mai.n tere darbaar me.n huu.n aayaa

maiñ tere darbār meñ huuñ aayā

ki giit gā.ūñ tire liye maiñ

us ek kone meñ mil ga.ī hai jagah mujhe bhī

ki terī duniyā meñ

kaam merā nahīñ hai kuchh aur

ye zindagī merī

jis kā masraf koī nahīñ hai

agar hai iz.hār is kā mumkin to bas suroñ meñ

aur is kā maqsad bhī kuchh nahīñ hai

jo nisf shab ke añdhere ma.abad meñ

terī ḳhāmosh bandagī kī vo sā'at aa.e

to mere aaqā

ye hukm mujh ko zarūr denā

ki sāmne tere rah ke hāzir

maiñ sharaf-e-naġhma-sarā.ī pā.ūñ

nasīm-e-saharī kī uñgliyāñ jab

sunahrī mizrāb par

rasīle suroñ ko chheḌeñ

to mujh ko e'zāz ye 'atā ho

ki tere darbār meñ maiñ aa.uuñ

tire liye maiñ bhī giit gā.ūñ

main tere darbar mein hun aaya

ki git gaun tere liye main

us ek kone mein mil gai hai jagah mujhe bhi

ki teri duniya mein

kaam mera nahin hai kuchh aur

ye zindagi meri

jis ka masraf koi nahin hai

agar hai izhaar is ka mumkin to bas suron mein

aur is ka maqsad bhi kuchh nahin hai

jo nisf shab ke andhere mabad mein

teri KHamosh bandagi ki wo sa'at aae

to mere aaqa

ye hukm mujh ko zarur dena

ki samne tere rah ke hazir

main sharaf-e-naghma-sarai paun

nasim-e-sahari ki ungliyan jab

sunahri mizrab par

rasile suron ko chheDen

to mujh ko e'zaz ye 'ata ho

ki tere darbar mein main aaun

tere liye main bhi git gaun