javaanii aur bu.Dhaapaa

(1)

duniyā meñ nahīñ is se baḌī koī musībat

jazbāt kā mar jaanā qayāmat hai qayāmat

jab bujhtā hai dil koī masarrat nahīñ rahtī

jazbāt meñ aglī sī harārat nahīñ rahtī

(2)

jo log luTā baiThe hoñ sar-chashma ḳhushī kā

lete haiñ vo kam-baḳht gunāhoñ kā sahārā

vo qulzum-e-hastī meñ bhaTakte hī raheñge

vāmāñda haiñ sāhil pe kabhī aa na sakeñge

(3)

mardoñ kī tarah ruuh ThiThur jaatī hai un kī

auroñ kā hai ġham un ko na kuchh fikr hai apnī

ehsās kā sar-chashma hī jab suukh chukā hai

phir un ke liye ziist meñ kyā ḳhaak dharā hai

(4)

mumkin hai ki ye log nazar aa.eñ kabhī shaad

go rātoñ kī ab niiñd vo kar baiThe haiñ barbād

kyā pūchhte ho un ke tabassum kī haqīqat

sabze meñ nihāñ jaise ho ik ḳhasta 'imārat

(5)

ai kaash palaT aa.e vo maazī kā zamāna

ik baar phir aa jaa.e mujhe dil ko rulātā

sahrā meñ kahīñ pyāse ko jaise mile paanī

taskīn bahut degī mujhe ashk-fishānī

(1)

duniya mein nahin is se baDi koi musibat

jazbaat ka mar jaana qayamat hai qayamat

jab bujhta hai dil koi masarrat nahin rahti

jazbaat mein agli si hararat nahin rahti

(2)

jo log luTa baiThe hon sar-chashma KHushi ka

lete hain wo kam-baKHt gunahon ka sahaara

wo qulzum-e-hasti mein bhaTakte hi rahenge

wamanda hain sahil pe kabhi aa na sakenge

(3)

mardon ki tarah ruh ThiThur jati hai un ki

auron ka hai gham un ko na kuchh fikr hai apni

ehsas ka sar-chashma hi jab sukh chuka hai

phir un ke liye zist mein kya KHak dhara hai

(4)

mumkin hai ki ye log nazar aaen kabhi shad

go raaton ki ab nind wo kar baiThe hain barbaad

kya puchhte ho un ke tabassum ki haqiqat

sabze mein nihan jaise ho ek KHasta 'imarat

(5)

ai kash palaT aae wo mazi ka zamana

ek bar phir aa jae mujhe dil ko rulata

sahra mein kahin pyase ko jaise mile pani

taskin bahut degi mujhe ashk-fishani