii.n piip ke Dher me.n ek luth.Dii hu.ii Duubtii khopa.Dii
do nishaan malgaje ek ublaa kahaanii ke piichhe bhaTakte hu.e sard suune safar kii bikastii bansii
kaun soche gulaab aur huuhii ke phuulo.n kii mahkaar raste se haT ke puraanii hu.ii bujh ga.ii
ik zamaana kinaare kii ghaTnaa.o.n kaa saath detaa barkachho.n se girtii hu.ii pattiyo.n ko sameTe
bahaav se Darte hu.e aaKHirii jal me.n bahtaa chalaa jaa rahaa hai
suno aaKHirii jal tumhaaraa nahii.n hai kisii kaa nahii.n hai!
dishaa.o.n ke bahruup, ab haarte, haa.npte, TuuTte jaa rahe hai.n
inhe.n itnaa murda samajh lo ki dekhe binaa chal pa.Do aur chalte raho
jinhe.n tum kahii.n bhuul se vaqt ke mo.D par chho.D aa.e
vo ab jaa chuke hai.n
unhe.n mat bulaa.o
yahaa.n ek kamre kii khi.Dkii me.n baiThe hu.e sochte ho ki aa.nkhe.n tumhaarii hai.n rachnaa tumhaarii
udhar mu.D ke dekho banaa.e hu.e an-ginat ra.ng
shabdo.n ke saa.ncho.n me.n Dhaalii hu.ii apsaraa.e.n na.e farsh par Dagmagaatii hu.ii gir pa.Dii hai.n
savere kii niilaahaTe.n gandagii me.n lapeTii hu.ii chhaa.nv me.n uu.nghtii hai.n
faqat makkhiyaa.n u.D rahii hai.n

Ahmad Hamesh
Nazm

kashshu rani

kashshuu raanii kashshuu raanii
kartii ho apnii man-maanii
ek ik baat pe zid kartii ho
kartii ho kyo.n naa-farmaanii
saaraa sabaq to raT letii ho
jaise hai ye ko.ii kahaanii
samajh-buujh kar pa.Dhnaa siikho
chho.Do ab apnii naadaanii
apnaa kaam vaqt par karnaa
achchhe bachcho.n kii hai nishaanii
mel-jol se rahnaa achchhaa
lab par laanaa miiThii baanii
achchhii nazm kahii.n bhii sun lo
kar lo us ko yaad zabaanii
saaf aur suthraa rahnaa siikho
gande rahnaa hai naadaanii
apnii kitaabo.n ko mat phaa.Do
ho jaa.e.n kitnii bhii puraanii
'ilm siikhnaa farz hai sun lo
'ilm se jaatii hai naadaanii
khaanaa daa.e.n haath se khaa.o
tiin saa.ns me.n piinaa paanii
aapas me.n mil-jul kar rahnaa
bair na rakhnaa kisii se jaanii
baat ba.Do.n kii jis ne maanii
sach puuchho to vahii hai gyaanii

Mehdi Pratapgarhi
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now