mai.n baiThaa dekhtaa huu.n

maiñ duniyā ke tamām dukhoñ aur tamām zulm aur sharm-nākī ko baiThā dekhtā huuñ

maiñ un naujavānoñ ko jo apne kiye par pachhtāte hue ḳhud apne aap se dukhī haiñ

chorī chhupe tilmilāte hue siskiyāñ lete suntā huuñ

maiñ dekhtā huuñ ki niich logoñ meñ aulād apnī maañ se bad-sulūkī kar rahī hai

jo kasmapursī ke 'ālam meñ suukh ke kāñTā jaan par khel jaane ko tayyār gor kināre

maiñ miyāñ ko biivī se bad-sulūkī karte dekhtā huuñ maiñ un ġharīb sāzoñ ko dekhtā huuñ jo naujavān 'auratoñ ko varġhalā kar ḳharāb karte haiñ

maiñ had kī chiñgāriyoñ aur akārat jaane vaalī mohabbat par parda Dālne kī koshish ko dekhtā huuñ

maiñ duniyā meñ ye sab kuchh dekhtā huuñ

maiñ jang vabā aur istibdād kī kāristānī dekhtā huuñ maiñ shahīdoñ aur zindāniyoñ ko dekhtā huuñ

maiñ dekhtā huuñ ki samundar par call paḌā hai maiñ mallāhoñ ko is baat ke liye

qur'a-andāzī karte dekhtā huuñ ki bāqiyoñ kī jaan bachāne ke liye kise maarā jaa.e

maiñ dekhtā huuñ ki ahl-e-takabbur mazdūroñ ġharīboñ habshiyoñ aur inhī jaisoñ ko

kis tarah zalīl aur rusvā karte haiñ

ye sab kuchh ye tamām kamīngī aur karb jis kā koī ant nahīñ baiThā dekhtā huuñ

dekhtā huuñ suntā huuñ aur chup rahtā huuñ

main duniya ke tamam dukhon aur tamam zulm aur sharm-naki ko baiTha dekhta hun

main un naujawanon ko jo apne kiye par pachhtate hue KHud apne aap se dukhi hain

chori chhupe tilmilate hue siskiyan lete sunta hun

main dekhta hun ki nich logon mein aulad apni man se bad-suluki kar rahi hai

jo kasmapursi ke 'alam mein sukh ke kanTa jaan par khel jaane ko tayyar gor kinare

main miyan ko biwi se bad-suluki karte dekhta hun main un gharib sazon ko dekhta hun jo naujawan 'auraton ko warghala kar KHarab karte hain

main had ki chingariyon aur akarat jaane wali mohabbat par parda Dalne ki koshish ko dekhta hun

main duniya mein ye sab kuchh dekhta hun

main jang waba aur istibdad ki karistani dekhta hun main shahidon aur zindaniyon ko dekhta hun

main dekhta hun ki samundar par call paDa hai main mallahon ko is baat ke liye

qur'a-andazi karte dekhta hun ki baqiyon ki jaan bachane ke liye kise mara jae

main dekhta hun ki ahl-e-takabbur mazduron gharibon habshiyon aur inhi jaison ko

kis tarah zalil aur ruswa karte hain

ye sab kuchh ye tamam kamingi aur karb jis ka koi ant nahin baiTha dekhta hun

dekhta hun sunta hun aur chup rahta hun