mai.n us din bhii thaa jab ki asmaa na the

maiñ us din bhī thā jab ki asmā na the

nishān aur vujūd-e-musammā na thā

hue mujh se zāhir musammā-o-ism

ki jab imtiyāz-e-ham-o-maiñ na thā

zuhūr-e-nishāñ thā sar-e-zulf-e-yār

abhī vo sar-e-zulf-e-zebā na thā

use maiñ ne DhūñDā kalīsāoñ meñ

kalīsāoñ meñ vo kisī jā na thā

use mandiroñ meñ kiyā phir talāsh

vahāñ rang us kā huvaidā na thā

hirāt aur qandhār meñ kī talāsh

nahīñ thā kahīñ zer-o-bālā na thā

kiyā 'azm maiñ ne sar-e-koh-e-qāf

vahāñ bhī ba-juz jā-e-'anqā na thā

'inān-e-talab sū-e-kā'ba jo kī

vo us jā-e-aqdas meñ paidā na thā

ye chāhā sunūñ ibn-e-sīnā se haal

ba-andāza-e-ibn-e-sīnā na thā

sū-e-manzar-e-qāb-o-qauseñ gayā

vo 'azmat kī us bār-gah meñ na thā

nazar apne dil par achānak paḌī

vahīñ us ko dekhā digar jā na thā

ba-juz ‘shams-tabrez'-e-pākīza jaañ

koī mast-o-maḳhmūr-o-shaidā na thā

main us din bhi tha jab ki asma na the

nishan aur wujud-e-musamma na tha

hue mujh se zahir musamma-o-ism

ki jab imtiyaz-e-ham-o-main na tha

zuhur-e-nishan tha sar-e-zulf-e-yar

abhi wo sar-e-zulf-e-zeba na tha

use main ne DhunDa kalisaon mein

kalisaon mein wo kisi ja na tha

use mandiron mein kiya phir talash

wahan rang us ka huwaida na tha

hiraat aur qandhaar mein ki talash

nahin tha kahin zer-o-baala na tha

kiya 'azm main ne sar-e-koh-e-qaf

wahan bhi ba-juz ja-e-'anqa na tha

'inan-e-talab su-e-ka'ba jo ki

wo us ja-e-aqdas mein paida na tha

ye chaha sunun ibn-e-sina se haal

ba-andaza-e-ibn-e-sina na tha

su-e-manzar-e-qab-o-qausen gaya

wo 'azmat ki us bar-gah mein na tha

nazar apne dil par achanak paDi

wahin us ko dekha digar ja na tha

ba-juz ‘shams-tabrez'-e-pakiza jaan

koi mast-o-maKHmur-o-shaida na tha