Shayari on Kolkata City

koī chhīñTā paḌe to 'dāġh' kalkatte chale jaa.eñ

azīmābād meñ ham muntazir sāvan ke baiThe haiñ

koi chhinTa paDe to 'dagh' kalkatte chale jaen

azimabaad mein hum muntazir sawan ke baiThe hain

Dagh Dehlvi

mahrūm huuñ maiñ ḳhidmat-e-ustād se 'munīr'

kalkatta mujh ko gor se bhī tañg ho gayā

mahrum hun main KHidmat-e-ustad se 'munir'

kalkatta mujh ko gor se bhi tang ho gaya

Muneer Shikohabadi

ḳhvāb aañsū ehtajājī zindagī

pūchhiye mat shahr-e-kalkatta hai kyā

KHwab aansu ehtajaji zindagi

puchhiye mat shahr-e-kalkatta hai kya

Ambar Shameem

sisaktī aarzū dard huuñ fōtpath jaisā huuñ

ki mujh meñ chhaTpaTātā shahr-e-kalkatta bhī rahtā hai

sisakti aarzu ka dard hun footpath jaisa hun

ki mujh mein chhaTpaTata shahr-e-kalkatta bhi rahta hai

Khursheed Akbar

sū-e-kalkatta jo ham ba-dil-e-dīvāna chale

gungunāte hue ik shoḳh afsāna chale

su-e-kalkatta jo hum ba-dil-e-diwana chale

gungunate hue ek shoKH ka afsana chale

Akhtar Shirani

kalkatta meñ har dam hai 'munīr' aap ko vahshat

har koThī meñ har bañgle meñ jañglā nazar aayā

kalkatta mein har dam hai 'munir' aap ko wahshat

har koThi mein har bangle mein jangla nazar aaya

Muneer Shikohabadi

kalkatta se bhī kījiye hāsil koī to ilm

sīkheñge sehr-e-sāmrī ham chashm-e-yār se

kalkatta se bhi kijiye hasil koi to ilm

sikhenge sehr-e-samri hum chashm-e-yar se

Abdullla Khan Mehr Lakhnavi

kalkatta meñ har dam hai 'munīr' aap ko vahshat

har koThī meñ har bañgle meñ jañglā nazar aayā

kalkatta mein har dam hai 'munir' aap ko wahshat

har koThi mein har bangle mein jangla nazar aaya

Muneer Shikohabadi

lā-makāñ hai vāste un maqām-e-būd-o-bāsh

go ba-zāhir kahne ko kalkatta aur lahore hai

la-makan hai waste un ki maqam-e-bud-o-bash

go ba-zahir kahne ko kalkatta aur lahore hai

Shah Aasim

Related Tags