KHaalii jagah
sirf do mumlikateñ thiiñ
ek ne mujhe aur use be-daḳhl diyā thā
dūsrī ko ham donoñ ne tark kar diyā thā
barahna āsmān tale
jaane kab tak maiñ badan kī barsāt meñ bhīgī
jaane kab tak vo tan kī bauchhaḌ meñ galtā rahā
phir ek umr kī chaah ko vish ke ghūñT kī tarah p kar
us ke larzāñ haath ne merā haath thaam liyā
aao lamhoñ ke sar par ek chhappar Dāleñ
vo dekho duur vahāñ
sach aur jhuuT ke darmiyān kuchh jagah ḳhālī hai
sirf do mumlikaten thin
ek ne mujhe aur use be-daKHl diya tha
dusri ko hum donon ne tark kar diya tha
barahna aasman tale
jaane kab tak main badan ki barsat mein bhigi
jaane kab tak wo tan ki bauchhaD mein galta raha
phir ek umr ki chah ko wish ke ghunT ki tarah p kar
us ke larzan hath ne mera hath tham liya
aao lamhon ke sar par ek chhappar Dalen
wo dekho dur wahan
sach aur jhuT ke darmiyan kuchh jagah KHali hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
