jilaa-vatanii
mujhe jilā-vatan kaheñ
ḳhāna-ba-dosh samjheñ
yā shorīda-sar shā'ir māneñ
jo bhī kaheñ
maiñ ek ḳhāmosh-tab' aur maranjāñ-maranj insān huuñ
apnī ġhair-mara.ī raftār se gāmzan
apne mansūboñ meñ magan
ġhulāmī kī had tak ḳhush-ḳhulq
lekin phir bhī
kabhī kabhī mātamī nauhe
mere dil ko apnī giraft meñ le lete haiñ
merī ḳhāmosh āñkhoñ ke pīchhe
mere sar meñ
siren aur insānī chīḳhoñ kī āvāzeñ
gūñjne lagtī haiñ
mujhe jila-watan kahen
KHana-ba-dosh samjhen
ya shorida-sar sha'ir manen
jo bhi kahen
main ek KHamosh-tab' aur maranjaan-maranj insan hun
apni ghair-marai raftar se gamzan
apne mansubon mein magan
ghulami ki had tak KHush-KHulq
lekin phir bhi
kabhi kabhi matami nauhe
mere dil ko apni giraft mein le lete hain
meri KHamosh aankhon ke pichhe
mere sar mein
siren aur insani chiKHon ki aawazen
gunjne lagti hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
