Sher on Sacrifice

mujh ko atā huā hai ye kaisā libās-e-zīst

baḌhte haiñ jis ke chaak barābar rafū ke saath

mujh ko ata hua hai ye kaisa libas-e-zist

baDhte hain jis ke chaak barabar rafu ke sath

neza ho ki pyāla lab-e-inkār salāmat

ye silsila suqrāt se shabbīr talak hai

neza ho ki pyala lab-e-inkar salamat

ye silsila suqraat se shabbir talak hai

pāsbānī karte karte us kī āñkheñ bujh ga.iiñ

'umr bhar jo ḳhvāhish-e-tā'mīr-e-dar kartā rahā

pasbani karte karte us ki aankhen bujh gain

'umr bhar jo KHwahish-e-ta'mir-e-dar karta raha

maiñ havāoñ se laḌā huuñ jis kī ḳhātir 'umr bhar

us diye ne hī mire ghar ko jalā kar rakh diyā

main hawaon se laDa hun jis ki KHatir 'umr bhar

us diye ne hi mere ghar ko jala kar rakh diya

jagah jagah the bhañvar 'ishq ke samundar meñ

vo ḳhud bhī Duub gayā thā mujhe bachāte hue

jagah jagah the bhanwar 'ishq ke samundar mein

wo KHud bhi Dub gaya tha mujhe bachate hue