jamaal-e-yaar kii jo aa.nkh bhii KHabar rakkhe

jamāl-e-yār kī jo aañkh bhī ḳhabar rakkhe

haqīqatan vo basīrat se pur nazar rakkhe

jhukā diyā sar-e-taslīm ham ne misl-e-qalam

mabādā ab vo use nok-e-teġh par rakkhe

tire visāl kā parvāna bas usī ko mile

jo misl-e-sham’ sadā zer-e-teġh sar rakkhe

use milā tire qadmoñ ko chūmne kā sharaf

juuñ āstāñ jo paḌā tere dar pe sar rakkhe

maiñ zohd-e-ḳhushk se ghabrā gayā sharāb to lā

mahak isī kī to har dam dimāġh tar rakkhe

nahīñ sharāb meñ kuchh bhī magar ye kyā kam hai

fasād-e-'aql se kuchh der be-ḳhabar rakkhe

use bhī ḳhaak meñ le jā.egā dil-e-'hāfiz'

vo daaġh sūrat-e-lāla jise jigar rakkhe

jamal-e-yar ki jo aankh bhi KHabar rakkhe

haqiqatan wo basirat se pur nazar rakkhe

jhuka diya sar-e-taslim hum ne misl-e-qalam

mabaada ab wo use nok-e-tegh par rakkhe

tere visal ka parwana bas usi ko mile

jo misl-e-sham’ sada zer-e-tegh sar rakkhe

use mila tere qadmon ko chumne ka sharaf

jun aastan jo paDa tere dar pe sar rakkhe

main zohd-e-KHushk se ghabra gaya sharab to la

mahak isi ki to har dam dimagh tar rakkhe

nahin sharab mein kuchh bhi magar ye kya kam hai

fasad-e-'aql se kuchh der be-KHabar rakkhe

use bhi KHak mein le jaega dil-e-'hafiz'

wo dagh surat-e-lala jise jigar rakkhe