Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "prado"

MOST RELEVANT MATCHES FOR "prado"

Nazm

saDak

sa.Dak masaafat kii ujlato.n me.n
ghire hu.e sab musaafiro.n ko
ba-Gaur fursat se dekhtii hai
kisii ke chehre pe surKH vahshat chamak rahii hai
kisii ke chehre se zard hairat chhalak rahii hai
kisii kii aa.nkhe.n harii-bharii hai.n
kabiir had se ubhar rahaa hai
saGiir qad se guzar rahaa hai
kisii kaa tyre kisii ke pahiye ko khaa rahaa hai
kisii kaa juutaa kisii kii chappal chabaa rahaa hai
kisii ke pairo.n me.n aa rahaa hai kisii kaa bachcha
kisii kaa bachcha kisii ke shaane pe jaa rahaa hai
ko.ii Thikaane pe ko.ii khaane pe jaa rahaa hai
habiib dast-e-raqiib thaame
Gariib-KHaane pe jaa rahaa hai
amiir pi.njra banaa rahaa hai
Gulaam kartab dikhaa rahaa hai
aur apne beTe ke saath chhat par
amiin kunDaa lagaa rahaa hai
nizaam Taa.nga chalaa rahaa hai
kisii kalaa.ii pe jagmagaatii hu.ii gha.Dii hai
magar abhii vo rukii hu.ii hai
kisii ke chehre pe baara bajne me.n paa.nch second rah ga.e hai.n
kisii kii haathii-numaa prado
sa.Dak se aise guzar rahii hai
sivaa.e is ke kahii.n bhii jaise ko.ii nahii.n ho
kisii kii mo.nchhe.n jhukii hu.ii hai.n
kisii kii baa.nchhe.n khilii hu.ii hai.n
kisii kii taxi kisii kii foksii milii hu.ii hai.n
kisii ke lab aur kisii kii aa.nkhe.n silii hu.ii hai.n
kisii ke kap.De phaTe hu.e hai.n
kisii kii pag.Dii chamak rahii hai
kisii kii ra.ngat kisii kii Topii u.Dii hu.ii hai
shariif nazre.n uThaa uThaa kar
kamaan jismo.n pe apnii vahshat ke tiir kab se chalaa rahaa hai
naziir nazre.n churaa rahaa hai
nafiis apne cluff kii shikno.n ko ro rahaa hai
hakiim apne matab ke shiisho.n ko dho rahaa hai
kisii kii aa.nkho.n ke dhu.ndle shiisho.n me.n us ke maazii kii jhalkiyaa.n hai.n
kisii kii aa.nkho.n me.n aane vaale hasiin lamho.n kii mastiyaa.n hai.n
kisii kii aa.nkho.n me.n rat-jago.n kii kuchh arGavaanii sii Doriyaa.n hai.n
kisii ke kaa.ndhe pe us ke KHvaabo.n kii boriyaa.n hai.n
kabaa.D-KHaane pe baasii Tuk.Do.n kii or kitaabo.n kii boriyaa.n hai.n
buzurg bargad ke niiche buu.Dhaa kha.Daa hu.aa hai
aur us ke haatho.n me.n tape lipTii hu.ii chha.Dii hai
police kii gaa.Dii pikiT lagaa kar
sa.Dak pe tirchhii kha.Dii hu.ii hai
aur ek mazduur apnaa daaman uThaa.e be-bas kha.Daa hu.aa hai
aur ik sipaahii ki us ke nefe me.n u.ngliyo.n ko ghumaa rahaa hai
vahii.n pe shaahid siyaah chashma lagaa ke KHud ko chhupaa rahaa hai
news channel kii chhoTii gaa.Dii ba.Dii KHabar kii talaash me.n hai
do sabzii vaale bhii apnii pherii lagaa rahe hai.n
to phuul vaale ke sar pe phuulo.n kii Tokarii hai
kisii kii aa.nkho.n me.n naukrii hai
kisii kii aa.nkho.n me.n chhokrii hai
vaqaar sar ko jhukaa rahaa hai
faraaz khaa.ii me.n jaa rahaa hai
to giilii cigarette ke kash lagaa kar
navaab rickshaw chalaa rahaa hai
saliim kannii ghumaa rahaa hai
vakiil vardii me.n jaa rahaa hai
zamiir baGle.n bajaa rahaa hai
aur ek vaa.iz bataa rahaa hai
KHudaa ko naaraaz karne vaale jahannamii hai.n
KHudaa ko raazii karo KHudaaraa
KHudaa ko raazii karo KHudaaraa
aur us ke aage nasiir akmal kamaal shaadaab Gulaam saare
nazar jhukaa.e kha.De hu.e hai.n
ki chashm-e-biinaa agar kahii.n hai
to samjho paataal tak ga.Dhii hai
kisii ko a-c KHariidnaa hai
kisii ko pii sii KHariidnaa hai
kisii kii bas aur kisii kii bii-sii nikal rahii hai
aqiila KHaala ke dono.n haatho.n me.n aaTh thaile laTak rahe hai.n
aur aate jaate sabhii musaafir
unhe.n musalsal khaTak rahe hai.n
ziyaa a.ndhere me.n jaa rahaa hai
gulaab kachraa jalaa rahaa hai
aziim makkhii a.Daa rahaa hai
kaliim guTkaa chabaa rahaa hai
to ghanTa-package pe jaane kab se
fahiim gappe.n la.Daa rahaa hai
sabaq musaavaat kaa sikhaane
vaziir gaa.Dii me.n jaa rahaa hai
sanaa nidaa ko na.e latiife sunaa rahii hai
hinaa hathelii ko takte takte puraane raste se aa rahii hai
aur apnii bhaavaj kaa haath thaame
zubaida check-up ko jaa rahii hai
vo apnii nazre.n kabhii idhar ko kabhii adhar ko gumaa rahii hai
magar ko.ii shai use musalsal bulaa rahii rahii hai
ajiib ujlat ajiib vahshat ajiib Gaflat kaa maajraa hai
kahuu.n mai.n kis se mire KHudaayaa ye kaisii KHilqat kaa maajraa hai
ki apnii mastii me.n mast ho kar
ye sab musaafir guzar rahe
na.e musaafir ubhar rahe hai.n
sa.Dak jahaa.n thii vahii.n kha.Dii hai
magar haqiiqat bahut ba.Dii hai
sa.Dak pe billii marii pa.Dii hai

Imran Shamshad Narmi
Ghazal

'kaashif'-husain yaar uTho ab to chal pa.Do
chal kar tumhaare paa.nv me.n rasta tak aa gayaa

Kashif Husain Ghair
Nazm

baDhe chalo

uTho uTho uTho uTho
kamar kaso kamar kaso
sahar se pahle chal pa.Do
ka.Dii hai raah dosto
thakan kaa naam bhii na lo
ba.Dhe chalo ba.Dhe chalo

Ahmaq Phaphoondvi
Nazm

safar aur musafir

sub.h jaldii se safar par chal pa.Do
shab se pahle ghar ko tum lauT aa.iyo

Hafiz Karnataki
Ghazal

samt kyaa raah kyaa manzil kaisii
chal pa.Do aap jidhar jaa.e jii

Abdullah Javed
See All

DICTIONARY MATCHES

REKHTA DICTIONARY

paayo

पायोپایو

get, gain, manage, succeed

parde

पर्देپَرْدے

privacy, veil, screen, ear-drum

parda

पर्दाپَرْدَہ

Persian

a musical tone, act or state of being behind purdah, modesty, piece that covers the chest of a coat or shirt, screen, curtain, veil, purdah, cover, anything which acts as a screen, the eardrum, pretext, excuse, sail of a ship, seclusion, secrecy, concealm

iraada

इरादाاِرادَہ

Arabic

intention, will, inclination

MORE MATCHES FOR "prado"

Ghazal

'bahr' ayyaam-e-judaa.ii me.n na kap.De phaa.Do
ye samajh lo ki shab-e-vasl ke kaffaare hai.n

Imdad Ali Bahr
Ghazal

nigaah-e-mast-e-saaqii baada-KHvaaro.n se ye kahtii hai
buto.n kii jab nazar se gir pa.Do yaad-e-KHudaa karnaa

Syed Nazeer Hasan Sakha Dehlavi
Ghazal

aashiq ke ra.ng-e-zard ko dekho to ha.ns pa.Do
taasiir us me.n bhii hai vo jo za.afaraa.n me.n hai

Haidar Ali Aatish
Nazm

baDhe chalo

uTho uTho uTho uTho
kamar kaso kamar kaso
sahar se pahle chal pa.Do
ka.Dii hai raah dosto
thakan kaa naam bhii na lo
ba.Dhe chalo ba.Dhe chalo
jhijak na dil me.n laa.o tum
bas ab qadam uThaa.o tum
zaraa na Dagmagaa.o tum
KHudaa se lau lagaa.o tum
maluul-o-muztarib na ho
ba.Dhe chalo ba.Dhe chalo
uThaa diyaa qadam agar
to KHatm hai bas ab safar
hai raah saaf-o-be-KHatar
na ko.ii KHauf hai na Dar
chale chalo ba.Dhe chalo
ba.Dhe chalo ba.Dhe chalo
tumhaare ham-safar jo the
vo manzilo.n pe jaa lage
sab aage tum se ba.Dh ga.e
magar ho tum pa.De hu.e
zaraa samajh se kaam lo
ba.Dhe chalo ba.Dhe chalo
dilo.n me.n jo ho valvala
to Daal doge zalzala
rahe buland hausla
vo saamne hai marhala
vahii.n pahu.nch ke saa.ns lo
ba.Dhe chalo ba.Dhe chalo

Mohammad Mustafa Khan Maddah
Ghazal

paar utarnaa hai to phir kuud pa.Do dariyaa me.n
aise mu.D-mu.D ke kinaaro.n kii taraf mat dekho

Altamash Abbas
Ghazal

na pa.Do fikr-e-dahaan-o-kamar-e-yaar me.n tum
ko.ii vaaqif nahii.n ye Gaib ke asraar hai.n sab

Asad Ali Khan Qalaq
Ghazal

tum faraa.ez-mansabii anjaam do 'rahbar' faqat
mat pa.Do jhag.De me.n tum taqdiir-o-tadbiir ke

Jitendra Mohan Sinha Rahbar
Ghazal

aise ki suno to ha.ns pa.Do tum
dekhe hai.n ajiib KHvaab ham ne

Mushaf Iqbal Tausifi
Sher

vaqt ke sahraa me.n na.nge paa.nv Thahre ho 'saliim'
dhuup kii shiddat yakaayak ba.Dh na jaa.e chal pa.Do

Sardar Saleem
Ghazal

kamar kaso to masaafat kii aabruu rakhnaa
jo chal pa.Do to na manzil kii aarzuu rakhnaa

Ahmad Adil
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now