Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "puncture"

Nazm MATCHES FOR "puncture"

Nazm

kaTh-putli

mere hamdam
mai.n ki tujh ko chaahtaa thaa bhuulnaa
mai.n ki terii raah se katraa rahaa thaa
mai.n ki terii yaad siine me.n dabaa.e jaa rahaa thaa
mai.n ki teraa pyaar duniyaa se chhupaa.e jaa rahaa thaa
haadisa phir ho gayaa
meraa dil tanhaa.iyo.n me.n kho gayaa
tere ghar ke saamne
mai.n guzartaa jaa rahaa thaa tez tez
ki achaanak car puncture ho ga.ii
tere ghar ke saamne
na Thahar saktaa thaa mai.n
na hii jaa saktaa thaa mai.n
mai.n bahut hairaan thaa
mai.n bahut aazurda thaa
vo ki mujh se pyaar karte the kabhii
vo ki meraa naam japte the kabhii
saamne baiThe rahe
par na merii jaanib uTh kar aa sake
jaise mai.n un kaa na thaa
jaise mai.n teraa na thaa
jaise mai.n begaana thaa
apnii is tauhiin par
mai.n bahut sharminda thaa
mai.n bahut pazhmurda thaa
tujh se lekin kyaa gila
na tire siine me.n dil
na tirii ko.ii umang
tuu to kaTh-putlii hai ek
mujh ko tujh se kyaa gila

Asghar Ali Tabassum
Nazm

akka bakka tin taDakka

pa.Dhaa nahii.n to phir kyaa likkhaa
tiir nahii.n thaa chalaa hai tukkaa
aaKHir me.n sab hakkaa-bakkaa
ruk ga.ii gaa.Dii puncture chakkaa
akkaa bakkaa tiin ta.Dakkaa

Mohammad Asadullah
Nazm

pas hue

jii-jaan se ham ne mehnat kii aur avval-number paas hu.e
school se ham ne ulfat kii ham avval-number paas hu.e
picture bhii nahii.n dekhii ham ne hokey bhii nahii.n khelii ham ne
le le ke kitaabe.n pa.Dhte rahe aur KHuub pa.Dhaa.ii kii ham ne
ustaad kii ham ne izzat kii ham avval-number paas hu.e
jii-jaan se ham ne mehnat kii ham avval-number paas hu.e
din-raat jo khelaa karte the vo bhaa.ii hamaare fail hu.e
din-raat jo ghuumaa karte the vo bhaa.ii hamaare fail hu.e
us khel se ham ne nafrat kii ham avval-number paas hu.e
jii-jaan se ham ne mehnat kii ham avval-number paas hu.e
ab pyaar se ammii kahtii hai.n ik suiT tumhe.n banvaa de.nge
ab pyaar se paapaa kahte hai.n dillii se khilaunaa laa de.nge
maa.n-baap kii ham ne KHidmat kii ham avval-number paas hu.e
jii-jaan se ham ne mehnat kii ham avval-number paas hu.e
har saal rahe.nge ham avval aur aage ba.Dhte jaa.e.nge
is desh ke nanhe munne hai.n ham apne hunar dikhlaa.e.nge
kyaa baat hamaarii himmat kii ham avval-number paas hu.e
jii-jaan se ham ne mehnat kii ham avval-number paas hu.e

Hasrat Jaipuri
Nazm

machhli ki bu

bistar me.n leTe leTe
us ne sochaa
''mai.n moTaa hotaa jaataa huu.n
kal mai.n apne niile suiT ko
alter karne
darzii ke haa.n de aa.uu.ngaa
nayaa suiT do-chaar mahiine baa'd sahii!
darzii kii duukaan se lag kar
jo hotel hai
us hotel kii
machhlii testy hotii hai
kal khaa.uu.ngaa
lekin machhlii kii buu saalii
haatho.n me.n bas jaatii hai
kal saabun bhii laanaa hai
ghar aate
letaa aa.uu.ngaa
ab ke ''yardley'' laa.uu.ngaa
office me.n kal kaam bahut hai
boss agar naaraaz hu.aa to
do din kii chhuTTii le luu.ngaa
aur agar mood hu.aa to
chhe ke show me.n
''raam-aur-shyaam'' bhii dekh aa.uu.n gaa
picture achchhii hai saalii
nau se baara
club ramii
do din se luck achchhaa hai
kal bhii saaTh ruupe jiitaa thaa
aaj bhii tiis ruupe jiitaa huu.n
aur ummiid hai
kal bhii jiit ke aa.uu.ngaa
bas ab nii.nd aa.e to achchhaa
kal bhii
jiit ke
nii.nd aa.e to
ikkaa-dukkii nahla-dahla
ii.nT kii begam
machhlii kii buu
taash ke patte
joker joker
suiT pahan kar
moTaa-tag.Daa joker....
itnaa bahut saa soch ke vo
soyaa thaa magar
phir na uThaa!!
duusre din jab
us kaa janaaza
darzii kii duukaan ke paas se guzraa to
hotel se machhlii kii buu
duur duur tak aa.ii thii!!!

Mohammad Alvi
Nazm

bura man gae

mai.n ne chho.Daa jo paTaaKHa to buraa maan ga.e
KHvaab-e-Gaflat se jagaayaa to buraa maan ga.e
ham ko bhii daadii kii is chiiz pe haq haasil thaa
khaa liyaa tho.Daa saa halva to buraa maan ga.e
merii tauhiin thii khaTmal se mako.De se shikast
nochnaa jo pa.Daa takiya to buraa maan ga.e
ab bhii baaqii hai.n vahii zulm-o-sitam teacher ke
jo kahaa lafz-e-ahinsaa to buraa maan ga.e
fail kartaa hii to aayaa huu.n sabhii saal magar
ab kii daddy ko sunaayaa to buraa maan ga.e
mai.n bhii siine me.n to aaKHir vahii dil rakhtaa huu.n
raat picture se jo aayaa to buraa maan ga.e
jii me.n aayaa thaa ki kuchh chhup ke kamaa luu.n shohrat
ek hii sher churaayaa to buraa maan ga.e
ko.ii mujh saa na ho mahruum jahaa.n me.n 'aadil'
haal-e-dil jab bhii sunaayaa to buraa maan ga.e
hotii aa.ii hai ki achchho.n ko buraa kahte hai.n
kyaa hu.aa mai.n bhii jo achchhaa to buraa maan ga.e

Adil Khilganvi
Nazm

ali-mohsin MBA, Khaalid-bin-walid road

ali-mohsin police ke rokne ke vaqt se pahle
ka.Daahii khaa ke aur yaaro.n se ruKHsat le ke apne ghar pahu.nchtaa thaa
pahu.nchte hii vo T.v par kisii channel se aatii
inDian picture lagaataa thaa
magar phir bhuul kar sab
maayera kii KHushbu.o.n me.n Duub jaaataa thaa

Harris Khalique
Nazm

leader

leader ko agar aap kabhii Dhuu.nDhnaa chaahe.n
vo pichhle pahar hujra-e-dilbar me.n milegaa
aur sub.h ko vo banda-e-aGraaz-o-maqaasid
sar KHam kiye darbaar-e-minister me.n milegaa
aur din ko vo jantaa ko charaa-gaah kaa bhai.nsaa
chartaa hu.aa permit kisii daftar me.n milegaa
aur shaam ko ahbaab ke paiso.n keii badaulat
hotel me.n kahii.n yaa kisii picture me.n milegaa
aur raat ko haatho.n me.n liye bhaat keii thaalii
biivii se jhaga.Dtaa hu.aa vo ghar me.n milegaa

Raza Naqvi Vahi
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now