kis rah se aayaa thaa yahaa.n

kis rah se aayā thā yahāñ

lauTūñ paḌe haiñ kitne kaam

duur ho pal bhar kū-e-yār

maz.hab-e-'ishq meñ hai ye harām

is gaañv meñ gar koī hai

vallāh hai vo shoḳh-e-tamām

chiḌiyā kyā bach pā.egī

sī-murġhoñ se bharā hai daam

ai āvāra idhar ko aa

baiTh yahāñ achchhā hai maqām

khā ye gazak jāñ-fazā hai ye

maañg vo mai jo rakhe qivām

baaqī sab kuchh rang aur naqsh

baaqī jang aur nang aur naam

chup ho jā aur Thiik se baiTh

be-ḳhud ye hai kinār-e-bām

kis rah se aaya tha yahan

lauTun paDe hain kitne kaam

dur ho pal bhar ku-e-yar

mazhab-e-'ishq mein hai ye haram

is ganw mein gar koi hai

wallah hai wo shoKH-e-tamam

chiDiya kya bach paegi

si-murghon se bhara hai dam

ai aawara idhar ko aa

baiTh yahan achchha hai maqam

kha ye gazak jaan-faza hai ye

mang wo mai jo rakhe qiwam

baqi sab kuchh rang aur naqsh

baqi jang aur nang aur nam

chup ho ja aur Thik se baiTh

be-KHud ye hai kinar-e-baam