aaj jel-KHaane me.n

aaj jail ḳhāne meñ

ek ḳhāmosh 'ahd ke tahat

ham qaidiyoñ ko ek giit gaane kī ijāzat hai

africa salāmat hai

sirf ek giit

kam-āhangī aur matānat ke saath

jazboñ par zabt ke band bāñdh lo

ehsāsāt kī lau nīche rakkhe raho

qaidī tavānā magar ustuvār āvāzoñ meñ gaate haiñ

africa terī ḳhair ho

āñkhoñ ke pīchhe

dil kī gahrā.iyoñ se umḌe nukīle aañsū

be-Thikāna parinde kī vahshat kī tarah

koī naam maqām DhūñDte haiñ

jin par qayām kar sakeñ

un kārnāmoñ kā zikr

jo vo anjām de chuke

un marhaloñ kā tazkira

jin se guzar rahe haiñ

un murādoñ kī fehrist

jin ke husūl ke liye abhī bahut kuchh karnā hai

aaj jail ḳhāne meñ

hameñ ek giit gaane kī ijāzat hai

aaj jail KHane mein

ek KHamosh 'ahd ke tahat

hum qaidiyon ko ek git gane ki ijazat hai

africa salamat hai

sirf ek git

kam-ahangi aur matanat ke sath

jazbon par zabt ke band bandh lo

ehsasat ki lau niche rakkhe raho

qaidi tawana magar ustuwar aawazon mein gate hain

africa teri KHair ho

aankhon ke pichhe

dil ki gahraiyon se umDe nukile aansu

be-Thikana parinde ki wahshat ki tarah

koi nam maqam DhunDte hain

jin par qayam kar saken

un karnamon ka zikr

jo wo anjam de chuke

un marhalon ka tazkira

jin se guzar rahe hain

un muradon ki fehrist

jin ke husul ke liye abhi bahut kuchh karna hai

aaj jail KHane mein

hamein ek git gane ki ijazat hai