halqa

ek laḌkī ne ye pūchhā hans kar

raaz is halqa-e-zarrīñ kā hai kyā

jis ne unglī ko mirī

is qadar saḳht dabā rakkhā hai

jis kī peshānī par

is qadar tābish-o-raḳhshandagī hai

mard hairān huā aur bolā

halaqa-e-ḳhush-baḳhtī

halqa-e-zindagī hai

vaqt guzrā

aur ik din zan-e-afsurda ne

halqa-e-zar pe nazar phir Daalī

aur dekhe vo shab-o-roz jo be-sūd ga.e

sarf-e-ummīd-e-vafā-e-shauhar

roī 'aurat ke dareġh

halqa-e-zar meñ hanūz

vahī tābish vahī raḳhshandagī hai

ye ġhulāmī kā hai halqa samjhī

halqa-e-burdagī-o-bandagī hai

ek laDki ne ye puchha hans kar

raaz is halqa-e-zarrin ka hai kya

jis ne ungli ko meri

is qadar saKHt daba rakkha hai

jis ki peshani par

is qadar tabish-o-raKHshandagi hai

mard hairan hua aur bola

halaqa-e-KHush-baKHti

halqa-e-zindagi hai

waqt guzra

aur ek din zan-e-afsurda ne

halqa-e-zar pe nazar phir Dali

aur dekhe wo shab-o-roz jo be-sud gae

sarf-e-ummid-e-wafa-e-shauhar

roi 'aurat ke daregh

halqa-e-zar mein hanuz

wahi tabish wahi raKHshandagi hai

ye ghulami ka hai halqa samjhi

halqa-e-burdagi-o-bandagi hai