Hindustan Shayari

kyā pūchhte ho nām-o-nishān-e-musāfirāñ

hindostāñ meñ aa.e haiñ hindostān ke the

kya puchhte ho nam-o-nishan-e-musafiran

hindostan mein aae hain hindostan ke the

sar-zamīn-e-hind par aqvām-e-ālam ke 'firāq'

qāfile baste ga.e hindostāñ bantā gayā

sar-zamin-e-hind par aqwam-e-alam ke 'firaq'

qafile baste gae hindostan banta gaya

ilāhī ek dil kis kis ko duuñ maiñ

hazāroñ but haiñ yaañ hindostān hai

ilahi ek dil kis kis ko dun main

hazaron but hain yan hindostan hai

jo ye hindostāñ nahīñ hotā

to ye urdu zabāñ nahīñ hotī

jo ye hindostan nahin hota

to ye urdu zaban nahin hoti