javaab

jab shāh-rāhoñ par sailāb sā aa jaatā hai

aur yake-bā'd-dīgre qadroñ ke mandir Dhahe lagte haiñ

zard sahāfat vaale tāqat-var sarmāya-dār sahāfī

har nukkaḌ par khaḌe ho kar bechne lagte haiñ

masāle-dār chaTpaTī ḳhabareñ

aur har chanda gaalī kī qīmat vasūl karte haiñ

subā.ī firqa-vāriyat kī aag phailāte haiñ

apnī bīḌiyāñ āsānī se sulgāne kī ḳhātir

jab mash.hūr ġhunDe caroñ meñ ghūmte phirte haiñ

aur dānish-var badan churā.e jaise taise, rāste par paidal chalte haiñ

jab sarkārī daftaroñ meñ ḳhuun chūsne vaale khaTmaloñ kī ta.adād

kursiyoñ ke tufail insānoñ se ziyāda ho jaatī hai

jab zaat paat kī niiñv par eqtidār kī imārat khuḌ karne vaalā

chhat par khaḌe ho kar qaumī yak-jihatī par bhāshan detā hai

tum pūchhte ho kis liye maiñ mere alfāz

yuuñ 'adāvat se kumhlā.e hue

kis liye haiñ yuuñ mudda.ī bane hue

jab shah-rahon par sailab sa aa jata hai

aur yake-ba'd-digre qadron ke mandir Dhahe lagte hain

zard sahafat wale taqat-war sarmaya-dar sahafi

har nukkaD par khaDe ho kar bechne lagte hain

masale-dar chaTpaTi KHabaren

aur har chanda gali ki qimat wasul karte hain

subai firqa-wariyat ki aag phailate hain

apni biDiyan aasani se sulgane ki KHatir

jab mashhur ghunDe caron mein ghumte phirte hain

aur danish-war badan churae jaise taise, raste par paidal chalte hain

jab sarkari daftaron mein KHun chusne wale khaTmalon ki tadad

kursiyon ke tufail insanon se ziyaada ho jati hai

jab zat pat ki ninw par eqtidar ki imarat khuD karne wala

chhat par khaDe ho kar qaumi yak-jihati par bhashan deta hai

tum puchhte ho kis liye main mere alfaz

yun 'adawat se kumhlae hue

kis liye hain yun muddai bane hue