aa.nkho.n me.n raat merii pur-kaif KHvaab aayaa

āñkhoñ meñ raat merī pur-kaif ḳhvāb aayā

hāthoñ meñ le ke saaqī jām-e-sharāb aayā

us nashsha-e-ḳhudī kā 'ālam na mujh se pūchho

jab mere sāmne vo mast-e-shabāb aayā

tū jaane ab kahāñ hai dil kī magar sadā hai

thā māhtāb pahle ab āftāb aayā

ham kyoñ gila kareñ ab dil TūTne kā tujh se

dil bhī to tujh pe misl-e-bū-e-kabāb aayā

'ḳhusro' hai paas us ke 'ḳhusro' ke vo qarīñ hai

jo kah gayā thā tujh se aayā shitāb aayā

aankhon mein raat meri pur-kaif KHwab aaya

hathon mein le ke saqi jam-e-sharab aaya

us nashsha-e-KHudi ka 'alam na mujh se puchho

jab mere samne wo mast-e-shabab aaya

tu jaane ab kahan hai dil ki magar sada hai

tha mahtab pahle ab aaftab aaya

hum kyon gila karen ab dil TuTne ka tujh se

dil bhi to tujh pe misl-e-bu-e-kabab aaya

'KHusro' hai pas us ke 'KHusro' ke wo qarin hai

jo kah gaya tha tujh se aaya shitab aaya