aadmii ke baare me.n

ye jis ke muñh par taalā lagā diyā gayā hai

jise maut kī chaTTān se zanjīr kar diyā gayā hai

jise kahā jā rahā hai tum qātil ho

jis kī roTī chhīn lī ga.ī

jis ke kapḌe utaar liye ga.e

jise mahrūm kar diyā gayā shanāḳht se

aur pheñk diyā gayā maut kī koTharī meñ

jis kī fard-e-jurm meñ likhā gayā luTerā

jis par tamām bandar-gāheñ band kar dī ga.iiñ

jis kī mahbūba ko aġhvā kar liyā gayā

jis se kahā gayā tum ho panāh-gīr

ḳhūn-ālūd āñkhoñ aur hāthoñ suno

raat guzar jaatī hai

na to hamesha rahtī haiñ hirāsatī koThriyāñ

na hī zanjīroñ kī kaḌiyāñ

nero mar gayā

lekin rom vahīñ hai jahāñ thā

rom ne ye jang apnī āñkhoñ se laḌī hogī

ye jis ke munh par tala laga diya gaya hai

jise maut ki chaTTan se zanjir kar diya gaya hai

jise kaha ja raha hai tum qatil ho

jis ki roTi chhin li gai

jis ke kapDe utar liye gae

jise mahrum kar diya gaya shanaKHt se

aur phenk diya gaya maut ki koThari mein

jis ki fard-e-jurm mein likha gaya luTera

jis par tamam bandar-gahen band kar di gain

jis ki mahbuba ko aghwa kar liya gaya

jis se kaha gaya tum ho panah-gir

KHun-alud aankhon aur hathon suno

raat guzar jati hai

na to hamesha rahti hain hirasati koThriyan

na hi zanjiron ki kaDiyan

nero mar gaya

lekin rom wahin hai jahan tha

rom ne ye jang apni aankhon se laDi hogi