Sher on Sun

aap ke shahr meñ sūraj to nikalne se rahā

ek mash.al hī mire haat meñ rahne diije

aap ke shahr mein suraj to nikalne se raha

ek mashal hi mere hat mein rahne dije

ye chāñd sā chehra hai ki sūraj kī kiran hai

zulfeñ haiñ tirī raat suhānī hai ki kyā hai

ye chand sa chehra hai ki suraj ki kiran hai

zulfen hain teri raat suhani hai ki kya hai

ufuq pe yādoñ ke zard āñchal meñ lipTā sūraj

aur us pe shāmoñ ke saath Dhaltī 'ajīb sī chup

ufuq pe yaadon ke zard aanchal mein lipTa suraj

aur us pe shamon ke sath Dhalti 'ajib si chup